قصة الوليد وريم قصة رائعه ومؤثره تصلح للبنات ^ـ^ ومافي مانع للشباب

الوليــد انتبه لروحه وقال: وشو أنا قلت شيء خطأ أنا أبيها ترجع تهدد فيــصل عشان أغيضه بس هذا كان كل تفكيري ..
فيــصل بصوت منخفض: عرفت كيف تخرج منها مثل الشعره من العجين
والعصر لعبوا البنات بالدبابات وحققوا أمنيتهم أخيرا وتعشوا ومثل أمس قاموا الشيبان ينامون بس الشباب قعدوا يلعبون شوي...
الوليــد: شرايكم نلعب أونو ؟؟
ابراهيم: يالله وش ورانا أصلا حنا غير اللعب
فيــصل: وناااااااااااااااااااااسه من زمان عنها
ماجد قام على حيله وقال إعذروني أنا مواعد واحد من الربع هنا قريب من الإستراحه وبروح للموعد...
الوليــد: ايه لا ماجد خذ راحتك وبقلبه يقول: فككككككككككككككه
البنات: بتلعبونا..
فيــصل: ايييييييييييه بنخبص مجموعتين أونو ونلعب وحنا عدد كبير أحلى ولا ؟؟
البنات: أكيييييييييد أحلى
الوليــد: لااااااا أخاف أخسر أنا ناسيها من زمان مالعبت
ابراهيم: خليهم يقتصون منك بعد اللي صار أمس والله تلقيطة وجه 10 لعبات ما فزنا عليك الا مرة قدر فيــصل يغلبك ؟؟
الوليــد: يا حقدك
وخبص فيــصل الورق وطبعا فيــصل كان أكبر غشاش بالعالم لطش له كم دروفور وكم دروتو
ولعبوا وأجبر الوليــد باللعبه يحط دروفور مع إنه ماوده لأن اللي بعده هي ريــم بس شيسوي قوانين اللعبه وأكلتها ريــم وسحبت 4 أوراق لكن مانستها له لأنهم حطوا اللي يعكس الدور ووكلته 4 أوراق... وبنهاية اللعبه أول من فاز نهلا وبعدها خلصت ريــم وبعدهاخلصت شهلا .. وبعدا ديمـــه و لينـا وكذه يكونو خلصوا البنات..
الوليــد: أفااااااااا ياعيال فازوا علينا قوم البنات؟؟ وإنت يافيصل على كثر الأوراق اللي لطشتهن ما فزت؟؟
فيــصل: هااه وش تقول انت الغش حرام
ابراهيم: زين لا صرت عارف هالشيء قم بس قم حفاظا على ماء وجهي ماراح أكمل اللعبه وطش الأوراق ابراهيم وقام
الوليــد: ولا أنا مابكمل وطش الأوراق
فيــصل: وقفت علي حتى أنا مو لاعب
نهلا + ديمـــه: وعصبوا الشباااب وعصبوا الشبااااااب
ريــم: وانتي الصادقه وكنسوا ما تبقى من شتات وجيههم الشباب
الوليــد قام وهو يقول: بروح أنام بلا هالمذله بس
ابراهيم + فيــصل: وحنا معك الوضع مايحتمل صراحه..
الوليــد: زين بنات بكره بعد الفطور قررنا نرد البيت بسرررعه تجهزون مو تسحبلون..
البنات: اووووووووووووه خساره والله وناسه ليش بنرد للبيت
ريــم: والله وناسه الجلسه هنا..
الوليــد: أممممم طيب دامها وناسه شرايكم نأجل الروحه لبعده؟؟ هاه ياعيال؟
فيــصل: ابتسم بخبث ونقل نظره بين البنات وقال: أممممم ريــم تامر أمر مو؟؟ ياوليد؟؟
الوليــد: انحرج مرة وماتوقع رد فيــصل أبد..
لكنه سحب رجوله وصعد الدرج وهو يقول : لا تفرحون مرة ينظر بالموضوع اذا حنا بنجلس أكثر ولا لأ

وقاموا العيال ينامون والبنات جلسوا يسولفون الا إن أذن الفجر وصلوا وناموا..
الساعه 10 .. أم فيــصل: قوموا يابنات يالله العيال مرة شايشين بنرد البيت الحين
البنات: اوووووه الشنط جاهزه حطوها بالسيارة شوي نغسل وجيهنا وننزل
قاموا البنات غسلوا وجيههم وتسبحوا ولبسوا ونزلوا
أول مانزلوا كان الوليــد بوجههم بالصالة جالس..
ديمـــه: سويتها ياحمار وبتودونا للبيت؟؟
الوليــد ببرود: أمممم احترمي نفسك يابنت العـم.. وهذا الشيبان عندك كلميهم اقنعيهم!!
التفتت ديمـــه لأبوها وعمها وهي تفور من القهر...
ديمـــه وبلهجة تحبب : يببببببه وي فديتك خلنا نجلـس أكثر..
ابو ابراهيم: يابنيتي ماعاد الا خير خلينا نروح للبيت بس..
وهنا قطعت الجده كلامهم وقالت بلهجة حماس: ايــــــــــــــــــه
التفتت ديمـــه عليها بنفس اللحظه وهي تساسر البنات وبنظراتها كل معاني اليأس.. وتقول: والله وخرررربت الدعوه وانقطع آخر خيط أمل
بس الجده كملت كلامها وهي تقول: وين نجلس أكثر مافيني أنا برد بيتنا برد غرفتي!!
كان الوليــد يطالع البنات بنظرات شفقه.. وبعد ماطال فيه النظر على ريــم وهو يراقب الحزن بعيونها تكلم وقال..
الوليــد: أقول ياجده شرايك نجلس أكثر والله اللمه حلوووة شرايك؟
الجده: والله مااحد يبي اللمه ياولدي بس أنا تعبت..
ريــم: يمـــه الله يوفقك يوم واحد بس..
الوليــد: يوم واحد يمـه عااااد..
الجده عقدت حواجبها وحاست بوزها وقالت: طيـــب وآخرتها يعني ؟؟
الوليــد: يعني وافقتي؟؟
ريــم: يمـه تكففييييين
الجده: والله ماأقدر أشوف الوليــد الغالي يطلبني طلب وماأوافقه..
قام الوليــد وحضن جدته وباس راسها وهو يقول لها: كنت عارف أنك بتوافقين!!
ديمـــه بصوت واطي للبنات: طااااالعوا؟؟ بس كلمتين من الوليــد وقلبت الموازين عندها!!
نهلا: المحبووووب براااااحه.. وبس كلمتين من ريم خلت الوليــد يتدخل بالموضوع ويجيب الموافقه..
ديمـــه: اي والله المحبوب براااحه..
أبو ابراهيم+ابو سلطان ماكان بيدهم شيء دام أن الجده حاست المخطط انصاعوا لأوامرها والغوا الرجعه..

طلعت ريــم والبنات وهم فرحانين بالموافقه اللي حصلوا عليها.. واتجهوا يجلسون تحت شجرة الليمون الكبيرة..
ديمـــه: من كان يصدق أننا بنقعد يوم زياده؟؟
ريــم: أنـا كنـت أصدق احساسي!!
نهلا: اي عاد العشاق لهم احساس غير ششششكل!!
ظربت ريــم نهلا على كتوفها ظربة خفيفة وهو تقول لها: يالله عاد أنتي مايفوتك شيء!!
ضحكوا البنات.. وبدوا سوالف عاديه وتافهه..
ريــم كانت بوادي ثاااني عنهم كان تفكيرها يوديها ويجيبها لوليد.. بنفسها كانت خايفه لا يكون الوليــد ما يحبها أو أنه يحبها حب أخوي.. وكان كل خوفها أنه يكون حب الوليــد لها شفقه بتزول مع الأيام.. ومع كل شكوكها الا أنها تأكدت من شيء واحد وهو حبها لوليد اللي ماله نهاية..مسكت ريــم عصا صغيرة كانت مرميه بالأرض وصارت تكتب فيها على التراب وهي مو بوعيها... وماحست ريــم الا بنهلا تناديها..
نهلا: ريــم هووووه من متى وأنا أناديك؟؟
ريــم: هااه؟؟ اي كنت سرحانه بغيتي شيء؟؟ نهلا؟؟
نهلا: اي بغيت؟
ريــم: آمري؟؟
نهلا: أأممممممم ممكن تفسرين لي هالرسمه اللي رسمتيها على التراب؟؟ ((وأشرت بيدها على الأرض))
نزلت راسها ريــم بتشوف الرسمه وانصعقت لمن حست باللي سوته يدها بدون ماتحس هي فيـه!! كانت راسمه قلب كبير واخترق هالقلب سهم بالمايل!!
ريــم: أهههههااااا لا لا لا لا مجرررد رسمه مالها معنى..
ديمـــه واللي قربت لهم شوي وحطت ايدها على كتف ريــم وهي تقول: ماأعتقد أنها رسمه عاديه واللي يثبت لي سرحانك.. ريــم.. فيكي شيء؟؟ الوليــد زعلك لا سمح الله؟؟
ريــم: الله لا يقولها لااااا يابنت الحلال.. بس أنا كنت أشخمط!!
نهلا تنهدت بقوة وجلست جنب ريــم وسندت ظهرها على شجرة الليمون وهي تقول: ريــم أنتي مو ريــم اللي أعرفك!!
ديمـــه كانت تقدر قوة العلاقه بين ريــم ونهلا وتعرف بعد أن نهلا بير لأسرار ريــم والعكس صحيح وعشان كذه.. قالت: عن اذنكم بنات بروح أنا وشهلا و لينـا نشوف أمي اذا تحتاج شيء..
ريــم: خلللللك ديمـــه أنا ماعندي شيء أغبيه..
ديمـــه: لا ماعليه ياريم نهلا صديقتك ومافيها شيء اذا تكلمتي معها.. بإذنكم بنات..
نهلا: شكرا يا ديمـــه لتفهمك واذنك معك.. ونقلت نظرها الى ريــم واللي صارت تسبح بعالم آخر بعيد عن عالم الواقع.. قطعت عليها تفكيرها نهلا وهي تقول: طاااالع!!! وتقولين مافيني شيء بعد؟؟
ريــم: هااااه؟؟ قلتي شيء؟؟
نهلا بضيق: ريــم أكلمك أنـا شفيك ياريم كلميني.. احكي لي.. ريــم أنا أحسك مو مثل الأول..
ريــم حطت ايدها على ركبة نهلا وقالت لها: احساسك مو في محله يا نهلا لازلتي أنتي صديقتي وبير أسراري..
نهلا: زين شفيك ياريم ليه وجهك معتفس؟؟ وليش تسرحين كثير؟؟ريم أحد مضايقك بشيء؟؟
ريــم: آه يانهلا مدري شأقول لك..
نهلا: قولي لي ياريم.. صدقيني لو بقدر أساعدك بخدمك بعيوني.. بس انتي تكلمي..
ريــم: نهلا ماادري ليه بس أحس أن الوليــد يحبني حب أخوي أو شفقة بتزول مع الزمن!! أو أنـــه مايحبني أصلا
نهلا: رييييييم شتقولين أنتي؟؟ كلنا نعرف حب الوليــد لك وعيونه الي فاضحته..
ريــم: بس يانهلا معقول يكون يحبني!! من متى أنا أعرف الوليــد؟؟ ولا هو من متى يعرفني؟؟ كلها ثلاث شهور اما كانت أقل بعد.. الفترة بسيطه مرة.. مايمديه يحبني فيها..أنتي تعرفين أني ماكنت أشوفه لمن كنت أجي لأبوي من قبل..ولا هو كان يشوفني..
نهلا: اللي أنا اعرفه أنه فيه حب من أول نظرة..واللي أعرفه وأفهمه أكثر.. أن الوليــد عمره ماكان بالرقه هذي مع أحد غير معك أنتي..
ريــم: مو هذا اللي مخوفني ياخوفي يكون حب الوليــد شفقه مو حب.. مو حب..
رفعت نهلا راسها وهي تلمح فيــصل مقبل عليهم.. التفتت على ريــم: ريم هذا فيــصل متجه لنا قفلي.. نكمل بعدين
رفعت راسها ريــم وهي تشوف فيــصل يقرب أكثر وأكثر من يمهم..
فيــصل بإبتسامه عذبه: شتسوووون؟؟
نهلا: ولا شيء نسوووولف..
فيــصل وهو يقطع ورقه من شجر الليمون ويقول: تسولفون؟؟ ماتخلص سواليفكم؟؟
ريــم+نهلا وبصوت واحد: لااااااااا
فيــصل: حريييييييم ماعليكم شرهه!! المهم أمي تقول كالم البنات عشان الغدأ..
ريــم: مااشتهي أنا..
نهلا التفتت على ريــم وهي تقولها: احلفي بس أنتي!! بتاكلين غصب عنك..
فيــصل: لا لا لا لا لا لاااا اسلوب القوه والشده مايمشي مع ريــم بس اسلوب الوليــد يمشي دقايق بس عطيني وأنا جايب هالوليد معي..
ريــم: لا لا لا لا لا بليييييييز خلا ص أنا الحين أقوم وأتغدأ..
فصخ فيــصل نظارته الشمسيه وهو يطالع ريــم بنصف عين ويقول: ناس ماتجي الا بالعين الحمرااا
ريــم: يالله بس روح والحين حنا بنلحقك..
فيــصل: تآمريني ياأختي الحين أروح.. الله معي..
ابتعد فيــصل عنهم وهو يتهدد ويتوعد ريــم لو ماجت تتغدأ..
نهلا: والله فيه خفة دم هالولد سبحان اللي خلقه..
هزت ريــم راسها بلا مبالاة وهي تقول: معك حق معك حق..

ظربت نهلا ريــم على كتفها بخفه وهي تقول: يالله أنتي الثانيه بعد لا تبدين تشككين بحب الوليــد لك.. من كثر وقت فراغك صرتي تدورين أي شيء تقضينه فيه....
وقامت نهلا ووقفت قدام ريــم وهي تمد لها يدها وتقول: الحقي على عمرك قبل لا يسبقك فيــصل عند الوليــد..
ابتسمت ريــم بإبتسامه خفيفه وقامت مع نهلا.. واتجهوا داخل المبنى عشان الغدأ..
أول مادخلوا الفيلا قابلهم الوليــد+فيــصل وهم طالعين منها..
نهلا: ههههههههه ادخلوا بس ادخلوا عن تجيكم ظربة شمس حنا جينا..
فيــصل: خساااره وربي خسااااره..كنت جايب هالوليد معي عشان ريــم..
رفعت ريــم راسها وتلاقت عيونها مع عيون الوليــد وعلى طول ردت نظرتها ثانيه للأرض.. ومسكت يد نهلا وضغطت عليها بقوووة.. وعضت شفايفها..
طالع الوليــد يد ريــم وهي تمسك يد نهلا وتضغط عليها وبنفسه يقول: ياحظك يانهلا ليتني مكانك..
الوليــد كان بنفسه حاس بالتغير اللي طرأ على ريــم.. لكن مابيده يسوي شيء غير أنه يتأملها..
ابتسمت نهلا وهي تقول: بتطولون هالفلم الهندي ادخلوا داخل.. بس .. ترا الشمس حرقتناااااا ولا يا فيــصل؟؟
فيــصل: أنا الشمس ماحرقتني كثر ماحرارة الوليــد دمرتني..
الوليــد: احم أحد حش فيني سمعت طاري اسمي؟؟
فيــصل: لاااا ماأحد..... حاشا لله يارجال.. ادخل بسسسس..
ارتسمت الابتسامه على وجوه الأربعة ودخلوا داخل البيت يتغدون..
بــــــــعــــــــد الــــــــغـــــــداء..
الكبار قاموا يقيلون.. أما الشباب والبنات فهم جلسوا يكملون سوالف... ويلعبون..لحد ماأقترح ابراهيم.. وقال: أقووووووول عيال شرايكم نقوم نسبح؟؟
عبود: ياربي كلامه درر هالإبراهيـم
ابراهيم: لاااا عاد؟؟ لا صار يتناسب مع هواك صار درر!!
عبود: طيب المرة الثانيه ماااااااانمدح؟؟ أنت وجه مدح أنت؟؟
ديمـــه: نععععم؟؟ نعم نعم؟؟ لم لسانك يالمفعوص ولا تطوله على أخوي..
عبود: ياااارب سترررررك مطول لسانها هالبنت..
ابراهيم: نعععععم نعم نعم نعم.. لم لسانك يالمفعوص عن أختي..
عبود: ياربي شالعايله الغريبه؟؟ نهلا شهلا ماجد النجده!!
نهلا: لاااا قلبي عبود ابلش بعمرك ماني مدخله روحي بمشاكل ماني قدها هذولا عيال عمك يد وحده وخافوا من بطشهم!!
عبود: أفااااا والله أفااااا شهلا ماجد تحركوا..
ماجد: لا ياابوك أنا مالي شغل الا فنفسي وبسسسس
عبود: شالأخوان ياربي؟؟شهلا !! بليييييز ولا أنتي من الحين محسوبه تبع فيــصل؟؟بتفزعين معه؟؟
شهلا: طلعوني من مشاكلكم بس..
الوليــد: الخلاااااااصة بتطبون المسبح ولا لأ؟؟
ابراهيم: أكيد اييييييييييه أنا بطب..
فيــصل+ماجد+الوليــد+عبود: أكييييييييد نطططططططططططب..
البنات: واحنااااااااااااااااااا؟؟!!!
ماجد: وأنتم انثبروا ولا بعد!!
ديمـــه: أحد طالب رايك أنت ؟؟ أنا أكلم أخواني..
طالع ماجد ديمـــه بنصف عين وقال: امسكي لسانك يابنت..
التفتت ديمـــه للجهه الثانيه وهي تبرطم من القهر اللي في نفسها..
قاموا العيال.. تلبسوا وجوا يطبون بالمسبح المكشوف على الصالة.. البنات كانوا بالصالة يراقبون تحركات العيال.. كان فيه سباق بين ماجد و فيــصل سباق غوص فاز فيه ماجد اللي كان ماهر بالغوص..
وسباق سباحة بين ابراهيم وعبود.. وفاز فيه ابراهيم.. واللي فاز بالأول يدخل سباق ثاني وصارت بين ابراهيم و الوليــد.. فاز فيها ابراهيم بعد..
والبنات ساعات يشجعون العيال وساعات يسولفون... لحد مانادى ابراهيم ريــم..
ابراهيم: ريموووووو رياااامي تعالي..
قامت ريــم من مكانها هي والبنات وتقدموا للمسبح.. ودخلوا..
ابراهيم: ريــم بليييييز عطيني نظارة السباحة.. في شنطتي..
ريــم: طيب.. (( وراحت ريــم للشنطة طلعت النظاره وراحت تعطيها ابراهيم ومدت يدها بالنظاره لإبراهيم))
لكن صار شي ماحسبت له حساب ريــم ماحست روحها الا وهي جوا المسبح.. ابراهيم لمن مدت له ريــم النظاره سحبها لحد ماطاحت في الماء..
انحرجت ريــم مرة من العيال وحست وكأن أحد كب عليها مويه حاره.. وطالعت ابراهيم بنظرات حارقه.. ورحمه من ربي أنها كانت جنب السلم.. على طول تمسكت بالسلم وطلعت برا المسبح وهي محرجه بمعنى الكلمه وتدعي على ابراهيم اللي حطها بموقف محرج مثل هالموقف..
ابراهيم كان الموقف بالنسبه له وكأنه مقلب عادي من مقالبه الكثيرة وان كان ثقيل وفي غير محله..
الوليــد كان مشتاط غيظ من ابراهيم والموقف البايخ اللي سواه مايدري ليه حس بالغيرة.. ورغبه قويه بأنه يذبح ابراهيم.. اللي كان السبب بهالموقف..
فيــصل+ماجد+عبود: كانوا بعيدين عن اللي صار ولا هين باللعب وماانتبهوا الا لنهاية الموقف وراحت عليهم ضحكه عابره..
لكن الوليــد هو اللي تم يطالع ابراهيم بنظرات غيظ.. حتى اقترب من ابراهيم.. وقال له بصوت منخفض.. شاللي سويته أنت عاجبك كذه حطيت البنت بموقف محرج؟؟
ابراهيم: أي موقف محرج عادي شفيها اخوانها كل اللي بالمسبح..
الوليــد وكان مازال يطالع ابراهيم بقهر ويقول له: أي اخوانها حرام عليك و ماجد وعبود,,, وأنا وين رحنا؟؟
ابراهيم طارت عيونه كأنه توه يحسب هالشيء وحس بإحراج أخته وبالموقف اللي حطها فيه لكنه قطع كلام الوليــد وقال: انسسسسى طيييييييب أتوووب
وانتهت السالفه على هالشيء لكن مازال قهر الوليــد يفوووور بداخله وماقدر غير أنه يفرغه في المطافش في المسبح.....
0000بعد ماطلعوا العيال من المسبح0000
كانوا البنات بالحديقه برا..غير ابراهيم لبسه ولبس بنطلون جينز وبلوزة على عجل.. وطلع برا للحديقه يشوف ريــم بعد الموقف اللي أدركه ابراهيم أخيرا.. شاف ريــم جالسه مع البنات.. صوّت لها لكنها كانت تتجاهله.. عرف هو باللحظه هذي أنها زعلانه عليه.. صوّت لها ثانيه وثالثه..ولكن لا جواب..
ديمـــه وكانت تكلم ريــم: حرام عليك قومي شوفي شيبي..
ريــم: لا لا لا.. بعد هالموقف مافيني أكلمه والله الموقف شين..
ديمـــه وهي تناظر ريــم بتأفف وتلتفت على المكان اللي فيه ابراهيم وتقول: ابراهيم تعال هنا كلم هالعنيده
قرّب ابراهيم للمكان اللي فيه البنات.. وابتعدوا البنات عن المكان عشان ابراهيم ياخذ راحته مع ريــم..
كانت ريــم بتلحق البنات وتمشي معهم بس ابراهيم لحقها ومسك ايدها وهو يقول: آآآسف ياريم إن كنت زعلتك..
ريــم: .......................
ابراهيم: ريــم أكلمك ردي!!
ريــم: شأسامحك يا ابراهيم أسامحك على هالموقف البايخ اللي حطيتني عليه.. ولا على الإحراج اللي سببته لي ولعيال عمك؟؟؟
ابراهيم تفاجأ من ردة فعل ريــم واللي وللمرة الأولى تكلمه باللهجه هاذي لكنه استدرك وقال: ريــم عاد خلاص والله أنا بسويها مقلب لكن ماأدري كيف فكرت لحظتها ياريم لا تزعلين.. أمزح أنا.. وأعترف أني غلطان وألف بعد
ريــم صدت صوب الجهه الثانيه ولا أبدت أي ردة فعل..
مسك ابراهيم وجهها ولفه صوبه وهو يقول: والله مو لا يق عليك الزعل فكيها عاااااد.. سووووري قلنا..
ريــم ابعدت يد ابراهيم بعصبيه ومشت بتروح للصوب اللي البنات راحوا له..

لكن ابراهيم رجع مسك يدها وهو يقول: ريييييييم.. بلييييز لا تغلين تدرين بغلاتك عندي فكيهااا عااااد..
ريــم طالعته بعيون غرقانه بالدموع وهي تقول: أزعل من روحي ولا أزعل منك بس أنا متضايقه شوي من الموقف..
ابراهيم وهو يمسح دموع ريــم اللي بدت تنهمر على خدها ويقول: حقققك علي يالغاليه.. بس لا تبكين..
ريــم هزت راسها بالإيجاب ورسمت ابتسامه على شفايفها..

كملوا اليوم عادي.. وروتين مثل ماخلصوا فيه الأيام اللي راحت بالمزرعه...
وفي صباح اليوم التالي: كانوا بيردون للبيت وهالمرة مافيها تأجيل.. مثل اللي فات.. عشان كذه الكل التزم الصمت ورضا بالواقع..
وطبعا أم فيــصل كانت داقه على البيت وقالت للخدم الموجيدين هناك يقولون للطباخ يجهز غداء محترم معهم ضيوف..
وتجهزوا وانقسموا بالسيارات مثل ماجوا غير إن أبو سلطان + أبو ابراهيم راحوا بسيارة ابراهيم وسيارة السواق ملوها خضره وأغراض من المزرعه جايبينها.. وبسيارة ماجد معه عبود بس...
وفي سيارة الوليــد قالت ريــم حق البنات تصدقون نفسي بهذاك المسبح الزين ورجعت للبيت وأنا ماسبحت فيه بخاااااااطري هالسباحه ودي أرد الحين أسبح
الوليد كان يسمع كل كلمه تقولها ريــم .. ومايفوت ولا همسه وهي كانت وقت تطالعه ووقت كانت تفكر فيه ووقت تسولف مع البنات.. شغل الوليــد الـ Fm وكان فيه أغنية من الأغاني الرجه وصوت الطبول فيها والأورق والصوت ملعوب فيه..
الجده: وش ذا الأغاني الله يرحم زمان أم كلثوم وعبد الحليم آآآه يازمن
الوليــد: ياجده يقولون مايسمع أم كلثوم الا اللي يحب والله يستر منك ليييش كان يعجبك أم كلثوم؟؟
ديمـــه: أهااااااا وأنا أقول ليش كل سيارتك كاسيتات لأم كلثوم!!
الوليــد إختبص ومايدري وش يرد عليها بس قال: لكل قاعده شواذ يا ديموه
الجده: من اللي قاعده عند من؟؟
البنات + الوليــد: هههههههههههههههههههه
الجده: جاوبوني ؟؟
الوليــد: لا يمه ما احد قاعد عند أحد بس ماتبين محمد عبده ؟؟
الجده: لا مابي شيء بذكر ربي؟؟
وبعد ماوصلوا البيت كانت أول سيارة واصله سيارة فيــصل فتح باب القراج ولف نصف لفه على النافورة اللي بالوسط ووقف قدام الباب الداخلي...ونزلوا اللي بالسيارة وأخذ لفه كامله ولبق السيارة بقراج السيارات.. ودخلت سيارة ماجد بعدها ولبقوا السياره ونزلوا هو وعبود ووقفوا مع فيصل يسولفون حتى وصلت سيارة السواق وعلى طول راح للباب الخلفي عشان الأغراض اللي معه ووصلت سيارة ابراهيم ونزلوا الشيبان منها وهم يقولون لـماجد لييييش مسرع؟؟
ماجد: وين مسرع الله يهداكم هذا وأنا مهدي وخايف منكم
أبو سلطان: لا بالأول كنت مسرع لكن خفت منا يوم صرنا نكبس لك وهديت!!
وراحوا من عندهم ...
قال فيــصل: الله يهداك بس ياماجد هقيتك ذكي ياخي اسلك الطريق الزراعي وغب عن أنظارهم وسو اللي تباه لا حسيب ولا رقيب أنا رحت مع الطريق الزراعي وكاني أول من وصل
ماجد: والله راحت عن بالي
فيــصل: تأخر الوليــد غريييييييييييييييبه وبقلبه يقول( حركاتك ياوليدوه ماتفوت علي )
الا ودخلت سيارة الوليــد وهو يضرب بواري ومبسوووووووووط..وجدته تدعي له وتقول عقبال مانسمع بواري موكب عرسك..وهو يقول آآآآآمين بس متىىىىىىى يتحقق اللي فبالي؟؟... ووقف عند الباب ونزل فتح الباب لجدته ومسك يدها لحد ماوصلها باب البيت الداخلي..
فيــصل ركب مع الوليــد وهو رايح يلبق السياره وأول ماركب قال: ياخي مو من عوايدك تهدي وش اللي صار لك الحين نزلت عليك فجأة أو بتكسب أكبر وقت ممكن مع الغرشوب؟؟
الوليــد: أخ بس يا فيصلوه اسكت بس هي غزال هي ريــم هي رعبوب هي غرشوب هي بشر؟؟هي ملاك وش هي ياخي؟؟
فيــصل: ياشيخ صار عندك نفس الشك اللي عندي أنا شاك إن ريــم جني؟ مو بشر 
الوليــد: اوووووووه فيــصل ماني متفيق لك جب بس
وبعدين ياخي أختك الفضيحه هذي أم لسانين ماعمري أركبها سيارتي؟؟ حطتني فموقف عند جدتي بس الحمدلله إنها طلعت ماتفهم بالأمور هذي( وقص على فيــصل القصه)
فيــصل: ماتكف هذي عن أذية العشاق؟؟ ياخي أنا مفكر ألصقها بـماجد اغديها تفكنا من حنتها شوي ونقدر ناخذ راحتنا بعد حنا بالطنازة
الوليــد:هههههههههههههههههههههه ذكرتني بالغثيث كاهو يطالعنا صار له ساعه وده يذبحنا بسرررعه خلنا نروح له قبل تجيه ضربة شمس...
ونزلوا الشباب لـماجد ودخلوا داخل البيت وقعدوا يسولفون وبعد ماصلوا الظهر حطوا الغداء وتغدوا.. وبعد الغداء كانوا بيت أبو سلطان حيل تعبانين وراحوا بيتهم أما بيت أبو ابراهيم فكل واحد راح غرفته ينام لأنهم من صباح الله خير قايمين ولا ناموا..ورموا حالهم بالسرير ولا حسوا بأرواحهم الا بعد أذان المغرب.. وبعد ماصلوا المغرب جماعه فالمسجد جلسوا يتكلمون شوي ويسولفون ((الا ويدق جوال الوليــد .. خالك يتصل بك ))
الوليــد: مرحبااااااااااااااا
الخال: مرحبا ألف ياخي وينك ولا تسأل ولا تقول عندي خوال ؟؟؟
الوليــد: لا بس لاهي فأمور الدنيا
وصار يكلمه ويسأله عن أخباره ويضحكون..
الخال: الا الوليــد أنا كنت داق عليك بقولك ترا حنا خوالك ولنا حق عليك ولا نسيت ماعاد شفناك من ثلاث شهور وانت اللي كنت كل ويك تنط بوجيهنا شلي صار عسى مو متضايق مننا؟
الوليــد: لا افا عليك ما جاء منكم الا كل خير بس حقكم علي لازم أزوركم قريب والله مقصر بس إعذرووووني ..
الخال: لا مابنسامحك حتى نشوفك
الوليــد: قريب ان شاءالله بجيكم..
وقفل الوليــد عن خاله الخط وقال أبو ابراهيم: هااااااه شخبار خوالك؟؟
الوليــد: والله بخير يسلمون عليك كثير السلام ويسألون عني يبوني أزورهم وبروح لهم بكره(أهل الوليــد كانوا من أهل الجبيل واللي تبعد عن الخبر حوالي 80 أو 90 ك\م تقريبا )
ريــم من سمعت هالكلام الا تلخبطت ونغزها قلبها وحست إن ورا هالروحه شيء وخافت لايكون خاله ناوي يخطب له...
رد ابو ابراهيم: ايه يايبه هذيلا أهلك ولك واجب عليهم بس لازم ترجع قبل يوم الإربعاء..
الوليــد: لييييييييييييش؟؟
ابو ابراهيم: قررنا حنا مع بيت عمك نسافر سويسرا هالسنه وطيراتنا يوم السبت الساعه 12 الليل ولازم ترجع الإربعاء أو الخميس عشان نجهز أغراضك..
الجميع تفاجأ بالمفاجئه الحلوه واللي ماكانوا متوقعينها أبد
فيــصل: وأخيرا يبه غيرت رايك عن لندن ؟؟ صراحه طفشناها كل سنه لندن؟؟
ابو ابراهيم: ايه قلنا أنا وعمك نغير جو وبنمر فرنسا بعد
البنات: وااااااااااااااو يعني وأخيرا بنشري عطورات ومكياجات ونكشخ فيهن قبل لا يطبون البلد
ابراهيم: وااااو بروح سويسرا وبآكل شكولا تات
الوليــد: افااا يا ابراهيم مابقى الا نعطيك الرضاعه بالكاكاو ماكبرت عن الشكولاتات رجال شكبرك متخرج من الجامعه وبتكمل دراسات وآخرتها شكولاته
ابراهيم: الشكولاته ماتعرف لاكبير ولا صغير
ابو ابراهيم: وأنت بعد يا ابراهيم لازم تاخذ أختك وتروحون تسلمون على خالك وتقعدون عندهم كم يوم..

ابراهيم: أنا يا حيل الله خالي مادق يسأل عني مثل الوليــد
الوليــد: اوووووه ياناس هذا مختبل اليوم ولا وش فيه لا يكون بعد المزرعه وبعد ما اختلطت كثير بالبزران ( ويأشر على فيــصل) صارت تصرفاته تصرفات بزران ؟؟؟
فيــصل: لا أخاف إنه بعد مااختلط مع الشياب ( ويأشر على الوليــد) حس بأنه لازم يصغر كم سنه لوراء ؟؟
الكل صار يضحك على فيــصل و الوليــد ونكتهم لأنهم هالإثنين خفيفين دم ومع بعض يصيرون شيء... قطعت ريــم ضحكهم وقامت و وجهها متغير شويه واستأذنت منهم
ابو ابراهيم: وين ياريامي خلك شوي معنا
ريــم: لا يبه أحس راسي مصدع وودي أنا شوي والله جلستكم ماتنمل بس أنا تعبانه بعد مجهود يومين بالمزرعه..
ابو ابراهيم: براحتك يابنيتي ما أغصبك.. ..... الكل مشت عليه سالفة إن ريــم تعبانه الا الوليــد كان قلبه يقول له البنت فيها شيء وجهها مو طبيعي وهي كانت قبل شوي تسولف وتضحك ليش الحين يعني وجعها راسها؟؟ قال يمكن عشاني قلت بروح أهلي كم يوم بس مااظن يهمها الموضوع للدرجه هذي..وتم يفكر بالموضوع وكانت ريــم مشغله تفكيره.. بعد الساعه 12.30 تفرقت العايله وكل واحد راح غرفته ونام الا الوليــد كان يفكر فريم ويقول وشلون بصبر يومين عنها؟؟؟ الا وقام واتجه لغرفتها مايدري وش اللي ودى رجله هناك هل هو الحنين للغرفه ولا الوله على ريــم ولا إن الفضول ذبحه بيعرف ليش تضايقت اليوم بس اللي يعرفه إنه حس بروحه وهو يطق باب الغرفه طق طق !! تنبه لعمره وقال وش اللي تسويه يا الوليــد ليش أنت هنا عيب عليك تطق على بنت عمك بآخر الليل بس ما أحد رد عليه بالغرفه وجاء راجع لغرفته الا وسمع حس حركه تحت نزل الدرج وهو مستغرب من يكون يعني تحت بآخر الليل معقول جيني بس شتسوي جيني بالليل؟؟ وراح صوب الصوت ولحقه و وصل فيه الصوت للمطبخ دخل المطبخ مستغرب كانت معطته قفاها ولا بسه جلال الصلاة ولافته عليها ما عرفها وتم يقول فباله ديمـــه ولا لينـا ولا ريــم ؟؟ دقق فيها وقال ريــم ؟؟؟ ريم التفتت مفزوعه: بسم الله الرحمن الرحيم خوفتني
الوليــد شكان يشوفه كان يشوف بدر 15 ..
جلس على كرسي طاولة الأكل وقال شمقومك هالوقت خبري فيك بتروحين تنامين راسك يوجعك؟؟؟
ريــم: الا بس نازله آخذ حبة راسي يوجعني ..
الوليــد: بسم الله عليك فديت هالراس ليته فيني ولا فيك..
ريــم: تسلم بس انت شلي مقومك هالوقت ؟؟المفروض تكون نايم
واستدارات ريــم بتطلع بره المطبخ وهي تقول بالإذن ..
الوليــد: ريــم ( مايدري ليش ماكان وده ريــم تطلع وغصب عليه ناداها)
ريــم: لبيه
الوليــد: تعالي اقعدي معي شوي مافيني نوم وودي أشبع منك قبل أروح خوالي
ريــم: إنت جازم تروح؟؟(وتاخذ الكرسي اللي قدام الوليد وتجلس عليه)
الوليــد: ايه جازم بروح ( استغرب الوليــد من سؤالها بس جاوبها )
ريــم خنقتها العبر وقالت بصوت مخنوق الوليــد ...
الوليــد: سمي
ريــم: تسلم بس ودي أطلبك طلب..
الوليــد: آآآمري مو بس تطلبين
ريــم ضغطت على اسنانها بقوه وقالت: إوعدني إوعدني مايفرقنا غير الموت..
الوليــد ولا إرادي حط إيده على ايدها ومسكها بقوه وقال: جعل يومي قبل يومك أوعدك أوعدك
ريــم: عسى الله مايجيب عتاب ولا بعد وهجر وغياب
الوليــد كملها بلحن الأغنيه: عسانا مانتفارق يوم ...
الوليد+ ريــم بصوت واحد وبلحن الأغنيه:عسى دايم نكون أحباب..أحباب
ريــم: اممممم طيب ممكن تفك ايدي بروح أنام
الوليــد تذكر روحه وقال :اووووه سوري نسيت روحي
ريــم: قامت من الكرسي ووجها لونه أحمر وهي تقول: تصبح على خير
الوليــد: وأنتي من الخير ياوجه الخير
ريم ماتت من الحيا وراحت تركض فوق لغرفتها وأول مادخلت للغرفه كان نفسها ترقص تزغرد فرحااااااااااااانه بس ماتدري شتسوي..
الوليــد كان مو مصدق روحه من الفرحه ومتشقق وحس إن اللحظات اللي مرت عليه قبل شوي من أحلى لحظات عمره..وحتى مو قادر يشيل عمره ويرقى لغرفته وتم يفكر فريم وهو يقول لنفسه تحبني تحبني نيالك يا الوليــد وحصلت اللي تبيه..
ريــم بغرفتها كانت ودها تقول لأحد من الفرحه بس ماتدري تقول لمين ؟؟ دقت على جوال ديمـــه بس كان مقفل و ريــم تقول بنفسها ليييه تقفلينه فاتك أحلى خبر ياوكالة أخبار
الـ Cnn ودقت على نهوله بتقولها دق الجوال بس ماردت كان ودها تفتح الشباك وتصارخ وتقول والله أحبك أحبـــــــــــــــك..
الوليــد راح راقي غرفته وهو وده يناطط من الفرحه ووده يقوم فيــصل ويقول له المستجدات كان وده يقول لأي أحد حتى لو جيني (مايفهمه غير جيني أصلا..) راااااح طاير لغرفة فيصل طق عليه الباب طق طق !! مارد أحد قال لو فيــصل عالنت والله مايسمع لأي أحد يطق عليه الباب خليني أروح أفتح ماسنجري يمكن ألاقيه عالنت وراح بسرعه فتح الكمبيوتر وفتح ولقى 6 أشخاص أون لاين صار يطالعهم ويدور بينهم فيــصل بس ما لقاه لقى ماجد كان ناوي يقول له السالفه من الفرحه مو قادر يركز مع مين يتكلم لو إن الله رحمه ودخل فيــصل باللحظه الأخيره ..
الوليــد: وينننننننك؟؟
فيــصل: كااااااااني يعني شصاير بالدنيا في غيابي فقدتني
الوليــد: صاير شيء كبييير بسرعه بس ياتجيني يا أجيك ( وخلال ثانيتين طق الباب )
الوليــد: ميييين؟؟
فيــصل: أنااااااااا
الوليــد: إدخل بسرررررعه وين كنت إنت ووجهك جيتلك قبل شوي بغرفتك مالقيتك ؟؟
فيــصل: كنت أتسبح بس شفيك ليش الضحكه شاقه خدودك؟؟
الوليــد: آآآآآآآآه يا فيــصل أحس إني مو قادر أتنفس خلنا نطلع بالحديقه..؟؟
فيــصل مستغرب يالله
وهم ماشين نازلين للحديقه بالدرج كان يقول الوليــد لـفيــصل: فيــصل تحبني تحبني
فيــصل: قصر حسك سمعتك هذي غرفتها جنبنا (كانت غرفة ريــم أقرب غرفه للدرج)
وفعلا ريــم سمعتهم وتوقعت إنهن بيطلعون فتحت الشباك بتسمع شيقولون..
الوليــد + فيــصل جلسوا على طاوله بالحديقه قريبه من شباك غرفتها وريم كانت تراقبهم من شباك غرفتها ونشوف حركاته وهو يحكي فيــصل وطاير من الفرحه كان ودها تنزل وتحكي لـفيــصل شعورها.. فيــصل كان يطالع الوليــد ويبتسم ويضحك وكأنه طاير من الفرحه وفرحان لفرحة أخوه.. كانوا يتكلمون بصوت مسموع لكن ريــم ماركزت فكلامهم كثر ماركزت فأشكالهم لكن الوليــد قال بصوت عالي ياناااااااااااااااس أحبهااااااا مجنوووووون حبهاااااا .. ريــم ودها تصرخ وتقول أحبـــــــــــــك وحست إنها بتقولها بس حاولت تمسك روحها وقفلت الشباك وراحت رمت روحها بالسرير وهي تقول: وأخيرا ابتسمت لي الحياة من جديد وصارت تفكر فحبها وتتذكر شكله وهو يغني الله محلا صوته كااان روعه الى إن غلبها النوم ونامت ولأول مرة من جيتها بيت أبوها نامت وهي سعيده وفرحانه...
الوليــد بعد ماحكى لـفيــصل اللي صار فيــصل فرح له مرة وتمنى له كل خيـر وبنفس الوقت حس بغيره على أخته لكنه قال للوليد إن هذه بنت عمه ولازم يحط باله عليها وفيصل كان يعرف إن الوليــد مو راعي حركات نص كم خاصة إنه صديقه ويعرف الوليــد أكثر مما يعرف نفسه ودايما هو وياه ويشوف كيف إن البنات منهبلات عليه ومع كذه كااان ثقيل ولا معطيهم وجه مو مثل ماجد المخفه المعروف بحركاته وكان ثقل الوليــد على البنات يزيد البنات تولع فيه...أذن الفجر وصلو العيال الفجر وناموا... وعلى الساعه 12.0 كالعاده قاموا من النوم ونزلوا يجتمعون على طاولة الأكل لكن هالمرة كان الوليــد مو من عوايده والنشاط زايد عنده وكان أول من جلس على الطاوله ينتظرهم ومن جاء طارت عيونه وقام يطالع الوليــد ويقول بنفسه: اليوم مايت يهودي لا محاله .. عدا فيــصل اللي كان عارف سر النشاط هذا كله وجاء جلس كالعاده جنب الوليــد وقال له: ياعيني قدرت ريــم تسوي اللي عجزنانسويه من 21 سنه
ناظر الوليــد فيــصل بطرف عين وقال هيه لا تعرض لمحارمي؟؟
فيــصل: من متى محارمك؟؟ محارمي قبل يكونو محارمك وأصلا مو محارمك للحين
ضحكوا فيصل و الوليــد وسموا بإسم الله وبدوا ياكلون..حتى ريم كانت تاكل بشهيه..
فيــصل يكلم الوليــد: و ل و ل شف ريم كيف تاكل بشهيه شكلك بتسبب لها سمنه مؤبده لا عيشتها بكل هالعز..طول عمرها..
ريــم حست إنهم يتكلمون عنها استحت ووقفت أكل..
الوليــد: يااااااااااااااااقوي عينك؟؟
وبعد ماخلصوا غداء قال الوليــد: يبه تراني أجلت سفرتي لبكره
ابو ابراهيم: لييييييييش؟؟؟
الوليــد: دخلت سيارتي للورشه ولا تطلع الا اليوم الليل وماأقدر أسافر من دونها..
ابو ابراهيم: برااااحتك ياولدي
ابراهيم: أليوم أنا وريم بنروح نسلم على خالي وبنتعشى عندهم ونرد
ابو ابراهيم: الله يساعدكم
ريــم أشرت لـ ديمـــه و لينـا وقالت لهم فوق وقاموا واستأذنوا ورقوا مع ريــم فوق.. وبغرفة ريــم .. ديمـــه: شعندك يا ريــم ؟؟
ريــم: آآآآآآه بس آآآآآآآآآآآه
لينـا: سلامتك عن الآه
ديمـــه: جب يالخبلا هذا مو آه الوجع هذي آه العشاق
لينـا: !!!!
وصارت ريــم تكلممهم عن اللي صار أمس وتوصف شعورها بذيك اللحظات..
لينـا: اش الرومانسيه هذي كلها؟
ديمـــه: آه ياويل حالي على هالعاشقه الولهانه
ريــم: يكفي أنتي وياها خلاص ماراح أكمل
ديمـــه: لا لا كملي بنسكت ونسمع
وبعد ماانتهت تمنوا لها خواتها كل خير وطلعوا عنها وراحت تتسبح هي وتلبس اللي بتروح فيه اليوم لبيت خالها...وحطت شوي ميك أب وصلت العصر وأخذت عباتها ونزلت تحت..
ابراهيم: ريييييم يالله
ريــم: جيت جيت
سلموا على أمهم وأبوهم ومانسوا حبة الرأس الجده وطلعوا متجهين لبيت خالها..
في بيت خالها..
زوجة الخال: هلا والله ريامي شخبارك وشخبار الأحوال عندك فبيت أبوك
ريــم: كله تماااام الحمدلله.. خاله ليش ماجيتوا يوم حفل التخرج كنت أنتظركم توقعتكم أول من بيجيني ..
زوجة خالها: حقك علي بس ندى مرضت في ذاك اليوم ووديناه المستشفى وماقدرت أتركها
ريــم: وينها هالندو وحشتني
ندو: أنا هنا عمتو أثوف ثبيث تون هنا أنا في العلفه
ريــم: طيب تعالي بسلم عليك؟
جت ندو نركض على ريم وتخمها.. ندو: ليث ثرتي ماتدين ذي أول يمنا ولا تكلمين ذي أول؟
ريــم: شفيك كلتيني بقشوري؟؟ صايره مثل العجوز على هالتشره..
وبعد ماخلصوا من العشاء لزم عليهم خالهم يباتون الليله عندهم لكن ابراهيم اعتذر وقال ثانيه بس خالهم لزم عليهم مرة وناموا عندهم وفي الليل الساعة 2 كلمت ريم نهوله وقالت لها السالفه الجديده اللي صارت بين الوليــد و ريــم وبعد ماقفلت ريــم من نهلا جاها مسج فتحت المسج ((عجزت أفسر كيف أنا محتاجك وتعبت أمثل إني بخير وأنا أموت حزة غيابك))شافت المرسل ماعرفت الرقم بس حسته مو غريب عليها حطت الجوال عندها وبدت تحاول تتذكر من صاحبة الرقم.. شوي وجاها مسج ثاني
((إترك جمالك ياحبيبي على جنب..غيرالحلا يعجبني بزود طيبك..كلك على بعضك تجنن وتنحب..ربي كريم اللي جعلني خليلك..إن كان حبي بنظر بعضهم ذنب..يامرحبا والله بذنب يجيبك..ماقول غير الله يخليك يارب..ويعمي عيون من حسدها تصيبك))حست أن صاحبة الرقم تعرفها زين وإنها هي تعرف صاحبة الرقم زين.. صارت تفكر بجد ياربيه الرقم أنا أعرفه بس مين؟؟ا
ريم تكلم نفسها: هذا الرقم مميز وأحس مر علي من قبل بس مدري مين؟؟ معقول يكون الوليــد ايه صح ليش لا أتذكر رقمه يوم تعطيني إياه ديمـــه وإحنا بالمشغل كان مميز وحفظته من غير ما أخزنه بالجوال..شوي وجاء مسج ثاني: (( أهلين ريامي أخبارك؟؟ والله قلقت عليك وأحس الشوق بيذبحني ليش ماتردين علي؟؟ ))
ريم تفكر بنفسها: لا مو معقول هذه تعرفني زين معقوله تكون أروى صديقتي بالمدرسه طلعت جوال؟؟بس ليش ماقالت لي؟؟ ودق الجوال قطع تفكيرها كان نفس الرقم اللي يراسلها.. ترددت أرد لا أخاف يكون أحد يلعب بس كيف يلعب وهو يعرف اسمي؟؟ برد.. وردت
ريم: ......................
.....: هلا ريامي أعرف الوقت مو مناسب بس اشتقت لك حييييل
( ريــم من سمعت الصوت عرفته على طول ومايبيلها ذكاء هذي وكانت بقلبها تقول والله اشتقت لك بعد أنا يا الوليــد )
الوليــد: ألوووووو
ريــم: ...............
الوليــد: طيب يعني مستحيه تتكلمين زين بس اسمعيني ولا تقولين ولا كلمه..
ريــم: .................................( كان ودها تقول أحبك أحبك أحبك أحبك)
الوليــد: اليوم الفجر بروح لخوالي والله ماودي أروح وأنا ماسلمت عليك بس الظروف لأن خالي قال لي لازم أجي الثلاثاء بس ماراح أطول برجع الإربعاء وبشوفك ان شاءالله..
ريــم: ( قلبها كان يرد عنها لكنها هي وكأنها انلجمت وماقدرت تقول شيء أبد)
الوليــد: أووووووووووووووه ريامي كل هذا حيا قولي لو كلمه هذا ظلم لاأنت جنبي ولا صوتك أسمعه..
ريــم نطقت وقالت: وليد من جد.. أأأأأأحبك ...أحبك .. وماعندي شيء أكثر أقوله
الوليــد: بس أنا ماأبي أكثر من هالكلمه وأخيرا سمعتها
ريــم قفلت الجوال لأنها مرة استحت وماقدرت تكثر الكلام
الوليــد: يازين الحياااا قفلت الخط ياناس تستحي ياربييييه هالبنت بتجنني بحبها..
ريــم مسجت له مسج (( أعزك .. وأعيش بعروق دمك..ولو تقول السما خضرا أقول خضرا ولا يهمك))
الوليــد ماكان مصدق روحه وجلس يقرأ المسج لحد ما حفظه ويقول بقلبه ياحظ الجوال اللي أصابعك تلامسه ياحظ خصلات شعرك اللي تطيح على وجهك ياحظ اللي حولك ياحظي تحبنيي.. وأنا يا ريــم أحبك لا أنا ما أحبك ما أحبك أنا مجنون بحبك مجنووووووون..
ونامت ريــم وهي حاظنه الجوال معاها.. و الوليــد انتظر صلاة الفجر وصلى بعد ماصلى قعد للساعه 7 قامت أمه وأبوه والجده سلم عليهم وطلع ركب سيارته وراح للجبيل والساعه 8 وصل الجبيل وراح بيت خاله ودق عليه جوال وفتح له خاله وقعد يسولف هو وخاله شوي وقال لخاله انه مانام ووده بفراش ينام فيه خاله والله نسيت حالي مع السوالف بس حقك علي وراح جاب لوليد فراش ونام الوليد... ريــم صحت بدري شافت الجوال وتذكرت سالفة البارح فنتحت الجوال ورجعت تقرأ الرسايل ثانيه...وفي العصر ابراهيم قال لـريــم انهم العصر بيردون لبيت أبوهم.. وبعد العصر سلمت ريــم على زوجة خالها ومانست تحضن ندوش وكانت شاريه لها هديه عروسه أعطتها اياه انبسطت فيها ندوش مرة وقالت لها عمو ليم كل يوم تعالي أنا احبك بث كل يوم ديبي لي علوثه
ريــم: يالبكاشه والا مو كله حب فيني؟؟
وركبت ريــم السياره وراحوا لبيت أبوهم..وصلوا البيت...دخلت ريــم وراحت تركض لـ أمها وسلمت عليها وحبت راسها وسلمت على جدتها..
الجده: بنات الناس ما ينامون برى بيوت أهاليهن
ديمـــه: بس ريــم نامت فبيت خالها وبيت خالها هو بيتها ؟؟
الجده: جب أنتي بلا طوالة لسان الحين راعية الشان ماحكت أنتي شلك؟؟
ديمـــه: طيب سوري ما أعودها
الجده: لا لا لا لا لا ولا سوري ولا سعودي يرضون لبناتهم ينامون بره
ديمـــه و لينـا و ريــم يضحكون بصوت منخفض بس فيــصل حب شوي يكمل اللعبه
فيــصل: صدقتي والله يمه ولا سوري ولا بربري يخلون بناتهم يباتون بره
الجده: صااااااااااااااااادق وليدي وبصوت واطي ( وشي ذا الجنسيه؟؟ )
فيــصل: يعني بربري>> هو كان يقصد بربري اللي كانوا ساكنين الأندس
الجده: ايه صح البربري مايخلون بناتهم ينامون بره البيت بس النعيمي قلة حيا يخلون بناتهم يباتون بره
فيصل:ههههههههههههههههههههههههههههههههههه بصوت عالي مو قادر يكتم ضحكته
الجده: أقوم أصلي أبرك لي بس
دق جوال فيــصل (( الوليــد يتصل بك )) تنحنح فيــصل وقال الوليــد أمداه يشتاق لي ؟ بس شكل االمكالمه مو لي.. شكله بيسأل عن ناس بالكون هذا
بس ريم من سمعت اسم الوليــد وهي مو على هالكون وهي بعالم آآآآخر
فيــصل: هلا بك
الوليــد بصوت حزين : فيــصل تعال تكفى خذني؟؟
فيــصل: وشووووو إنت وين وين إنت
الوليــد: بأول محطة بنزين تقابلك وإنت داخل الجبيل بس لا تدري ريــم أخاف تتروع
فيــصل قام من عند البنات وقال : الوليــد وش فيك صوتك مو معجبني..
الوليــد: بيزوجوني بيزوجوني يا فيــصل بيغصبوني آخذ بنت خالي وملزمين علي مرة
وبدأ الوليــد يبكي مثل البزران
فيــصل: هونها يا أخوك مقدر يغصبك على شيء ماتبيه وأبوي مو مخليهم يغصبونك
الوليــد: فيـ ... فيصـ ... فيصل أنا ما أبي آخذ غير ريــم
فيــصل: وبتاخذها وأنا أخوك وش اللي يمنعك ما تاخذها؟؟بس إنت هد حالك وأنا كلها مسافة الطريق وبجيك هذي بركب الليموزين وبجيك...
الوليــد: الله يعااااااافيك بس ريــم لا تدري
فيــصل: وش اللي يخليها تدري؟؟
بس من سوأ حظ فيصل إن ريــم سمعت المكالمه من إلى وهي كانت متخبيه وتتسمع عليهم وعرفت كلش راحت تركض لغرفتها وقفلت على روحها وتمت تصيح صياح يكسر الخاطر ومارضت لأحد يدخل عليها وتحججت بأنها تعبااانه وبتنام .. فيــصل راح مع الليموزين للمكان الموجود فيه الوليــد وأعطى صاحب اللوميزين حقه ونزل بالمحطه تلفت يمين يسار مالقى سيارة الوليــد تم يناظر ويطالع قال لايكون سواها وركب سيارته وراح البيت؟؟ دق عليه ورد عليه الوليــد .. فيصل: وينك أنا في المحطه..
الوليــد: تلقاني عند البقاله..
فيــصل: ماكو أحد؟
الوليــد: إنت بأي محطه؟؟؟
فيــصل: بمحطة على الخط اسمها محطة الجبيل
الوليــد: لا أنا بالمحطه اللي بعدها اصبر بحرك وبجيك..
فيــصل: لا وين تجي أنا بجيلك بالليموزين كاهو عندي مابعد عطيته حقه يالله باي بس.
فيــصل ماكان يبغى الوليــد يسوق السيارة أبدا وهو بالحاله هذي وراح على رجوله لحد المحطه ومشى يجي 12م ووصل لقى سيارة الوليــد عند البقاله قرب من عندها وشاف الوليــد حاط راسه على الدريكسون خاف عليه طق على القزازه فتح الوليــد وهو يقول ويينك فيــصل تفاجأ بشكل الوليــد كانت عيونه مثل الجمر ووجهه أصفر نزل الوليــد وركب قدام وركب فيــصل مكان السايق..
فيــصل: ماتقول لي الحين شصاير
الوليــد: فيــصل خالي مادق يسأل عني خالي دق علي عشان يزوجني بنت أخوه أنا قلت له ما أبيها لكن خالي حلف يمين اذا م أخذت البنت لا أنا ولدهم ولا هم يعرفوني ..
حرك فيــصل السيارة وهو يقول لا حول ولا قوة الا بالله وقلبه يتقطع على الوليــد يكفي وجهه كان اللي مايعرف وجهه يعرف إنه فيه شيء باين بعيونه الحزن ووجهه الأشحب فاضحه..
الوليــد: شسوي يا فيــصل قل لي تكفى أنا ما أبي بنت خالي مو لأن شيء فيها بس لأن ريــم هي حبي الأول والأخير ولأني ماباخذ غيرها ولأني وعدتها مايفرقني عنها الا الموت فيــصل أنا ماابي آخذ غير ريــم وبكيف خوالي لو وش مايسوون ماباخذ غير ريــم
فيــصل: تعوذ من ابليس ياولد الحلال وأنا بلقى لك حل بكلم أبوي و خل الكبار يحلونها لكن مايهون علي أشوفك بالحاله هذي..
وتم الوليــد يطالع مع الشباك ويناظر الرايح والجاي ودموعه ماوقفت.....

هل الوليــد بينصاع لأوامر خواله وبياخذ بنت خاله؟؟ ويضحي بحبه لعيون خواله؟؟
أم أنه يضحي بخواله لعيون حبه؟؟

فيــصل كان الموقف صعب عليه مرة يشوف الوليــد اللي البسمة ماتفارقه يبكي مثل الأطفال بالشكل هذا الوليــد الرجال يصيح مثل الأطفال الموقف كان غريب شوي من رجال إنه يبكي كل البكا بس اللي يدري بغلات ريــم فقلب الوليــد يعذر الوليــد في كل شيء يسويه كان الوليــد ماعنده مانع إنه يبيع خواله لعيون ريــم كان يعتبر ريــم أهله وناسه وأمه وأبوه وحبيبته
وبعد مادخلوا الخبر..كانت الأضواء تنور لهم الطريق لكن قلب الوليد ماكان فيه ولا بصيص من نور..كان يحس انها نهايته ولحد هنا..نهاية حبه الأول والأخير..حب من قلبه شعر بطعم الحياة والهدف منها ولأول مرة مع ريــم قدرت ريــم تسوي فيه اللي ماسواه أحد من قبل ولا عمه اللي رباه..وإن حب عمه حب ابن لأبنه لكن حب ريــم بقلب الوليــد شكل مختلف في قالب آخر..بطعم أجمل من الخيال بالنسبه لوليد..
الوليــد: فيصل تكفى ودني الكورنيش وروح البيت قل لابوي يشوف حل للمصيبه هذي ما أبي أدخل على أهلي وأنا حالتي كذه
فيــصل: احلف بس أنت؟؟وأخليك بالحاله هذي لاااا ماأقدر..
الوليــد: فيــصل أنا محتاج أجلس بروحي تكفى نفذ وبدون اعتراض..
فيــصل ووداه الكورنيش كان صعب عليه يتركه بالحاله هذي بس الوليــد لزم عليه وقال له يروح يشوف أبوه ويجي يمه وأصلا جلسة فيــصل مع الوليــد مالها داعي وبيساعده أكثر اذا رد للبيت وقال لأبوه يحل المشكله
فيــصل رجع للبيت وقال لأبوه والتوتر والخوف مفضوح بعيونه: يبه بغيتك بكلمة راس ممكن؟؟
ديمـــه وهي يقطعها الفضول ودها تدري: فيــصل أجيب لك عشاك؟؟
فيــصل: لا مو مشتهي
ديمـــه: وش قصة العالم مو مشتهين كلهم؟؟
فيــصل وتغيرت نظرة التوتر بعينه لنظرة الفضول وهو حاس ان الإجابه بتكون ريــم: من مو مشتهي بعد غيري؟؟
فيــصل: ريموووه مو راضيه تاكل شيء وقافله على روحها الباب مدري شبلاها تقول انها تعبانه بس هي كانت تضحك معنا أول الوقت وفجأه انقلبت مرة وحدة... و..
فيــصل قاطعها بس حشى لا انفتحتي ماتنصكين؟؟وحس فيــصل ان ريــم داريه بالسالفه وقال بكلمها بعد ماأكلم ابوي وارد مع الوليــد
فيــصل: يبه الموضوع مايستحمل التأخير
ابو ابراهيم: نروح الغرفة الصغيرة يالله
وحكى فيــصل على أبوه السالفه من إلى بس طبعا ماقال له ان الوليــد مايبغى ياخذ بنت خاله عشان ريــم لا عذر له وقال ان الوليــد مايفكر بالزواج
ابو ابراهيم: هات التليفون بكلم خاله الموضوع ماينسكت عليه وإنت روح طمن الوليــد وقول له إني بتصرف وإنب مابخليه ياخذ وحده مابغاها لو على جثتي
فيــصل: بسم الله عليك يالغالي زين الله يعافيك بروح يم الوليــد أبشره وطلع فيــصل مبسوط ودق على جوال الوليــد بيبشره بس الجوال دق ودق ماحد رد عليه انقبض قلب فيــصل ورجع يحاول ويدق مارد أحد حول ثانيه وثالثه ورابعه و.... الى رفع السماعه
فيــصل: هلا وغلا بهالصوت
.........: أقول يالأخو إنت تعرف صاحب هالجوال؟؟
فيــصل: من إنت وليش ترد على جوال مو جوالك
.......: انت تعرف صاحب هالجوال؟
فيــصل: ايه شفيه صاحب هالجوال تكلم
.......: وش قرابتك له؟؟
فيــصل: أنا أخوه مييين أنت
........: والله احنا المستشفى وأخوك طاح وجابوه لنا
فيــصل: تكذب ؟؟ ( وقلبه يرقع ويقول بنفسه لطفك ياكريم)
.......: لا واذا مو مصدق تعال للمستشفى تتأكد بنفسك
فيــصل أخذ عنوان المستشفى وراح طيرااااان وأول مادخل قسم الطواريء كان منطلق بقوه للرسيبشن ومر من عند غرفه ملياااااانه ممرضات ودكاتره وشاف اللي فيها كان الوليــد دخل الغرفه وهو مو مصدق وصل للسرير ومسك ايد الوليــد وصار يقول له : الوليــد أبوي حل المشكله أبوي بيكلم خالك
كان الوليــد بصعوبه يتكلم ويقول: فيــصل ريــم شخبارها درت؟؟
فيــصل ماحب يزيده زياده ماهو فيه قال لا ريــم تسولف مع البنات ولا هي داريه عن شيء وقالت لي أقولك انها تسلم عليك ..
الوليــد: فيــصل ريــم إنتبه عليها قول لها يا فيــصل لو مت اني كنت أموت على ثرى الأرض اللي تطاها..
فيــصل يلتفت على الدكتور.. ويقول: دكتور أخوي وش فيه؟؟
الدكتور: لا ماتتخضش ياابني ده اللي معاه انهيار عصبي من كتر التفكير وإحنا أعطيناه مهدأ ولحزات وحيغيب عن الوعي ويهدأ وبكره ان شاءالله حيبئى زي الفل
فيــصل: أكيد زين ليش يطري الموت؟؟
الدكتور: ياابني باين عليه من كتر التفكير وصل لنئطة يأس بس حيرقع زي الفل ان شاءالله ايوه ياابني خد الموبايل بتاع أخوك...
فيــصل: الف شكر والتفت علة الوليــد وهو يطالع عيون الوليد اللي مالبثت الا دقايق وغمضت..من الابرة المنومه اللي أعطاه الدكتور اياها..
( وتم فيــصل عند الوليــد وكان باين عليه التعب والدكتور لاحظ هالشيء )
الدكتور: ياابني قلستك هنا مش حتنفعه أنا من رأيي تروح وترقع الفجر ويكون أخوك على وشك إنه يصحى
فيــصل تذكر ريــم وإنه لازم يطمنها قال: خلاص بروح وأرجع كانت الساعه2 من الليل أخذ فيــصل جوال أخوه وطلع وهو بالطريق دق الجوال طلع فيــصل جواله بس ماكان جواله اللي يدق طلع جوال الوليــد كان (( الخال بو عزيز يتصل بك)) فيصل كان وده يكفخ الجوال ويصارخ على خال الوليــد بس رد وهو يحاول قد مايقدر يمسك أعصابه الفلتانه والتعبانه خلقه.. فيــصل: ألو
بو عزيز: هلا مين إنت؟؟
فيــصل: أنا فيــصل ولد عم الوليــد
بو عزيز: أجل وين الوليــد
فيــصل: تسألني؟؟ ليش ما سألت روحك وين راح الولد منك؟؟
بو عزيز: تكلم الوليــد شفيه
فيــصل: الوليــد بالمستشفى معه انهيار عصبي والدكتور يقول الظاهر إنه أرهق روحه بالتفكير بس بدري توك تسأل عنه ؟؟ لو جاء الوليــد شيء ماراح أسامحك طول عمري
حزت كلمات فيــصل بخاطر بو عزيز وقال معك حق ياولدي عطني عنوان المستشفى بجيكم
فيــصل: الوليــد غايب عن الوعي الحين ماتقدر تشوفه ..وبقلبه يقول ريح الولد من شرك هوأصلا مو طايق سيرتك
بو عزيز: زين يالله أجل مع السلامه..
فيصل: الله معك

بعد ماوصل فيصل البيت كان الكل نايم ولا دارين عن شيء على بالهم الوليد عند خواله ماعدا ابو ابراهيم اللي كان يدري بأن الوليــد مو عند خواله بس توقع إنه بخير لأن فيــصل كان رايح يمه ولا قالهم ان الوليــد دخل المستشفى ولا شيء..
فيــصل على طول راح غرفة ريــم وطق عليها الباب بس ريــم ماردت عليه دق عليها جوال ريــم بغت ماترد لأن حالتها المسكينه مرة تكسر الخاطر بس قالت: بسأله عن الوليــد ..
ريــم: ألو
فيــصل: هلا ريــم ممكن تفتحين لي الباب أنا عند باب غرفتك
ريــم: لا مو ممكن ماابي أشوف أحد ( لأنها كانت طول الوقت تبكي وهالشيء باين عليها وماتبي أحد يشوفها وهي على هالحاله )
فيــصل: زين براحتك بس توقعتك متحمسه تسمعين أخبار الوليــد عالعموم أنا بجلس بالحديقه اذا ودك تسمعين أخبار الوليــد أنا هناك وبقولك كل شيء (وقفل الخط قبل ماترد ريــم وكان عنده ثقه تامة انها الحين بتنزل ) قفلت ريــم الجوال وبسررعه وبدون أي تفكير لمت شعرها وغسلت وجهها ونزلت للحديقه...ومن شافها فيــصل قال: الصراحة توقعت إنك بتنزلين بس توقعتك تسابقيني بالدرج
ريــم: مو وقته يا فيــصل تكفى قولي شموضوع الوليــد ؟؟ من بيخطبوله؟؟
فيــصل: شوفي يا ريــم بالأول بقول لك أنا عشت مع الوليــد من يوم كنا صغار وأعرف الوليــد أكثر من أعرف نفسي.. ماعمري سمعت الوليــد يتكلم فبنت بالعكس كان لا سمع أحد يتكلم عن بنات الناس قال له: ترضاه لوحده من خواتك.. كانوا البنات يطيحون عليه طياح ومع كذه أبد ماحركوا ولا شعره فيه.. بس شسويتي بالولد؟؟ صار كل حكيه عنك ومع هذا مايشوف غيرك يشوفك غزاله ملاكه يشوفك أهله ناسه حبيبته يشوفك كل شيئ بهالدنيا..
ريــم: استحت وطمست راسها..
فيــصل: وأكثر شيء كان يذكره فيك حيااااك لكن اليوم يوم راح لخواله..
(وهنا صار يدق قلب ريــم ويرقع وتغير وجهها ولمعت دمعتها فعينها )
خواله حاولوا يزوجونه بنت خاله وهددوه اذا ماأخذها لاهو ولدهم ولاهم يعرفونه طلع من عندهم زعلان ودق علي وصوته يكسر الخاطر ورحت له بالجبيل ولا وش أشوف ياريم شفتي الوليــد اللي بسمته ماتفارق شفاته؟؟ أنا اليوم شفته إنسان مختلف كان يبكي مثل الأطفال ولاهو عارف شيسوي تدرين شكان قراره؟؟ كان يقول ماآخذ بنت خالي وأنا وعدت حبي الأول مايفرقنا غير الموت قال لي: ريــم حبي الأول والأخير لابعده حب ولا قبله حب تدرين يا ريــم شصار عليه من كثر مايفكرفيك؟؟ (وهنا قلب ريــم رقع وخافت لاتكون سببت له شيء) فيصل يكمل بتنهيده: ريــم الوليــد بالمستشفى
(ريــم شتقول إنت أكيد مو صادق ياربييي خذ روحي ولا أشوف الغالي طايح بالمستشفى)
فيــصل: بسم الله عليك لاتقولين كذه على روحك اذا مافكرتي بروحك روح ماجد ولا روحك فكري بـ الوليــد وش بيكون حاله بعدك.. ريــم الوليــد معه انهيار عصبي بسيط وبيرد لنا بكره بحول الله وقوته بس هو موصيني أقول لك: إنه مو بس يحبك يحب حتى ثرى الأرض اللي تاطاها رجلك
ريــم: مستحيه الله يسلمه ويعافيه
فيــصل: بس الله يسلمه ويعافيه مابغيتيني أرد عليه بشيء
ريــم: اممممممم أبيك تقول له (قاطعها فيصل وش أبيك تقول له هذي؟؟طيب ليش ما تكتبينها أنتي وتحطينها مع هديه أو باقة ورد)
ريــم: بس فيصــل متى أشتري له
فيصــل: تدبر الحين جيبي عباتك وأوديك محل ورود تشترين منه اللي يعجبك..
ريــم: بس أخاف أمي وأبوي يدروني..
فيصل: أدبرها بسرررعه بس أنتي
وراحت ريــم بسرعه تجيب عباتها ولبست عباتها وراحت هي و فيصــل لمحل ورود بس ما إختارت له باقة ورد إختارت له دبدوب أبيض ماسك قلب مكتوب عليه Ilove You وغلفوه لها بسلفان بشكل روعه وحطت له كارد كتبت عليه
..*** ماشي فالكون عن شوفته يمنعي... الا النظر لو يفارق مقلت اعياني... من دون ما اشعر له الاشواق تدفعني... و اظن حتى بحلم النوم يلقاني ***.
فيصــل: يالله يا ريــم عشان يمديني أحطك فالبيت وأروح يم الوليــد..
ريــم: لاااا بروح معك وين ترجعني البيت
فيصــل: وأمي وأبوي وجدتي اللي بتطلعك نعيميه لا درت إنك بره البيت الساعه الفجر
ريــم: مايهموني بدبرها بقول لهم إني كنت تعبانه و فيصــل عرض علي يوديني مستشفى وحطولي المغذي ساعتين..
فيصــل: وأنا صاير إسعاف لك إنت و الوليــد وبقول أنا إني صرت بين غرفتك وغرفة عشيقك
ريــم: ايه بس بسرعه ودني للمستشفى..
فيصــل: توني أقول لك بسرعه ولا معطتني وجه يعني الحين صرت تقولين لي بسرعه يوم صرتي بتروحين يم الوليــد
ريــم: ايييييييه بكيفي بسرررررعه بس
ووصلوا للمستشفى وطيران لغرفة الوليــد وقبل لا يدخلوا عليه ريــم حست بقلبها يدق بسرعه وكانت مو مصدقه بتشوف الوليــد.. قبل لا يدخلون قال فيصــل: على شرط لا تنزل منك دمعه وحده ولا ترى بفضحك أنتي وروميو عند أهلي..وبكتب قصتكم روايه روميو وجولييت الجزء الثاني..
ريــم: طيب موافقه بحاول أمسك روحي
فتح فيصــل الباب وكان الوليــد مازال تحت تأثير المهدأ بس كان يون ويقول كلام بصوت منخفض قرب منه فيصــل وحط إذنه عند فم الوليــد بيسمع وش يقول كان يقول((ريــم...
ر يـــ .......يــــ......م .. ريــم))فيصل يقول بقلبه شكله بيختبل الولد لا إستمر على هالحاله وأشر لـريــم عشان تجي..كانت تحاول تحبس دموعها بس عشانها وعدت فيصل قربت من الوليــد وسمعته ينادي اسمها وعجزت لاتمسك روحها أكثر وصارت تصيح وهي تقول لبيه أنا هنا جنبك أنا هنا ياليته فيني ولا فيك فيصــل إنت متأكد إن الدكتور قال إن الوليــد بيرجع
فيصــل: أجل تكذبين إذني بس أنا مشغول بفكر بالفضيحه اللي بسويها لك إنت ويا هالروميو
ريــم وهي تحاول تمسح دموعها بطرف المنديل: والله عجزت أمسك دموعي اعذرني..
الوليــد بدأ يصحى وفتح عيونه وبدأ يطالع في اللي حوله ويقول ريــم وين ريــم ..
ريــم: لبيييه أنا هنا يا بعد عمري
الوليــد: ريــم أنا على وعدي وما بخلف فيه أبد
ريــم: ........................................ .........
فيصــل: يا عالم يا ناس أنا وين رحت الوليــد ترى بضف هالريم وبروح للبيت وباخذ الهديه لي وبخليك بحسرتك لحد ما تسأل عني وذيك الساعه يحلها ألف حلال..
الوليــد: أفا عليك بس إنت الخير والبركه لو الله ثم إنت كان ماشفت هالقمر
فيصــل: أشوه بعد ذاكر لي هالمعروف..
ريــم+الوليــد: ههههههههههههههههههههههه الله يقطع شيطانك
فيصــل: زين أترككم بروح أصلي جماعه بجامع المستشفى
الوليــد: مسرع ما انقطع شيطانك؟؟
فيصــل: والله لو بطاولكم كان لحد صلاة الظهر صلوا بس يالله
وطلع فيصــل من الغرفه
ريــم أعطت الوليــد الهديه وفرح فيها كثير وقال لـريــم وهو منزل راسه ويطالع بالأرض..وعاض على شفيفه بقوة: والله أحبك ياريـــم
ريم وهي مستحيه وأنا أكثر..
وأنقذت الموقف ريــم وقامت ريــم لدورة المياه توضأت وصلت وقام الوليــد من فراشه وحس إنه أحسن بكثير وراح صلى بزاويه من زوايا الغرفه..الوضع بالنسبه للإثنين كان شويه محرج..خاصة لريم البنت..واللي كانت جالسه بزاويه من زوايا الغرف وهي تلوم في روحها..وتقول مهما كان الوليــد رجال غريب عني ومالمفروض أزلق معه بالكلام..بالدرجه الغريبه هذي..وين كان الحيا ساعتها عني!!؟؟
رجع فيصــل وقال لـريــم يالله بنرد البيت..
الوليــد: وين بالسرعه هذي خلكم معي والله أحسه ملل
فيصــل: لا ولا ملل ولا شيء بس بروح أودي ريــم وبرد أقعد معك..
الوليــد: بس إنت لا ما أبيك جب ريــم معك..
فيصــل: احلف ياشيخ وأنا وش له برجعها للبيت عشان أرجعها ثاني هنا بس بوريك بروح للبيت دام إنك ما تبين وأروح لفراشي وأخليك بمللك هنا..
الوليــد: أووووه طيب خلاص رد إقعد معي بس جب ريــم معك..
فيصــل: لااااا إنت مختبل يالله يا ريــم بس أرجعك البيت
ومن طلعوا العيال من عند الوليــد إلا طلع الوليــد الكارد وقعد يقراه وهو يقول بنفسه: خطها روعه أحلى من خطي وكلمات الكارد مثل العسل ياربيه هالبنت كلها مثل العسل..
وقبل ماياصلون ريــم + فيصــل البيت كانوا يخططون للكذبه وعشان يزيدون الكذبه حبتين وقفوا عند الصيدليه وشروا حبوب راس و فيتامينات..
وصلوا البيت .. نزلوا بسرعه ودخلوا الصاله كان إبو إبراهيـم ويا إبراهيـم بالصاله بيرقون فوق ومن شافهم إبراهيـم قال : فيصــل ليش ما صليت مع جماعة المسجد؟؟
فيصــل: الصراحه صليت مع جماعة المستشفى
ومن سمع الخبر إبراهيـم الا التفت شاف اخته قال: شفيها ريــم شفيك يا ريــم
فيصــل: هدروحك وأنا أخوك بس حست ريــم بدوخه ووديتها للمستشفى وحطوا لها مغذي ساعتين وصرفوا لها أدويه...
إبراهيـم: زين الله يبشرك بالخير أنا من أمس وأنا مو معجبني لون وجهها..
فيصــل: وليش ما وديتها بدل ما أكون أنا مثل الإسعاف اليوم..
إبراهيـم+ ابو إبراهيـم: لييييش من فيه ثاني ؟؟
فيصــل: الصراحه الوليــد بعد موضوع اللي كلمتك عنه أمس يبه جاله إنهيار عصبي ودقوا علي المستشفى وعطوه إبرة مهدئه ماصحى منها إلا قبل شوي وأنا مابين القسمين مرة عند ريــم ومرة عند الوليــد لو إني مشتغل إسعاف كان أحسن لي بالقليل آخذ راتب
إبراهيـم: فاضي حق اللعب أنت؟؟ وأخوك وأختك تعبانين؟؟
فيصــل: ايه والله استخفيت عقب اليوم يالله بس برجع لـ الوليــد
إبراهيـم+ابو إبراهيـم: بنجي معك نشوف الوليــد
فيصــل يقول بنفسه أووووه أنا اليوم صاير توصيل الطلبات مجانا بالأول رحت للجبيل وبعدين رحت لأبوي أحاكيه بالموضوع بعدين رحت يم المستشفى عشان الوليــد وبعدين أرجع وآخذ معي ريــم وأروح للمستشفى وأرجع أوديها وآخذ أبوي و إبراهيـم ما صارت ليتني مشتغل ليموزين أربح لي وآخذ من ريــم و الوليــد اللي أبيه عشان أدبر لهم كذبه..
إبراهيـم: هوووووووووووووه وين وصلت وش فيك سهيت
فيصــل: هاااه لا مو شيء بس يالله تروحون معي ؟؟
وطلعوا من البيت وراحوا إبراهيـم+ ابو إبراهيـم بسيارة إبراهيـم
فيصل بسيارته...دخل إبراهيـم وأبوه وفيصل غرفة الوليــد..ومن شافهم الوليــد,,الا وشق الضحكه في حلقه..
ابو ابراهيم: ماترى باس يالغالي..
الوليــد: هههههه لااا عاد الموضوع مايستاهل بس هالفيصل مكبرها شوي ليه تتعب روحك ياعمي؟؟
إبراهيـم: أقووول بس ماتشوف شر..أنت واحد مننا الا ماجينا نزورك من نزور؟؟والاماخفنا عليك على منو نخاف
الوليــد: الله يسلمممك ولا يوريك شر..ياارب..

تطمنوا على الوليــد ورجعوا إبراهيـم وابوه للبيت بس فيصــل تم عنده وجلس على الكرسي بعد اللي صار بلحظات..نام فيصــل ما حب الوليــد يزعجه كان طول الوقت ساكت لأنه بعد مقدر إن فيصــل مانام طول الليل عشانه ... أذن الظهر وأضطر الوليــد يقوم فيصــل للصلاة..
الوليــد: فيصلوه قم الحق على الصلاة..
فيصــل: هاااااااااه الصلاة على من؟؟ من اللي مات؟؟
الوليــد: و ل و ل و ل إنت تفكيرك كله بتموت الناس قم صل الظهر..
فيصــل: طيب طيب.... وقام فيصــل توضأوراح يلحق على الصلاة وبعد ماصلى رجع لأخوه وقعد عنده قعدوا يسولفون الا فتح الباب.. فيصــل بقلبه يقول غريبه صاروا يعتمدون على حالهم ولا يدقون علي أجي آخذ منهم أحد بالدنيا شيء ورفع راسه بشوف من الجاي كان الجاي هو خال الوليــد وعلى طول التفت فيصــل على الوليــد بيشوف ردة فعله كان الوليــد صاد عن خاله وملتفت على الجهه الثانيه.. فيصــل: بالإذن وقام على أساس ياخذ الخال راحته مع الوليــد.. الخال: إذنك معك يا فيصــل..
لكن الوليــد تكلم وقال: اجلس يافيصل..مافي أحد غريب..
خال الوليــد..طالع الوليــد بنظرات غامضه مغزاها غير مفهوم..والتفت لفيـصل ثانيه..
فيــصل: لا الوليــد أنا ودي أطلع شوي آخذ لي هوا ومنها بروح أتغدأ وبرد بعد نصف ساعه تقريبا..
طلع فيصــل بره وجلس يقول بنفسه وش جابه هذا والله لو جاء الوليــد شيء مابسامحه وبيشوف وش راح أسوي به... وفي داخل الغرفه كان الوليــد صاد عن خاله طول الوقت..
الخال: يعني وشلون ماراح تلفت علي وتشوف وش بقولك..
الوليــد كان طول الوقت وهو ساكت ولا هو مهتم بكلام خاله..
الخال: زين بتكلم حتى لو إنك صاد عني وماتبي تسمعني..
شف ياولدي أنا إخترت لك بنت خالك مو عشان شيء فيها وبنجدعها عليك لا أنا إخترتها لك لأننا ودنا نفرح فيكم...هذا أولا..ثانيا..ابتعادك عننا في الفترة الأخيرة خوفنا وخفنا إنك مع الزمن تنسانا..وماتعود تسأل فينا..فقلنا نزوجك وحده مننا عشان نربطك بناا..
الوليــد الكلمه الوحيده اللي قالها قال: أنا مابتزوج بنتكم ما ابيها..
الخال: يعني وشلون بتطلع عن رأيي هذه تربية عمك لك؟؟
هنا الوليــد ماقدر يحتمل أكثر قال شوف ياخالي والله ثم والله بنتكم ماباخذها ومابتزوجها وبإذن الكريم ما باخذ غير اللي أنا أبيها ويوم زواجي ماراح أعزم ولا واحد منكم ومن الحين إنت هددتني وقلت إذا ما بتاخذ البنت لا أنت ولدنا ولا حنا نعرفك أنا أقولكم لاأنتم خوالي ولا أنا أعرفكم وحل عن سماي قبل أسوي شيء تندم عليه..وبعدين الطريقه اللي فكرتوا أنكم تربطوني فيها زادتكم بعد عني..
الخال: لاحول ولا قوة إلا بالله..
الوليــد: إنتم خافوا من ربكم ليش كذه ترمون البنت علي قلت لكم ما باخذها ولاهي بالغصب
الخال: زين خلاص لا تاخذها بس لا تقطعنا منك إنت تعرف غلاتك عندنا ولوإنك مو غالي مازوجناك بنتنا..
الوليــد: بس البنت ماباخذها ماباخذها(وصار يبكي )
الخال وهو متقطع قلبه على الولد: خلاص لا تاخذها بس زرنا ولا تقطع فينا
وضم الوليــد وقال له: بس قطعت قلبي خلاص لاتاخذها ولا راح نغصبك..
الوليــد ابتسم وقال زين خلاص اذا كذه بعزمك يوم زواجي
الخال: زين رضيت يعني؟؟
وقعدوا يسلفون شوي وطلع من عنده خاله ودخل عليه فيصــل وشاف وجهه وعيونه الحمر
بس شافه مبتسم استغرب الموقف شوي..
الوليــد وهو يصارخ: ما بيزوجوني بارك لي
فيصــل وهو يصك الباب: زين قصر صوتك فشلتنا عند العالم بعدين يحسبونك بنيه محطوطه بقسم الرجال ومغصوبه على الزواج عاد وشكل شعرك يساعد إنهم يصدقون
الوليــد: غير رايه خالي وجزم إنه مايزوجني بنت خالي
فيصــل:يا سعدها اللي افتكت منك
الوليــد: حشا والله لو إني ماجد لا يبه أنا عشرات الألوف من البنات يتمنوني
فيصــل: زين وشلون أقنعته؟؟
الوليــد: بطرقي الخاصه قلت له ما باخذ البنت ولا فيه شيء بالغصب ولو بتلزمون علي ماراح آخذها وباخذ اللي في بالي ولاراح أعزمك لزواجي..
فيصــل: اهااا وهو غير رايه عشانك ماراح تعزمه لزواجك؟؟
الوليــد: ايييييييييييييييييييييييه
فيصــل: وأنا أقول ليش إنت مخفه وأثر خالك مخفه بعد العرق دساس صدق
الوليــد: هههههههههههههه إقلب بوجهك بس ورح ناد الدكتور طفشت بطلع؟؟عااااد
فيصــل: اصبر لا دار على المرضى يكتب لك خروج ان شاءالله بس ان شاف عيونك بالشكل هذا ما ظنيته بيطلعك..
الوليــد: حسبي الله على بليسك (وهو من قلبه طااااير فررررررحه بيطلع بيشوف ريم)
وبعد ساعتين كتب الدكتور خروج الوليــد يوم شافه أكثر تحسن وردوا البيت.. وفي البيت..
أم فيصــل: سلاااااااااااااااامات ياولدي وش اللي جاك
فيصــل: وش اللي ماجاه يوم سمع طاري العرس من بنت خاله والله أحس البنت هي اللي جاها انهيار عصبي يوم قال لها أبوها إنها بتاخذ الوليــد
أم فيصــل: لا والله أنا ولدي بنت وبنت تتمناه بس مو محصلاته
فيصــل: ايه يتمنونه بس اذا حلق شعره وعرفوا إنه ولد..
الوليــد: ياخي بس ذليتنا على شعري بنشوف تصويت من ديمــه ولينا وريم ونشوف الأكثر وبناء عليه أقص شعري ولا ما أقص
فيصــل يقبص الوليــد ويقول له: بتشوف رايهم ولا بتشوف رأي ريــم بس؟؟
الوليــد: أقووول جب لا تفضحنا وبصوت عالي: هااااااه بنات أقص؟؟
لينا و ديمــه إتفقوا إن ريــم تكون راي مختلف عنهم على أساس يحرجونها هي و الوليــد
رفعت ريــم إيدها إنه يقص..
الوليــد: اوووه خلاص بقص
فيــصل: إنت قلت الأكثر والحين ماتقص أكثر ( كان قصده يحرج الوليــد )
الوليــد: والله بلشنا فيك توك تقول تقص..
فيــصل: بس قلت تسوي تصويت والأكثر بتسويه والحين ماتقص أكثر ليش غيرت رأيك؟؟
الوليــد: فارق صوت واحد بس ما تفرق وبعدين أنا دكتاتوري
فيــصل: فارق صوت لأن التصويت بين ثلاثه بس يااااادكتاتوري زمااانك قلي هذي استراتيجيه الكذب
الوليــد: طيب خلاص بقص بكيفي ودي أقص وبقلبه يقول( دام ريــم يعجبها القصير بقص)
وراح الوليــد للحلاق قص شعره بحيث إنه خففه من الجانبين شوي وقصر من طوله كثير وصار شكله أرتب من أول بكثييييييييير
رجع للبيت ومن شافه قال وينك من زمان عن القص؟؟ وهم جالسين يشربون شاهي بعد المغرب.. قال الوليــد: أنا اليوم عازمكم في المطعم الهولندي حتى أمي وأبوي كلنا
فيــصل: وش المناسبه؟؟
الوليــد: امممم عشاني مابتزوج بنت خالي
فيــصل: الظاهر هي اليوم عازمها كل ربعها على ذبيحه مو في المطعم الهولندي
الوليــد: ايه جب بس أنت لا تجيب طاريها والتفت على أبوه: هاااااه يبه وش قلت؟؟
ابو ابراهيم: أنا أقول ياولدي أنا رجال شايب
فيــصل: الله يهداك يبه توك تدري؟؟والكل قعد يضحك على فيــصل
ابو ابراهيم: وأنا أقول أنا وعجوزي نقعد وروح إنت وإخوانك..
ابراهيم: أنا اليوم معزوم على العشاء اعذرني
ريــم: طيب الوليــد ودي أقول لنهلا تجي معنا
وهنا نط فيــصل وهو يقول وشهوله بعد
الوليــد: قولي لنهلا ياريم وجيبي من يعز عليك إلا شهلا
فيــصل: اووووووووه ليتني ما تكلمت
ريــم: وشهلا تعز علي
الوليــد: طيب خلاص جيبيها رحمت هالعاشق ويشر على فيــصل
ديمـــه: وأنا أقول للي يعز علي؟؟
الوليــد: لا إنتي لااااااا بتجيبين الحاره كلها معك..
فيــصل وهو قاصد يغيظ الوليــد ويقول لريم : ريامي قولي لنهلا تقول لـماجد يجي معنا
الوليــد: لاااا وين ماجد يبه إنت بتكرهني بالمطعم وأنا بديت أحبه..على هالحال بنسحب روحوا أنتم بس وابلشوا بالمغثه ماجد
فيــصل: وشلون وإنت بتدفع الحساب إنت اللي عازمنا
الوليــد: لا حبيبي من قال لك إني أنا بدفع كل واحد يدفع لروحه أنا بدفع عن روحي وبس
فيــصل بصوت واطي: وريــــــــــــــــم من يدفع عنها
الوليــد يرد عليه بنفس نبرة الصوت: أكيد أنا أجل أنت؟؟؟
وضحكوا العائله على فيــصل.. وفي الساعه 10 كان الوليــد متلبس ومختب وخاب العالم ولاجهم..يروح يم فيــصل اللي كان يطقطق عالنت ويقول له يالله ويروح للبنات ويلجهم الى إن طفشوا منه وصاروا يقفلوم الأبواب عشان ياخذون راحتهم من دون لجته..
الوليــد يفكر بنفسه: والله مذله تعزم هالعالم صار لي ساعه اقول لهم يالله وهم ولا حياة لمن تنادي والكل يقفل الباب بوجهي مو كني انا اللي عازمهم..
وفي تمام الساعه 10 ونصف كان الكل مجتمع بالصاله..
الوليــد: تو الناس ليش ما قعدتوا شوي بعد؟؟
فيــصل: لا حنا جرينتش لا نقدم ولا نأخر إنت قلت الساعه 10 ونصف ومايصير تطلعنا قبل مو بكيفك ياخي لازم يكون عندك إحترام للمواعيد
الوليــد: أقول إمش قدامي ياجرينتش لا بعد شوي تصير برج الفيصليه يالله يمدينا نمر على بزرك اللي بنضفها معنا بس الله يعيني على مقابل هالبزارين اللي جامعهم
فيـصل: طاااااااااااالع شايف في عمرررك شوووفه
وطلعوا من بيتهم وركبوا كلهم بسيارة الوليــد وكان الوليــد يطرطع ماوده يحرك سيارته
ويقول لـفيــصل يعني عشان شهلوه مو معنا عييت لا تحرك سيارتك؟؟؟ وصار يسوق وهو معصب.. فيــصل يكلمه بصوت منخفض: أقول يالحبيب معناعشاق ولهانين هد السرعه حرام عليك تفرقهم ولا تموتهم
وبالحظه هذي هد السرعه الوليــد وقال معك حق توك تتكلم؟؟
ومروا على بنات عمهم وراحوا للمطعم وأول ما دخلوا راحوا قسم العائلات وطلبوا العشاء و الوليــد كان طول الوقت يقول: ايه اطلبوا اطلبوا مامن جيبكم شيء
فيــصل: ولا من جيبك شيء كله من جيب أبوي الله يخليه لنا..
وبعد ماتعشوا راحوا الكورنيش يتمشون وكان الصف الأمامي شهلا + فيــصل + ديمـــه
والصف اللي وراء ريــم +الوليــد +لينـا + نهلا..
فيــصل كان معطي ديمـــه ركبه وكل الحكي لشهلا.. كان يمزح معها ويضحك معها و ديمـــه ولا كأنها موجوده.. تنهدت ديمـــه وقالت: مكاني غلط هنا بس مابترككم لحالكم الوصايا من الوليــد تقول كذه..
فيــصل: اخس يا ديمـــه من متى يعطيك الوليــد أوامر قولي لقافه أصدقك؟؟ بس ياعمه انتي لاحقين نمل من وجهك بالبيت قصدي مليت من وجهك بالبيت
و ريــم كانت تطالع الوليــد بين كل فتره وفتره كان لابس تيشيرت أبيض مكتوب عليه
The Best Boy بلون الجينز العادي وبنطلون جينز نفس لون الكتابه ولا بس قبعه لونها كحلي نفس لون الجينز وابتسامته ما كانت تفارق شفايفه.. جلسوا على الكراسي يوم تعبوا مره وقرروا فيــصل و الوليــد يجيبون شيء بارد يشربونه وراحوا عنهم.. إلا يجون شباب وما كذبوا خبر لقوا بنات وجالسين لحالهم ويبدون بحركاتهم البايخه ومن هنا ليزر ومن هنا أرقام والبنات حيل مفتشلين عدا نهلا اللي كانت تطالعهم من فوق لتحت وتتفحصهم و ديمـــه كانت تطالعهم مابين كل فترة وفترة ووتفحصهم هي الأخرى واكتشفت ديمـــه شيء
ما اكتشفته نهلا هو انه واحد منهم فيه حرق بيده...

جاء الوليــد مقبل عليهم ومن شاف الشباب الا وقام يتنافض وصار فيــصل يهديه بس الوليــد ماهدأ وراح يمهم ووقف خلف واحد منهم وكل الشباب مادروا عنه لأنهم كانوا معطينه قفاهم
كان الشاب الأول لابس بلوزة كت..
مسك الوليــد عضد الشاب وعضه بقووووة وفيـصل كان متوجه لهم وهو بنفسه يضحك على سوايا الوليــد والبنات حدث ولا حرج كانوا متسدحين من الضحك.. وبعد ماخلص الوليــد عاض الشاب.. التفت على يساره وقال: وععععععع ياشيخ تسبح؟؟؟ الشاب استحى من عمره وضف وجهه وضف كل ربعه معه و الوليــد كان يقول: هذا الي يصير للي يحاول يتعدأ على محارم الوليــد..
فيــصل: مصدق روحك يالعم وين محارمك هذيلا محارمي ومحارم حبيب قلبك ماجد وهمس بإذنه حتى ريــم محارمي وكان فيــصل مطلع لسانه قصده يغيض الوليــد..
الوليــد: أوووه إنت شبلاك عما قريب ريــم بتصير من محارمي ان شاءالله شغل مخك الواقف
وصاروا يدورون ويتفرجون على العالم ويضحكون و ريــم شوي انفكت عن أول وصارت تسولف مع الوليــد وتضحك... و ديمـــه مازالت مطنشه من قبل فيــصل وشهلا.. أما لينـا و نهلا متنعمات بالسواليف والضحك من الوليــد خفيف الدم..
الوليــد كان بنفسه يتمنى يكون مع ريــم مثل ما فيــصل وشهلا مفضوح أمرهم وماخذين راحتهم مو مثله مع ريــم حب بالخفيه وبقلبه يقول ياربييييه أشين شيء تخفي الحب وعيونك فاضحتك ولا إنت قادر تسوي شيء...
وكانت ديمـــه كل شوي تلتف عليهم وتتحسر على روحها.. حس فيها الوليــد ورحمها قال: فيــصل شاللي جاك مرة وحدة على الرومانسيه شف اختك المسكينه اشركوها معكم منها بعد تتعلم الكلام الحلو بدل مالسانها ذابحنا..
فيــصل: يااخي مادام انها كاسره خاطرك للدرجه هذي ليش ماتحطها مع هاللمه اللي عندك وتتركنا لحالنا؟؟؟؟
ديمـــه: خلاص أصلا أنا طفشت منكم وكنت مستحيه أروح مع البنات يقولون طردك أخوك بس اذا انك بتقول هالكلام وطرد علني لا بروح معهم وأحفظ مابقي من ماء وجهي ان بقى فيه باقيه..
فيــصل: بدرررررررررررري أخيرا فهمتيها..وضحكوا كلهم على سواليف فيــصل و ديمـــه
بالوقت هذا الوليــد يقول بنفسه ياقليبي ياأنا مابيني وبين ريــم غير نهلوه ومع كذه مو قادر أقولها ولا كلمة أحبك...وهالتيس فيــصل متنعم بأنواع النعيم مه هالبزر اللي معاه ..
الوليــد: ديمـــه أتحداك تاصلين لهناك(وأشر لها بإيده) قبلنا تقدرين؟؟.. تسابقي إنتي ونهلا ونشوف...( طبعا الوليــد كان ذكي صرف فرع الـ Cnn وفرع Bbc عشان ياخذ راحته)
ديمـــه + نهلا: قبلنا التحدي بس وش لنا؟؟؟
الوليــد: اممممم للي تفوز طلعة تعزم فيها اللي تبي للسوق..أو للمطعم وين ماتبي
ديمـــه: عرض مغري قبلنا التحدي
لينـا: حبت تحمسهم شوي وكانت تدري ان الوليــد يصرفهم قالت: مصيرنا متعلق برجولكم
وأول ماانطلقوا كان الوليــد جنب ريــم وعلى طول قال لها: أحبك موووووووووت
ريــم مستحيه عساها تشوف الأرض اللي تمشي عليها وهي تقول: وأنا أكثر
الوليــد: ياربيييييييه متى نروح لسويسرا أقدر أسولف معك براحتي مثل فيصلوه الحين
ريــم: أشرت براسها يعني لا وقالت: نهلا و ديمـــه مو تاركينك براحتك؟؟الا ماينغصون عليك
الوليــد: لا بلقالهم أحد هناك أجدعهم عليه ونفتك منهم..
وباللحظه هذي جوا ديمـــه و نهلا و ديمـــه مبسوووطه وتقول: لي اللي قلت لنا عليه..
الوليــد: وجع أمداك تفوزين؟؟؟
ديمـــه: اييييييييييييييييييييييييييييييييييييييي يييييييييي ييييييييييييييييييييه ليش ماراقبتنا؟؟
نهلا: لا الظاهر انه كان مشغول بمراقبة ناس ثانين.. وضحكوا عليهم وركبوا السيارة ورجعوا البيت على الساعه 2ونصف وكانوا البنات ماخذين الإذن من قبل إنهم ينامون هناك..
وبعد ماوصلوا بيت عمهم قال الوليــد للبنات انه جايب أفلام واللي يبي يشوفها يجي..بس قال لـريــم تنزل الـ Dvd حقها لان حقه خربان
فيــصل: احم احم ماتلاحظ إنك عزمت البنات على الفيلم بس ولا عزمتني؟؟
الوليــد: لأني عارف إنك بتعزم روحك من دون عزيمه بس يالله الحين أنا أعزمك
فيــصل وهو فرحان قبلت قبلت العزيمه وراح يركض يبدل ملابسه وجاء بسرعه تحت بس مالقى الا الوليــد يشبك بالأسلاك.. جلس يتفرج عليه فيــصل وهو يقول: تصدق إنك سامن
هذا شكله مشروع الفرحه ابدأ انتبه لروحك لا تبلش بعمرك بعدين؟
الوليــد: من جد سامن أحس البنطلون بيفقع بطني
ونزلوا البنات.. شغلوا الفيلم وبدأ الوليــد يقدم الدعايات قالت شهلا: اترك الدعايات والله حلوة
ديمـــه+لينـا: إيه والله اتركها روعه الدعايات؟؟
قال الوليــد لـفيــصل بصوت منخفض: ياربييييه وش لمة هالبزران؟؟
الوليــد استأذن منهم على مايشوفون الدعايات راح بدل ملابسه ومر على المطبخ وجاب عصير وشيبس وجاء للصاله كان الفيلم بالبدايه وبدأوا يشوفون الفيلم
الوليــد كان يعرف قصة الفيلم لأنه شافه من قبل بس جلس يتأمل بوجيه البنات..
ديمـــه: كانت متحمسه باين عليها وتاكل من غير حيلها
شهلا: ماكانت مبينه على وجهها أي تعابيرقال الوليــد بقلبه شكلها كتوم مرة هالبنت
نهلا: اووووووووووه كان مبين عليها تفحصت الرجال اللي بالفيلم واحد واحد وبقلبه يقول الله يعين رجلك عليك بيقطعك من الطلعات ومن التليفزيون(كانت ديمـــه معروفه بالشيء هذا)
ووصل عند ريــم: كانت شوي لتبكي معهم وخاصة إن قصة الفيلم فيها إن أمهم ماتت.. كان الوليــد بقلبه يقول( أحس إن ريــم بقلبها تشيل هم ماتشيله مدينه يااااارب ساعدها)
ووصل لـفيــصل: كان فيــصل يتثاوب وفاتح عين ومسكر الثانيه قال الوليــد بقلبه(باين عليه متحمس مرة مع القصة)
كان مدة الفيلم ساعه وربع وتمام الساعه 4 خلص الفيلم وأذن الفجر راحوا العيال يصلون أما البنات فجلسوا يعلقون على روحة اليوم وعلى الفيلم..
نهلا: والله إنتم بنعمه ياحظكم؟
ديمـــه: وش نعمته ياحسره على ايش النعمه؟؟
نهلا: من جد عندكم إخوان اللي تبونه يسوونه لكم عندك الوليــد مرة هالولد حنون يكفي إنه مستحملنا وحنا صاكين عليه مو مخلينه ياخذ راحته مع غزاله وعندكم فيــصل لو مايجيكم غير خفة دمه و ابراهيم لو تبون منه شيء مايقصر ويخدمكم بعيونه آآآآآآه ياليــــــــــــــــــت
ماجدوه التبن ياخذ من حركاتهم شوي أنا ما أذكراني مرة رحت مع ماجد نتمشى أو ان ماجد عرض علينا مرة يودينا للسوق حتى حفلة التخرج توقعته مادام الحفله له يطلعنا السوق يودينا شيء لكن الظاهر شفتوا ان إخوانكم ودونا السوق والمشغل ورجعونا من المشغل وماكان باقي الا يرجعونا للبيت..الله يحفظهم لكم وليت ماجد يصير بربع إخوانكم
والله لو بإيدي كان توجت أخوانكم أفضل إخوان على وجه الكره الأرضية أنامن جد أتمنى ماجد يكون مثلهم...
بالوقت هذا كانوا البنات طايره عيونهم شفيها هذي انفتحت مرة وحده..بعد ماخلصت نهلا مكمله كلامها شافت وجيهم وماتت من الضحك عليهم وقالت: شفيكم؟؟
ريــم: من رأيي نصلي وننام؟؟
ديمـــه: ش رأيكم اليوم تنامون بغرفتي كل مرة غرفة ريــم
ريــم: على شرط إنتي تفرشين لي فراشي؟؟
ديمـــه: لاااابنام بغرفتك وأنا اللي قلت بفتك من فرش فراشي بس فيني فيني لا بنام بغرفتك
ريــم: حياكم الله روحوا جيبوا فرشكم..وجابوا البنات فرش وفرشوها وناموا...
على الساعه 12.30 كان الكل صاحي عشان الغداء وجلسوا على طاولة الأكل.. وجاء الوليــد متأخر كالعاده وتعود على الأماكن تتغير لا صاروا فيه بنات عمه فأول ماجلس مكانه شاف اللي قدامه ابراهيم واللي جنبه فيــصل قاله الوليــد بصوت منخفض: أجل ديمـــه وينها بالعاده تصير قدامي أصبح بوجهها؟؟
فيــصل: هذاها جنب ابراهيم بس تصدق إن ديمـــه اليوم قالت لي صباح الخير وهي مبتسمه
الوليــد: شصاير مو من العاده بالعاده أول ماتقوم من النوم ماده بوزها شبرين إنت متأكد من انها في كامل قواها العقليه والصحيه؟؟الله يبشرك بالخير على كذه بنلقالهارجل يقبل فيها
فيــصل: الله الهادي عقبال ماجد تصدق أرحم خواته؟؟
الوليــد: ترحم خواته ولا ترحم البزر اللي تبي حلاو وملاهي ومو محصله من يجيبه لها؟
فيــصل: جب بس جب
ابو ابراهيم: هاه عيال خلاص متجهزين ليوم السبت؟؟
الوليــد: شعندنا يوم السبت؟؟
ابراهيم: شكولاته عندنا سفرة سويسرا...
الوليــد: آآه صح زين اللي ذكرتوني كنت ناسيها بالمرة
ديمـــه: اللي ماخذ عقلك يتهنى فيه
ضحكوا اللي عارفين القصة ومين ماخذ عقل الوليــد...
الجده: وأنتم جازمين على الروحه والله مافيني ياوليدي أروح معكم بروح أقعد عند أختي لحد ماتردون...
الوليــد: ايه صح اريح لك بعد السفر لعوزه للي مثلك وبتتعبين أكيد..
فيــصل: والله طرده محترمه بس ياليتها تجي معنا وتقعدلك شوكه بمناخيرك
الوليــد: يالخبل مايقولون شوكه بمناخيرك يقولون شوكه ببلعومك
ابراهيم وبصوت واطي: لا انت ولا هو يقولون شوكه بالحلق..
فيــصل+الوليــد: طايره عيونهم وإنت قاط معنا؟؟
وبعد الغداء صاروا يسولفون شوي لحد ما أذن العصر وودى ابراهيم بنات عمه لبيت عمه.. بطريقه وهو طالع..
راحت ريــم كانت تبغى تشوف شريط حفلة التخرج راحت غرفتها هي و ديمـــه و لينـا بس تذكرت ريــم إنها أعطت الـ Dvd الوليــد ومارجعه بس صك عليه بغرفته..راحوا لينـا +ديمـــه + ريــم يجيبونه من غرفة الوليــد ويوم دخلوا الغرفه أثاري الغرفه معفووووووسه فوق تحت قالت ريــم: خلونا نظفها والله كسر خاطري على هالغرفه
ديمـــه: يالله نضفها حتى أنا والله كسر خاطري..
لينـا: بتضفون ضفوا لحالكم أنا ما أحب ريحة العيال وأحس إني بختنق.
ديمـــه+ ريــم: براحتك نعرف وش سويتي فينا يوم دخلنا غرفة فيــصل وقعدنا فيها نتفرج على الصور جلستي ربع ساعه ورجعتي اللي فبطنك أجل إذا بتضفين وش بتسوين؟؟
لينـا: زين اللي عذرتوني مع السلامه أجل
وجلسوا ريــم + ديمـــه يضفون وأول ماشالت ريــم شرشف السرير بترتبه كان تلقى الدبدوب اللي أهدته له يوم كان بالمستشفى ورتبت السرير وحطت الدبدوب على السرير.. بالوقت هذا دخل الوليــد من بره وهو بالحديقه كان يشوف لمبة غرفته مشغله قال معقوله فيه أحد بغرفتي زين وش يسوي هالأحد؟؟ معقوله أكون ناسي النور بس أنا يوم أطلع العصر ولا فتحت النور.. قال اقطع الشك باليقين راح غرفته وفتح الباب وأول مافتح الباب استغرب انها مرتبه وفيها ريحة بخور التفت يمين ويلقى ريــم و ديمـــه قال: شتسوون؟؟
ديمـــه: مثل ما أنت شايف كسرت خاطرنا بغرفتك المرتبه وقلنا نظفها..
الوليــد: هههههه ماعليه كلها ان شاءالله سنه بالكثير وبتزوج ريــم وبتضف لي ولا عاد أكسر خاطر أحد..بالوقت هذا ريــم كانت مستحيه مرة ومو قادرة تشيل روحها..
ديمـــه وهي تناظر الوليــد بنظرات تأنيب: بس والله خجلت البنت؟
الوليــد: اهااا سوري أجل يالله بالإذن بروح تحت
كملوا ضف البنات ولحقوه نزلوا تحت وجلسوا يسولفون لحد ماجاء وقت العشاء وتعشوا وجلسوا يشربون الشاهي وهم يسولفون ريــم أشرت لـديمـــه و لينـا ورقوا فوق لغرفتها..ش

ريــم: وش آخذ معي لسويسرا مدري كيف أرتب شنطتي؟؟من زمان ماسافرت معكم
لينـا: أهم شيء بناطيل جينز وتيشيرتات قطنيه
ديمـــه: ولاتكثرين مرة لأنك بتشرين من هناك وبتبلشين لابغيتي تردين يعني بالكثير خوذي لك أربع قطع ومن هناك بتشرين أشياء
لينـا: بس لا تنسين ملابسك الداخليه وتبلشينا فيك مثل ما ديمـــه تسوي فينا كل سنه
ديمـــه: اييييييييه صح ذكرتيني أحطهم بالشنطه
لينـا: أووووف أنا أخبر الناس يتعلمون من أغلاطهم أختي لا كل سنه لازم تنساهم
ريــم: هههههههههههههههههههههههههههههههههههههههه هههههههههه هه
ديمـــه: ولاتنسين الحجابات لأنك بتلبسين هناك كابات وحجابات
ريــم: ماعندي كل اللي عندي قديمات
ديمـــه: هذا اللي أنا حاسبه حسابه وعشان كذه لازم الحين نروح السوق يالله يمديهم يفصلونها..
ريــم: ايه بس الساعه 9.30 يمدينا؟؟
ديمـــه تمسك جوالها وهي تقول: ايه يمدي اذا الوليــد ما غثنا بالموافقه وهو مواعدني يودينا للسوق لا فزت بالسباق وأنا فزت دقت ديمـــه على جوال الوليــد
الوليــد: ألو يالعجازه عاجزه لاتنزلين تحت وتكلميني؟
ديمـــه: وش فايدة الجوالات أجل إلا تقرب القريب وتبعد البعيد
الوليــد: و ل و ل و ل عكستي الآيه
ديمـــه: زين الوليــد أنا أنتظر تنفيذ الوعد وبنروح الحين للسوق نحتاج بعض الأغراض و ريــم تحتاج كابات وحجابات
الوليــد: الحين الساعه 9 ونصف يمدي؟؟
ديمـــه: يمدي اذا بسرعه نطلع ونمر على بنات عمي
الوليــد: O.k يالله بسرعه طيب
وقفلت ديمـــه من الوليــد وبسرعه دقت على نهلا وشهلا وقالت لهم بس نهلا قالت بشوف امي وأرد لك خبر ودقت عليها قالت خلاص مروا علينا..أمي وافقت
ومروا على بنات عمهم وراحوا للراشد مول وطبعا مافي وقت حق اللعب بسرعه راحوا كلهم فصلوا حجابات جديده ومروا على محلات معينه وشروا اللي هم يبونه.. ورجعوا بنات عمهم لبيت عمهم علي وردوا لبيتهم..
ديمـــه: الوليــد ترى الكابات تطلع يوم السبت العصر لساعه 5 تروح إنت تجيبهم
الوليــد: طيب مدام
ديمـــه: زين سوف هدا عبايه بإسم ريم عبدالله هدا فاتورة إنت في معلوم؟؟
الوليــد: يص يص مدام
نزلوا من السيارة
جلسوا بالصالة شوي يسولفون.. وراحوا الشيبان ينامون وجلسوا البنات والعيال يقطعون الوقت عليهم ويسولفون عن أيام زمان...
ريــم: أنا صار لي 4 سنين ماسافرت معكم...
الوليــد: أنا صار3 سنين وأنا أسافر مع خوالي ولا أسافر معكم
فيــصل: أجل ليش جاي معنا هالمرة حظك ياريم اللي هذا بيسافر معك
الوليــد: هالسنه غير وانت شكوا أنا عمي ملزم علي اسافر معكم
ابراهيم: أنا بعد كل مره أسافر مع ابوي واحس الروحه موشيء من دون أختي و الوليــد
ريــم: حتى البيت كان مو شيء من دونك يا ابراهيم
فيــصل: بس انتم الله يعافيكم روحوا للمجلس واقعدوا امدحوا ببعض على كيفكم بس لاتحومون كبدي وش اللي البيت مايسوى من دون ابراهيم؟؟ ولا السفره ماتسوى من دون الوليــد والله كانت السفره وناااااااااااااااسه من دون توت العليق هذا اللي اسمه الوليــد
ابراهيم: وشو توت العليق مو هنا مكانه.. ياكثر خرطك اللي مايجيب فايده يا فيــصل
فيــصل: الا هنا مكانه.. لا تبـــــخــــــــــص
ابراهيم: وشو توت العليق تدري وشو؟؟
فيــصل: يقال معياره للواحد اللصقه يعني يعلق معك عليق ولا يحل عنك
ابراهيم+ ديمـــه+ريــم+الوليــد+لينـا: ههههههههههههههههههههههههههههههههههههه
الوليــد: يالخبل هذا نوع من أنواع السماد الطبيعي
ابراهيم+ ديمـــه+ريــم+لينـا: هههههههههههههههههههههههههههه بيكحلها عماها
ابراهيم: هذا يا طويل العمر نوع من الفاكهه حلو ولونه أحمر يحبونه البزران أمثالكم ويأشر عليهم..
الوليــد+ فيــصل: ؟؟؟؟؟؟؟؟؟ وطايره عيونهم..والله حركتاااااااااااات تعررررف
وبعد نوبة الضحك هذه..تفرقوا العيال والبنات من الصاله..وناموا ليلة هنيه..
وفي يوم الجمعه وبعد صلاة الجمعة كانت العائله ملتفه على الطاوله وتتغدأ...

الجده: الوليــد اليوم توديني لأختي بقعد عنهم لحد ماتردون من سراوه..
الوليــد: قصدك سويسرا؟؟ تامريني أمر يالغاليه بوديك
الجده: بس لازم العيال والبنات يجون يسلمون على أختي هي تسأل عنكم؟؟
فيــصل بصوت واطي لوليد: هلا والله جمعة عجز..
ابو ابراهيم: حتى أنا ابراهيم بتوديني أنا وأمك اليوم لها لازم كلنا نروح نسلم عليها
الوليــد يكلم فيــصل: ليته بس عجز الا طبوا فيها الشيبان..
الجده: فيك الخير ياوليدي..
وبعد ماخلصوا غداء كانوا جالسين يسولفون ويشربون شاهي ويتكلمون عن سوالف أيام زمان... الجده: أتذكر يوم انه ابوكم صغير عمره حوالي 8 سنين كان فرض علينا ندخله المدرسه وهو ماكان وده يدرس بس جدكم كان يغصبه عالدراسه والله كان مأذينا على الدراسه كل صبح..وفمرة من المرات راح أبوكم للمدرسه ورجع الظهر وهو فرحان وكلنا استغربنا سبب الفرحه ويوم سألناه رد علينا: الأستاذ قال لي لاعاد تجي الا ومعك أبوك ياحظي مو بس أنا بدرس حتى أبوي بيدرس معي..وبيحس بالغثاء ولاعاد يغصبني... وجدكم كان عارف السالفه فيها إن وصار بكره وراح للمدرسه بيشوف شالسالفه وبعد ما سألهم قالوا له الأساتذه: ولدك ماينفع لشيء ذبحنا مو راضي يفهم علينا والأشين إنه شقي والله ولدك أذيه ياانك تضفه عنا ياانك تشوف له صرفه معه الحال ماينسكت عليه..
ومسك جدكم عبدالله وفك عليه العقال وعطاه كم طراق وخلاه بعدها يمشي عدال للمدرسه وصار ماشاءالله عليه متفوق يرسب بثلاث مواد كل سنه..(الجده وهي تقولها ولحد هذي اللحظه كان على بالها يرسب = ناجح بتفوق)
الوليــد: أفااا يبه كنت كسلان؟
الجده: أقولك كان شاطر يرسب بثلاث مواد كل سنه..
أم فيــصل بصوت منخفض: ويوم بغت تخطبني له جدتكم قالت لي إنه يرسب بثلاث مواد يوم انه صغير وبغيت أرفضه وجدتكم كانت تقولها على بالها إن ولدها متفوق
ابو ابراهيم: يمه الله يهداك فضحتينااااا
الجده: ولا فضحتك ولا شيء أنا أمدح فيك عند عيالك
الوليــد+ فيــصل: حبوا شوي يقهرون أبوهم..
الوليــد: الله يهداك يبه معقوله سويتها عيال الناس مايسونها ويرسبون؟؟ ياربيييه وش بيقولون الناس عنك؟؟
الجده: لييييييييييييييييييييش هو كان متفوق
فيــصل: لا يايمه كان يأرنب عليك اللي يرسب كانت سمعته مو مرة هذي معناها كبير؟
الجده مسكت عصاها وحطت عروته على رقبة ابو ابراهيم: تكذب علي ياولد؟؟
فيــصل: هههههههههههههه لا عاد يمه برافو اللي ولدك كان يرسب مااحد من الناس يسويها ومفروض ترفعين راسك بولدك اللي كان يرسب..
الوليــد بصوت واطي: والله قل العلم مشكله
والكل ضحك على ابو ابراهيم وفعايله..والجده رجعت لمفهومها السابق ان اللي يرسب متفوق
وبعد صلاة العصر كان الكل متجهز لزيارة الخاله نورة إخت الجده..وشال الوليــد شنط الجده وطلع فيهن يركبهن السياره.. وتوزعوا على سيارتين:ابو ابراهيم+فيــصل+ أم فيــصل في سيارة ابراهيم والبنات+الجده في سيارة الوليــد.. الجده كانت تحب سواقة الوليــد وترتاح معه في السيارة ودايما تحب تركب معه... الجده: ياحليلك يا الوليــد تصدق اني ارتاح معك بالسيارة ولا احب اركب الا معك..
الوليــد: شكرا يمه الله يسلمك وبقلبه يقول(شهادة الشيبان نعتز فيها(
وبعد ماوصلوا وسلمو على الخاله نوره وجلسوا شوي عندها..
الجده: شفتي ياوخيتي شعر بنتي ريــم كأنه ذيل حصان يذكرني بشعري يوم كنت بشبابي
الخاله: ماشاءالله عليك يا ريــم بس لاتقصينه أبد خلك مثل هالموزه اللي مهبله بالعالم
فيــصل: موزه؟؟ وشي الموزه يا خاله
الخاله: هذي اللي غنون لها وترقص بشعرها
الوليــد: اهاااا قصدك البرتقاله تعرفينها ياخاله؟؟
ريــم: نعم ولا صارت تعرفها انت شعرفك فيها؟؟
الوليــد: لااا أنا ما أعرفها ابوي هو اللي يعرفها
ابو ابراهيم: نعععععععععععععععم أي برتقاله أنا ماأعرف الا البرتقال اللي بالسوبر ماركت
الخاله: عاد هالبرتقاله اللي مهبله في العالم أنا أحلى منها( الوليــد يقول لـفيصل بصوت منخفض: ياخي مدري شبلاهم عجزنا شايفين أرواحهم كل وحده تقول أنا الحلوه)
فيــصل: الكبر والتخريف الله يهداك
ابو ابراهيم: لا هي حلوة بس صحتها زينه..
ام فيــصل: نعععععم يعني تعرفها ياحسافة شيباتك بس.. حسابي معك بعدين
الوليــد: طحت ولا أحد سمى عليك يبه
وبعد ماجلسوا شوي عند الخاله طلعوا من عندهاوركبوا السيارات..
الشيبان بسيارة ابراهيم وبأول الوقت كان فيــصل بيركب معهم بس راح لسيارة الوليــد
الوليــد: شجابك إنت؟؟؟
فيــصل: أجل أخليك مع البنات لحالكم مايدرى عنك
الوليــد: أنا ولد عمهم وقبل مايركب فيــصل سكر الباب الوليــد وقفله وحرك السيارة وخلى فيــصل بالشارع..وكان فيــصل يدق على الوليــد ويترجاه يرجع بس الوليــد كان رافض رفضا قاطعا والبنات مبسوطات على المقلب اللي أكله فيــصل المسيكين...
واتجهوا للبيت.. وصل الوليــد قبل ابراهيم لأنه كان ماخذ راحته بالسرعه..مامعه لا الجده ولا أحد من الشيبان..و فيــصل كان محتر ويحظرم على الوليــد ودق عليه..
الوليــد: هلا أخوي
فيــصل: مو كأنك مسوي شيء
الوليــد: غلطان ياخي بالنمرة دق على النمرة الصح المرة الثانيه..وباااااااااااااي
فيــصل: الله لا يعافيك بس باااي
وبعد ماقفل الوليــد الجوال من فيــصل..
ريــم: حرام عليك الوليــد ارجع يمه وخذه والله كسر خاطري
الوليــد: اذا إن ريــم تقول ارجع خذه لابرد له لأجل عين تكرم مدينه..
ريــم مستحيه وهي تقول الله يسلمك..
ودق الوليــد على أخوه وقال له ينتظره لأنه بيرد يأخذه.. وكان الوليــد طالع من باب القراج و سيارة ابراهيم توها داخله..
الوليــد فتح الشباك وهو يقول لـ ابراهيم: صح النووووووووووم
ابراهيم بيغيظه ويقول: يبه ترا الوليــد مسرررررررررع شفه وصل قبلنا بحوالي 10 دقايق
وبعدين التفت على الوليــد وقال له: وين أنت رايح؟؟
الوليــد: لعبت لعبه على فيــصل وخليته هناك وبرد آخذه

أم فيــصل: حرام عليك ماتييوز عن ألعايبك؟؟
الوليــد: الله يهديني أخلي اللعب عني..
وراح الوليــد يم أخوه وبعد ماوصل للمكان جاء فيــصل له وهو يحظرم على الوليــد..وركب السيارة.. وقال فيــصل: توك تحس فيني وترد لي؟؟ تو الشوق يذبحك؟؟
الوليــد: لااا ما رجعت عشانك بس ريــم لزمت علي أرد لك تقول انك كسرت خاطرها
فيــصل: اخخخخخ بس صرت مكسره لخواطر البنات..
الوليــد: ههههه حلوة مكسره..
وصلوا العشاء لأنه أذن وهم بالطريق وردوا البيت.. تعشوا وبعد العشاء راحوا الشيبان ينامون...وراحوا فيــصل + الوليــد +ابراهيم يجهزون شنطهم للسفر بكره.. وشوي الا نزل ابراهيم للبنات.. وهو يقووول خواتي حبيباتي..
ريــم+ديمـــه+لينـا: اووووف هات من الآخر
ابراهيم: أمممم هاكم شنطتي وملابسي حطوهن بالشنطه
ريــم: أهااااااا وأنا أقول وش الحب النازل من السماء
ابراهيم كان حاط شنطته وملابسه بنصف الدرج جابها لهم وبدأوا البنات يرتبون الا ونزل عليهم الوليــد... وهو يقول: ياربيييييه صدق اللي قال البنات البنات ألطف الكائنات
ديمـــه: هات الشنطه نرتب لك ملابسك من دون هالمقدمات..
الوليــد: ياربييييه هالبنات الله يخليهم لي..
وبدأوا البنات يرتبون الملابس بالشنطتين.. أما الوليــد رقا لأخوه فيــصل ودخل عليه بالغرفه وقال له: الأوضاع تمام روح ود شنطتك للبنات يرتبونها تفحصت لك النفسيات
فيــصل: زين سويت الله يعافيك
ونزل فيــصل للبنات وقال بنــ...... وما خلوه البنات يكمل قالوا له جيب شنطتك نرتبها
فيــصل: ياناااااس هالبنات فهيمااات يفهمونها وهي طايره
وجاب شنطته.. وبدأوا البنات يرتبون..قالت ديمـــه: بنات شرايكم نخبص لهم الملابس ونحوسهم مادام إنهم يقولون علينا لطيفات لازم نثبت هالشيء..ونخبص ملابسهم سوا
ريــم: ههههههههه أتخيل أشكالهم وهم يفكون شنطهم يلقون بنطلون هنا وبلوزه هناك
لينـا: ولا شكل الوليــد هالشيك لابس بنطلون ابراهيم وبلوزة فيــصل
ريــم+ديمـــه:هههههههه زين يالله نسويها
وخبصوا البنات الملابس بين الشنط ووزعوا البناطيل على الشنط وتأكدوا إنه مافيه شنطه فيها شيء لصاحبها.. وحطوا الشنط تحت الدرج استعدادا لبكره السفر ورقوا هم بعد يجهزون شنطهم..وفي يوم السبت على الساعه 12.0 كالعاده الكل على الطاوله لكن الوليــد متأخر وجاء جلس في مكانه وطالع قدامه كالعاده وطالع جنبه وهو يقول لـفيــصل: شحلاتها ريــم اليوم شمسويه؟؟
فيــصل: مو شيء جديد انت كل ماتجلس تقول شمسويه مااشوفها تغيرت هذي هي من خبرتها..
الوليــد: أنت ماتعرفها أجل..أنا اللي أحس بالتغير اللي يصير لها
ابو ابراهيم: هاه عيال متجهزين للسفراليوم مانبي أي تأخير لازم على الساعه 10 نكون بالمطار والساعه 12 طيارتنا...
ابراهيم+الوليــد+فيــصل: ايييييييه كاها شنطها عند الباب
ديمـــه+ريــم+لينـا: يتناظرون ويتضاحكون
ديمـــه: الوليــد لا تنسى الكابات تجيبها من السوق الساعه 5العصر ومعك الفاتورة
الوليــد: طيب على عيني أي أوامر ثانيه؟؟
ديمـــه: لا سلامة راسك
وبعد ماخلصوا الغداء تفرقوا يخلصون أشغال لهم وكانوا متفقين مع بيت عمهم المغرب الإجتماع في بيت ابو ابراهيم..واللي بيوصلونهم للمطار سواويقهم..
والعصر دقت ديمـــه على الوليــد..
ديمـــه: الوووو
الوليــد: يبه خلاص بروح أجيب عبايتاكم الحين والله لجيتوني
ديمـــه: زين الله يعافيك ياالله أجل باااي
وقفلت الخط من الوليــد وجلست تسولف مع البنات وترتب الباقي من شنطتها..
لينـا: ديمـــه حبيتي أخذتي ملابسك الداخليه
ديمـــه: وأنا أقول وش أنا ناسيه من الصبح زين الي ذكرتيني
لينـا: مو قلنا لك هذيك المرة وقلتي بحطهن؟؟
ديمـــه: لا ما حطيتهن.. بس أنا الحين بحطهن
لينـا: ياربيه الله لا يحرمك مني دايم أذكرك
وشوي الا سمعوا صوت طق باب.. ديمـــه: ميييين؟؟
......: أنا الوليــد جايب لكم الكابات
ديمـــه: لحظه.. ولبست حجابها هي و لينـا وفتحت الباب لوليد وأخذت الكابات منه وهي تشكر منه..
الوليــد: أفاااا عليك بس موأنت خادمتني أمس ومرتبه ملابسي في الشنطه؟
ديمـــه وهي تضحك: مابيننا هالمجاملات وبقلبها تقول(مشاوف هالمسيكين)
واجتمعوا بالصالة وجاء عمهم مع عياله وجلسوا يتقهوون وتعشوا بدري على الساعه 9 تقريبا وبتمام الساعه 10 طلعوا من البيت.. واتقسموا على ثلاث سيارات:
أبو ابراهيم+ابوسلطان+ أم فيــصل+ أم سلطان+ شهودي+عبود في سيارة كومارو
ماجد+فيــصل+شهلا+لينـا في سيارة ذو الحاج>>سواق أبو سلطان
ابراهيم+الوليــد+ريــم+نهلا+ديمـــه في سيارة يوسف>> السواق الثاني لعائلة ابو ابراهيم
وقبل مايطلعون عن قراج البيت تأكدوا من وجود الكل وكانت ديمـــه تقول للبنات خايفين لا نسرق رصيدهم مثل ماسوى كيفين في فيلم Home Alone يوم نسوه أهله وصار يلعب على كيفه
وشيكوا على الجوازات والفيز وانطلقوا للمطار..وبعد ماوصلوا المطار تقريبا على الساعه11 قال الوليــد: صدق لاقالوا عريبيا اليوم على الغداء أبوي يقول لازم نصير هناك على الساعه 10 والحين الساعه 11؟؟
وبعد ماخلصوا الجوازات والتفتيش ركبوا الطياره.. وأخذوا أماكنهم من الطيارة وسعادة الحظ وقعت الوليــد جنب ماجد وفيـصل جنب شهلا وصار الشرار يتطاير من عيون الوليــد وصار يحظرم ويلعن بالطياره ومو معجبه الوضع ويقول من الحين فاتحة خييييرللسفريه..
وبعد مرور ساعه من الإقلاع تعلث الوليــد بإن مكانه عند الجناج ومو قادر يشوف اللي تحته وقام قال لابراهيم يروح مكانه و ابراهيم خاف لاتصير فضيحه لا استمر الوليد على هالحاله
ويوم تبادلوا أماكن التفت الوليــد بيشوف من جنبه ومن التفت الا وشهق كانت ديمـــه قال اوووووووه أنحاش من ذاك وتجينا ذي الله يعيني على لسانها...
ديمـــه: عاااااارفه طيب بروح أبدل أماكن وأجيب ريــم عندك شرايك؟؟لأني مالي خلقك وودي أنام..
الوليــد: تسوين خير والله
وتبادلت ديمـــه و ريــم أماكن وكانت المضيفه طايره عيونها وتقول وش عندهم هذيلا يستهبلون.. وجلست ريــم جنب الوليــد وكانوا الاثنين فرحانين و الوليــد يقول بقلبه عقبااال شهر العسل ياااارب..شوي الا وتكلمت احدى المضيفات وقالت: نحن مقبلين على مطبات هوائيه الرجاء التزام الأماكن وعدم إثارة الهلع والخوف.. وشكرا..
شهودي تطق راس الوليــد من وراه: الوليــد وش معناة مطبات هوائيه؟؟
الوليــد: أمممم يعني زي المطبات الصناعيه اللي بالشارع بس هذي بالهواء(شرحها الوليــد لها بطريقه تناسب عمرها يعني بطريقه مبسطه)
وبدأت المطبات الهوائيه كانت فعلا مخيفه حتى ريــم تروعت منها (ريــم بطبعها كانت خوافه شوي) وغصب عليها ومن دون ماتدري تمسكت بيد الوليــد وصارت تدعي .. و الوليــد كان مبسووووط للآخر ولا كان وده يتحرك عشان ماتتذكر ريــم وتوخر يدها وبعد ماخلصت المطبات الهوائيه رفعت راسها ريــم وناظرت الوليــد وقالت آسفه بس والله مت من الروعه..
الوليــد: لا عااااادي وش عليه..حسيت فيك كنتي تنتفضين مرة
واسندت ريــم راسها وبعد حرب مريرة مع عييونها نامت.. كان التكييف بارد شوي فخاف الوليــد عليها وطلب لها بطانيه من المضيفه وجابت له المضيفه اللي طلبه فغطى الوليــد ريــم وصار يتأمل شكلها كان شكلها قمه من الروعه شكلها ملائكي جدا وكانت حاطه ايدها على قلبها كان وجهها أبيض متورد ومع قوة التكييف كان لونه على أحمر..تم يطالعها حتى غلب عليه النعاس ونام ونبهه قوة البرد وعلى طول التفت على ريم لقاها تنتفض من البرد وبالحقيقه ريــم كانت صاحيه لأن البردأزعجها لكن ماحبت تتحرك وتطلب المضيفه تخاف يصحى الوليــد من النوم..وكانت مغمضه عيونها يوم شافها الوليــد بالحاله هذي طلب بطانيه لها وبطانيه له... وجابت له المضيفه اللي يبيه فغطى ريــم بالبطانيه وتغطى هو وغمض عيونه وسمع صوت من جهة ريــم فتح عيونه يتأكد من اللي سمعه وفعلا لقى ريــم مفتحه عيونها ومبتسمه وهي تقول له: شكرا تعبتك معي؟؟
الوليــد: لا أفااا عليك لاشكر على واجب...
ومانام الوليــد لحدماتأكد إن ريــم نامت وماصحوا الاعلى صوت المضيفه وهي تطلب منهم يربطون أحزمة الأمان استعداد للهبوط....ربطوا أحزمة الأمان وهبطت الطائرة بسلام وصاروا ينزلون الركاب من الطيارة همس فيــصل بإذن الوليــد وقال: ليله ماحلمت فيها انت وهالوجه
الوليــد: وش عندك مو بعد انت بزرك كانت معك؟؟
فيــصل: خيييييبه جاء أخوها الدب ماجد وقال بنام جنب أختي..مكاني بارد
الوليــد: هههههههه ياحراااام تكسر الخاطر والله ...
وعلى طول من المطار أخذوا لهم سيارة للفندق اللي كانوا مستأجرين منه غرف وكانوا مقسمين الغرف...
البنات بغرفه على يمينهم أم سلطان وأبو سلطان وعلى يسارهم أم فيــصل وابو ابراهيم
وقدامهم غرفة العيال..طبعا شهود كانت مع أمها وأبوها وعبود كان مع العيال...وناموا العائلتين لأنهم كانوا تعبانين مرررررة
وبعد ماقاموا من النوم صلوا العصر.. واجتمعوا في أكبر غرفة اللي هي غرفة العيال..
الوليــد: عن إذنكم بروح أتسبح..
طبعا البنات كانوا يضحكون وودهم يشوفون وجه الوليــد لا شاف الشنطه وكانوا مخبرين شهلا ونهلا على الخطه اللي حبكوها...
وراح الوليــد وأخذ شنطته وحطها على الطاوله وفتح سحابها وأول مافتحها شاف بنطلون فيــصل قال: ياذالبنات شكلهم حطوا أغراضي بشنطة فيــصل.. ياحووول مودارين لخبطوا وهم يرتبون.. وطلع من الغرفه والبنات يضحكوووون عليه راح أخذ شنطة فيــصل وراح فيها للغرفة وفتحها بس لقى بنطلون ابراهيم قال: لا والله سوتها ديمـــه والبنات وعطونا هالمقلب طيب بوريكم..
وطلع مستهيش وقال: ديمووووه وش اللي صاير ليش حايسين الدنيا؟؟
ديمـــه: وش الحوسه اللي صايره؟؟
الوليــد: تتجاهلين هدومنا ليش محيوسه؟؟
ديمـــه: يوووه العذر أخوي بس أنا وش يدريني كلكم جبتوا ملابسكم بوقت واحد واحنا سوينا اللي علينا وخبصنا الدنيا..
الوليــد: فيصلوه ابراهيموه قوموا نعزل الملابس عن بعض
الوليــد: اوووووف هذا وأنا أقول عنكم انكم ألطف الكائنات؟
ابراهيم قل أشرس الكائنات أصدقك..
وقاموا العيال وطشوا الشنط بالغرفه وصاروا يعزلون الملابس ويحطون حق كل واحد بشنطته.. فيــصل: والله لوحنا مرتبين بروحنا أحسن من هالشغله.
الوليــد: آآآآآآآه الله يعيد أيامك يا جيني كانت تضف لنا الشنط وترتبهن من دون هالمقالب
ابراهيم: الظاهر يا الوليــد هذه عقوبه من ربك ليش توكل فيــصل ذاك المقلب؟؟
فيــصل: بس أنا وش دخلني أعاقب معه؟؟هو اللي سوى لي المقلب
ابراهيم: هذا عشانكم دايما تدبرون المقالب لماجد..
الوليــد: أقول ابراهيم أنا طفشااان من دون لا تجيب طاري هالغثيث. بس أنت مع مين مسوي مقلب ليش معاقب
ابراهيم: لا أنا حليل بس عشاني الضحيه وكمشاركه وجدانيه عوقبت معكم

فيــصل: لا يالحبيب هذا عشان الكف اللي صكيته البنيه الممرضهالجزاء من جنس العمل..
ابراهيم: وشكلي بصفعك كف مثله لا مرة ثانية جبت طاريها
الوليــد: لا يا فيــصل حالته صعبه بالشوق حتى مو راضي نجيب سيرتها
ابراهيم: أقوووول جب إنت وإياه والله مابقلبي شيء على هذيك المخلوقه.
وبعد ماخلصوا العيال عازلين الأغراض كل واحد جمع أغراضه وبدون ترتيب أو تصفيط حطوهن بالشنط ولفوا البلايز سوا وحطوها..
الوليــد: يازينا على شغل من أول ولا يتدخلون أشرس الكائنات في الترتيب
ابراهيم: والله جبتها شحلاتنا بالشكل هذا..
وضحكوا على سواليفهم وراح الوليــد تسبح ولبس بنطلون وبلوزة..بالوقت هذا طلب أبوهم الغداء لحد الشقه وبعد ماالتموا على السفرة..
ريــم: يبه وين بنروح اليوم؟؟؟
ابو ابراهيم: لا اليوم اجازه اللي يبي يروح السوق واللي يبي يروح الحديقه اللي تحت الفندق
ديمـــه: يبه ودنا اليوم نروح نسوي مساج وأقنعه للوجه والجسم..
ابو ابراهيم: براااااحتكم روحوا..
ماجد: بس لازم يكون نساء اللي يشتغلون لكم
ديمـــه: وش قالوا لك غشيمين فاهمين هالنقطه..
وبعد الغداء لبسوا البنات كاباتهم وراحوا لمحل المساج تحت الفندق وبدأوا العمل سووا قناع الشكولاته للبشره والجسم..وبعد مرور ساعات خلصوا البنات من الصنفرة والتنظيف ورجعوا للشقه..وأول مادخلوا قابلهم الوليــد..
الوليــد: ياسلااااام شالحلاة تصدقون صرتوا وجيه ثانيه صرت أحسكم طيوبين باالذات الدب الأكبر ديمـــه.. أحسها صايره روعة بالطيبه..
ديمـــه: الولد عنده شيء مو من الباب للطاقه يمدح؟؟
الوليــد: لا والله من جد ماعندي شيء..
نهلا: طيب ريــم مااحلوت على قولتك؟؟( وكان قصدها بتحرجه شوي)
الوليــد: لا ريم طول عمرها حلوة وطيبه بس لو الله يفكها من السوستين ديمـــه ونهلا
ريــم استحت مرة وصارت تطالع الأرض ومو قادرة ترفع راسها..وتقول: الله يسلمك
ونزلوا البنات+ الشباب: للحديقه اللي تحت الفندق وكان معهم عبودوماجد مو معهم كان بيتسبح ويروح للسوبر ماركت بيشري أغراض وبيرد لهم بالحديقه لأن ابراهيم قال له انهم هناك..وكانوا منفصلين البنات في في قروب والعيال في قروب..
وفي قروب العيال..
فيــصل وبصوت منخفض ياناس ياعالم ودي أروح أجلس مع شهوله مايصير هذا أنا وياها بنفس المكان ومو قادر أكلمها.. (كانت شهلا تناظر فيــصل من وقت لوقت)
ابراهيم بصوت منخفض: زييين طس فارق لها وش تنتظر
فيصل ويأشر على عبود: وهالتبن اللي مسطبل عندنا وش الدبرة فيه؟؟
الوليــد: خله علي بوريك فيه..
وكان عبود ملقي قروب البنات قفاه ولا عارف وش يصيرومعطي وجهه لقروب العيال هو كان حاس إن الموضوع فيه ان ولا وش سنع هالمساسر اللي بين فيصل وابراهيم ووليد؟
وقام فيــصل وراح لمكان خلف قروب العيال وأشر بيده لشهلا يعني تعالي قامت شهلا والبنات تريقه عليهاوضحك..وأشر الوليــد لريم من بعيد وهو رافع ايديه للسماء ويقول عقبالنا...ابتسمت له ريــم بخجل وصارت تسولف مع البنات وهي تناظر الوليــد مابين وبين
بعد مرور ربع ساعه من الحدث بغى الوليد ينكد على فيــصل
وقال لعبود: واخزياه ياعبود وشلون تخلي إختك اللي سمعتها من سمعتك تجلس مع ولد عمها لحالهم؟؟
عبود: وش علي أنا ماعلي الا من روحي..وبكل برود يقولها..
فيــصل+ابراهيم: أفاااا لا مايصير لازم تروح تقعد بينهم
عبود: خليهم اللي يشوفهم يحسبهم عرسان وش يدريه انهم لعب بزران
ابراهيم: لا مايصير ياخي برضه عيب عليك انت أخوها وسندها اذا انت سكت على هالموقف الأولى بنا حنا عيال عمها نسكت
عبود وهو يطالعهم بعيونه الناعسه وبكل برود: ياليتكم تسكتون فعلا عنهم خلهم ياخذون راحتهم ماجدوه مو موجود..
الوليــد يقول بصوت منخفض: تدري يا ابراهيم ورى هالعبود البارد واحد مخه يوزن بلد؟؟
ابراهيم: اذكر الله لاتصكه بعين..فعلا شكله مو سهل ولاهو متهور مثل ماجد
الوليــد: لا الــه إلا الـلـه أموت وأعرف وش وراه..
ابراهيم: من الحين نجهز الكفن لأنك ماراح تعرف وش وراه وبتموت على قولتك
الوليــد: بسم الله علي الله يحفظني لعين ترتجيني
ابراهيم: نرجع للموضوع الأصلي اقناع عبود يقوم يخرب على الجو الرومانسي اللي هناك
هالفيصل مايخاف من ربه؟ يروح يخطبهارسمي وبعدين يسوي اللي يبيه
الوليــد بقلبه: أفااا ابو الشباب لو درى عني بيذبحني.. وحس كأن الكلام موجه له بس قال وابراهيموه وش يدريه عن سوالفي أنا و ريــم اذاهذي فكرته أنا بكلم عمي يخطب لي ريــم وبعدها اسوي اللي ابي اسويه..وأقول مخطوبين رسمي
ابراهيم: حووووه وين رحت ياخي؟؟
الوليــد: موجود موجود...
ابراهيم: عبود والله عيب عليك يبه اللي يستوي بأختك قوم شفهم بالقليل إقعد بوسطهم
عبود: سيبوا الخلق للخالق..(وكان عبود يشوف المقبل على قروب العيال)
تكلم بصوت عال: أووووووه جاء مستر تعقيد بروح أقول لشهلا وفيصل قبل لايطب فيهم
وقام يركض للمكان اللي فيه شهلا و فيــصل واللي كانوا قاعدين ورا شجره..
ابراهيم يقول لوليد: مين مستر تعقيد هذا انت تعرفه؟؟
الوليــد: مدري والله ماحصل لي الشرف بس مادام عبود هالبارد قام يركض للرومانسيين فمعناته تعقيد صدق هالإنسان..وقطع كلامه ماجد اللي كان جاي مو وراه وقال: سلاااااام
الوليــد بقلبه: أهااا هالماجد غثيث حتى على أهله
ابراهيم+الوليــد: وعليكم هلا بك هلا والله اجلس
وكان فيــصل وعبود جاين مقبلين ومبين على فيــصل الخوف لأنه لو درى ماجدبيسوي شيء مايتسوى بس عبود قال له لاتخاف بتصرف..ولمح ماجد العيال جايين ولمح شهلا توها مقبله على قروب البنات شك بالسالفه.. وبعد ماوصلوا عبود+ فيــصل لقروب العيال..
ماجد: وين كنتوا؟؟(قالها بلهجة حزم زادت فيصل رعبا)
عبود: شهلا تبي الحمام وبعد مارحت أنا وياها ضعنا وقفت عند عربة الآيس كريم ودقيت على أحد العيال يجي ياخذنا وهذانا جينا.. ويلتفت على فيــصل ويقول: مشكوووووووووور
فيــصل: لا وش دعوه لاشكر على واجب وبقلبه كان يقول لعبود انت اللي مشكور والله..
ماجد: وأنتم أطفال تضيعون الطريق
عبود: بس تعرف حديقه وأول مرة نطبها مو مثل الهايد بارك اللي ندل كل جخر فيها حفظناها كنا كل سنه فيها بس الله رحمنا هالسنه وعقبال كل سنه..
ابراهيم+الوليــد: طايره عيونهم معقوله هالعبود يسوي كذه ويداري عن فيصل للدرجه هذي؟
ابراهيم: يالله عاد ياعبود هالمرة الله رحمك وكنا معكم مرة ثانيه وش بتسوون؟؟
عبود: ايه والله انك صادق وجلسوا يسولفون شوي مع بعض.. ومرت هاللحظات على قلب الوليــد مثل النار اللي تحرق جوفه..كله كان وده يقوم على ماجد ويكفخه..
وبعد ماتعبوا سواليف وقرق قامواهم والبنات على أساس بيردون غرفهم..ودخلوا الفندق وكانوا يسولفون عند الاصنصير وينتظرونه ينزل لهم..وبعد ماوقف الاصنصير وركبوا وصاروا يسولفون من داخل
الوليــد همس بإذن ريــم: براسلك بعد شوي
ريــم: O.k
وبعد ماوصلوا الدور تفرقوا البنات لغرفتهم والعيال لغرفتهم..
أرسل الوليــد لريم وهو يقول..((مساء الخير والإحساس والطيبه مساء مايليق الا بأحبابي))
ردت ريــم: (( صباحك سكر>> مو لاقيه شيء أرد فيه عليك ))
الوليــد: (( ناوي لك مفاجأة ان شاءالله قريب تعرفينها))
ريــم: ((وشو قول لي الحين بليييييز لا تحرق أعصابي))
الوليــد: (( كل شيء بوقته حلو ياحلو ونامي الحين عشان مايروح تعبكم بالبشرة خسارة))
ريــم: (( وتبيني أنام أكيد ماراح أقدر قول لي))
الوليــد: (( تصبحين على ألف خير ونامي لا تطاوعين الخبله ديمـــه))
ريــم: (( ماأقدر أنام صدقني قل لي وش المفاجأة))
الوليــد: (( أحبــــ ريم ـــــــك بس مو هذه المفاجأة ))
ريــم: (( مقدر أنام))
الوليــد: (( واذا طلبتك أنا تنامين))
ريــم: (( بالحاله بحاول تصبح على خير وأنتظر مفاجأتك على أحر من جمر))
الوليــد: (( وأنتي من أهله قريب ان شاءالله المفاجأة))
وقعد الوليــد في البلكونه يتفرج على الرايح والجاي الا وجاء عبود ودخل البلكونه بس الوليــد ماحس فيه وسلم بس الوليــد مادرى فيه..
عبود: ياهووووووووووووووووووووووووووووووووووووو ه
الوليــد: هاااه نعم فجعتني وش تبي؟؟
عبود: تصدق حالتك صعبانه علي ودي أروح أخطب لك ريــم اليوم قبل بكره
الوليــد: ؟؟؟؟؟ وجع وأنت وش يدريك صدق انك مو سهل.؟؟؟؟
عبود: حبيبي أنا داري من زمان وأعرف انك تكره ماجد مو بس عشانه غثيث هو صدق غثيث بس عشانك حسيت إنه يفكر بنفس غزالك..لكن أريحك مو يفكر فيها والله أنا أعرفكم كلكم وأعرف أقرأ هالشيء وفاهم كل حركاتكم واليوم سامعكم وأنتم تساسرون تخططون على فيــصل وكاشفكم
الوليــد: ماشاءالله شيدريك؟؟
عبود: حبيبي أنتم الواحد منكم فاضحته عيونه مو قادر يخبي شيء وللمعلوميه بس ترا ابراهيم باين عليه انه داري بكل شيء من ناحيتك إنت و ريــم وأنا أعتقد إنه من الأفضل إنك تكلم ابراهيم بعدين تكلمون عمي بالموضوع..
الوليــد: ماشاءالله عليك وربي انت داهيه بس ليش توك تحكي؟؟
عبود: ماعطيتوا سداح فرصه..
استأذن الوليــد من عبود وراح طاير لابراهيم وهو يقول أقول له ولا لأ وتشجع أخيرا وقال:ابراهيم ممكن بغيتك بسالفه...
ابراهيم: سم تبي شيء هذا فيــصل مو غريب..
جلس الوليــد وتنحنح وتحول لون وجهه للأحمر والأخضر والأصفر وبكل الألوان..
فيــصل: لا السالفه كايده الولد قام يصفر ويحمر...
الوليــد: بصرااااحه ابراهيم أنا ودي أتقدم لأختك رسمي...
ابراهيم: اهااا وأنا وين بلقى أحسن منك ولد عمها وعارفينك وعارفها وفوق كل هذا تحبها وتحبك..
الوليــد: ياربيييييييييه وش يدريك اننا نحب بعض؟؟عبود يقول انك تدري
ابراهيم: ايه ادري وعشان كذه لابغيتوا تطلعون تتمشون مع فيــصل والبنات كنت أعتذر منكك ماودي أحرجكم بس صراحه تأخرت بطلبك توقعتك تقوله أبكر من كذه لأنك رجال شهم وعارف الأصول..
الوليــد: حقك علي تأخرت بالطلب صح بس والله اليوم يوم سمعتك تقول لو فيــصل يخطب شهلا رسمي كان ماقدر ماجد ولا غيره يقول شيء..عششت في بالي الفكرة وعرضتها عليك.
ابراهيم: زين نكلم أبوي بكره بالموضوع..

وقام الوليــد من عند ابراهيم وحس انه قطع نصف المشوار وكان يحسب لبكره متى يقومون أهله ويقول لهم ومرت عليه الثانيه عن يوم والدقيقه عن شهر والساعه عن سنه..حس ان الوقت يمشي بطيء..
فيــصل: شفيك كذه متوتر ورايح جاي ارتاح يالحبيب وكل لك زبيب كشخه أعرف أنظم قصايد
الوليــد: ياخي الساعه شبلاها عيت تتحرك؟؟عيا يمشي الوقت؟
فيــصل: حرك عقاربها شوي تتحرك
الوليــد: أقول فيصلوه أنا مو فاظي حق لعبك ومزحك أنا بكره وراي مشواااااار طويل
فيــصل: أصلا إنت غلطان مو وقت تخطب الحين حرام عليك بتحرج البنت
الوليــد: لا بخطبها الحين عشان آخذ راحتي معها مثلك أنت وهالشهلا
فيــصل: أفاااا وأثاريك عندك حب التقليد الأعمى؟؟
الوليــد: ياشيخ ولي عن وجهي الشرهه مو عليك الشرهه علي
ويمر الليل على الوليــد وهو في قمة توتره..كان يطالع ساعته ويحسب الدقيقه والثانيه ماقدر ينام ولاقدر يوسع صدره مع العالم كان كل اللي يسويه يدور في الغرفه ويكفخ أي كائن في وجهه..
ماجد: الحين انت شفيك ممكن تفهمنا؟؟
الوليــد: أقول إنت لاتكلمني أنا متوتر من دونك
ماجد: بكيفك بس أنا حبيت أشاركك
الوليــد جاء طاير لـماجد وكان عنده نيه يرفسه رفسة العمر..قام ماجد بيهج منه ورفع الوليــد رجله وصارت بالهواء وماقدر يحفظ توازنه وطاح على ظهره..
الوليــد: آآآآآآآآخ حسبي الله عليك يا ماجد التبن...
ماجد: والله ماطقيتك على ايدك يوم انك تجي طاير وترفسني انت الغلطان يالفسقان..
الوليــد: أنا الغلطان يالتيس ولا انت اللي كنت تستفزني؟؟
وبالوقت هذا طلع ابراهيم اللي كان داخل غرفته بيرتاح شوي وينام.......
ابراهيم: شفيكم شصاير ليش أصواتكم عاليه..(وشاف الوليــد طايح بالأرض) وشفيك يا الوليــد سلامات..
الوليــد: هالتيس ولد عمك الله لا يربحه..
ماجد وهو ماد ايده ويقول الوليــد تراي صبرت عليك بما فيه الكفايه والحين بديت أفقد أعصابي وهذا مو من مصلحتك
الوليــد: لا تقول انك بتجي تضربني بعد الا مد ايدك علي مسيكين أنا لا أم ولا أبو وطفل قدامك كفخني مثل ماتبي؟؟
وعلى صوت الوليــد جوا عبود و فيــصل من غرفهم: وش فيكم؟؟
ابراهيم: هالأطفال تهاوشوا مو هذا اللي ناقصني عايش مع بزران أنا ماصاليت أختي وجلست معها أصاليكم؟؟ أنا الحين بروح آخذ لي غرفه ثانيه..
فيــصل: تعوذوا من ابليس انتم بزران
الوليــد: طلعني من طوري هالتيس
ماجد: احترم حالك لاتقول تيس
الوليــد: تيس وتيس وتيس ووش ماسويت تظل تييييس
فيــصل: بس انت وياه(وسند لوليد يقومه) حشا ماصارت وش يقول هالسويسريين عنكم رجاجيل بشوارب ويتهاوشون؟؟ويهمس بإذن الوليــد(بتخطب أنت وهالوجه)
الوليــد: إيه وخر عني بس بروح أنا بره أشم لي هواء..
وأخذ جواله الوليــد وطلع بره الغرفه بيروح يتمشى ولحقه فيــصل وهو يقول الوليــد اصبر ببدل والحقك...!!
الوليــد: لا خلك ودي أتمشى لحالي..
فيــصل خاف على أخوه خاصة وأنه طالع معصب وحس انه بيصير هو المذنب فيه لو تركه بالحاله هذي وماقدر يصبر أكثر راح بدل ونزل وراه راح للحديقه صار يدور ويقول يمكن ألاقيه..بس مالقى أحد.. دق على جواله مايردخاف عليه أكثر وقال ياحسرتي عليك وين رحت
وتم يدوره بس مو لاقي أي أثر له ودق عليه ثانيه وثالثه بس الجوال مقفل..قال ممكن يكون رجع الغرفه..ورجع هو لقى عبود عند الباب سأله وقال له عبود: لا ماجاء والله قلقان عليه وعجزت أستحمل طلعت بره أنتظره عند الباب..
فيــصل: لاحوول ولاقوة الا بالله وين راح هذا بالليول..فكر ممكن يكون الوليــد يوم حس بضيق راح لغرفة البنات وبنفس الوقت حس انه بعيد الوقوع لأن الوليــد مايقعد عند البنات لحاله وبآخر الليل بس هذا مامنعه انه يدق على ديمـــه يسأل عنه..
فيــصل: هلا دمدومتي
ديمـــه: هلا بك شفيك شتبي؟؟
فيــصل: بقولك بس انتبهي ريــم تدري..
ديمـــه: لا أصلا بسابع نومه هذي مدوده بفراشها من جينا
فيــصل: زين الوليــد طلع معصب من عندنا مامر عليكم؟؟
ديمـــه: لا بس دق علي وطلب ريــم بس أنا قلت له انها نايمه ورفض أصحيها وكان باين على صوته الضيق..
فيــصل: طيب ماتدرين وينه؟؟
ديمـــه: لا ماادري بس كان عنده حس مزيكا بمطعم يمكن..
فيــصل: زين يالله باي بروح أشوفه
ديمـــه: وطمنا عليه باي
فيــصل: انشاءالله باي
وقفل الخط من ديمـــه وكان رايح بإتجاه الاصنصير
عبود: أجي معك فيــصل؟؟
فيــصل: لا برجع الحين وهو معي ان شاءالله..
وراح فيــصل للمطعم كان كله أمل يلاقي الوليــد هناك دخل المطعم تلفت على يمينه يساره..مالقى أحد دق قلبه بقوه حس إن قلبه بيطلع من مكانه..وراح للجرسون وسأله عن الوليــد وشرح له شكله..وأشر له الجرسون قال كان هنا ومبين عليه متضايق وطلع قبل شوي أو راح لدورة المياه...بس هو دفع الحساب..
راح فيــصل لدورة المياه طاير دخل التفت يساره لقى رجال واقف وطل بوجهه كان باين عليه خليجي..
الاخ: هلا أخوي اكو شي!!
فيــصل: يوه خليجي أنت؟؟
الاخ: ايه نعم اماراتي..
فيــصل: هلا بك أنا فيــصل من السعوديه
الاخ: أنا مبارك من الإمارات حياك أخوي
فيــصل: أقول الأخو اعذرني بس والله محرج منك لكن مرة ثانيه أشوفك
مبارك: براحتك واذا تريد مني خدمه أنا بالطلب
فيــصل: ماشفت واحد هنا بدورة المياه أو بالمطعم شاب وشرح له المواصفات
مبارك: أمممم ماادري بس كأني شفته في....
فيــصل: وين شفته؟؟
مبارك: صراحه شفت واحد جريب من المواصفات اللي ذكرتها طالع من المطعم وصار له حادث وانقلوه المستشفى
فيــصل: أي مستشفى تكلم واللي يسلمك
مبارك: هد حالك أنا أقول لك قريب من المواصفات تعال نسأل الجرسون أكيد يعرف هويته..
وراحوا يسألون الجرسون وبعد ماسألوه قال لهم ماأعرف هويته لكن نقلوه لمستشفى وسط البلد..وأخذ الوصف منه وطلع من المطعم بيروح هو ومبارك للمستشفى وكان فيــصل يتقطع من جوا ويقول ليتني لحقته ببجامتي كان لازم يعني أبدل؟؟
وحس فيــصل بالدنيا تدور قدام عينه وكأنه مو عارف شيء من اللي حوله وحس بمبارك يسند له..
مبارك: سلااااااامات يا فيــصل

فيــصل مو حاس باللي حوله وكان يتكلم كلمات بصوت مسموع..ويقول: وليد لا تروح عني
وجلسه مبارك على الكرسي الخشبي اللي جنبهم وجاب ماء من الينبوع اللي كان يجري عندهم ويمسح وجه فيــصل فيه ويطقه على خده ويحاول يصحيه..الا وحس مبارك باللي يمسكه من خلفه ويقول: وش تسوي يالكلب
مبارك بارتباك: الريال دايخ وأنا أحاول أصحيه
....: دايخ ولا دوخته معك؟؟؟
مبارك: أعوذ بالله من أنت شتقول أنت؟؟
والتفت مبارك على وراه بيشوف من وراه..وتفاجأ يوم التفت وقال له: إنت وليد؟؟
الوليــد: وش يعرفك بإسمي؟؟
مبارك: مو إنت أخو فيــصل؟؟
الوليــد: ايه وش يدريك؟؟
وقال مبارك القصه لوليد وكيف إنهم تلقوا خبر كاذب وكانوا متجهين للمستشفى عشانه وداخ فيــصل بالطريق وصار ينادي بإسم الوليــد
الوليــد وكان مبارك طول مايحكي القصه يطق خد فيــصل ويحاول يصحيه..
فيــصل صحى وفتح عيونه وقال: الوليــد وين رحت؟؟
الوليــد: مو مهم وين رحت المهم ليش انت دخت؟؟
وسند الوليــد+ مبارك لـفيــصل واتجهوا به للفندق واللي كان قريب مرة من المكان اللي هم فيه..ودخلوا فيه الفندق وكان الكهرباء طافي في الفندق وماقدر الوليــد يصبر أكثر راحوا يرقون مع الدرج كان تعب عليهم يرقون للدور العاشر بالدرج بس ماكان قدامهم خيار ثاني وهم يرقون وبعد ماتعدوا أربع أدوار رجع الكهرباء راحوا للأصنصير وركبوه لحتى ماوصلوا الدور العاشر وراحوا فيه للغرفه كان عبود مازال واقف عند الباب..
عبود: شفيه فيــصل؟؟ راح يجيبك يا الوليــدوجبته أنت!!!
ودخلوه لغرفته وحطوه على السرير..
الوليــد: سلامات يالغالي ماتشوف شر..
فيــصل: الله يسلمك شفت يالتيس كيف انت غالي ماقدرت أنتظرك ورحت بجيبك ودخت؟؟
الوليــد: والله داري اني غالي عند الكل
مبارك: ماتشوف شر يا فيــصل
فيــصل: الشر مايجيك والله مشكور ماقصرت
مبارك: الحين وبعد ماتطمنت عليك يالله بالأذن بروح
الوليــد قام وسلم على مبارك واستفسر وين هو عايش بأي دور ورقم الشقه وقال له: لاتقاطعنا عاد لازم تجي نشوفك وتشوفنا ونعرفك على الأهل
مبارك: إن شاءالله بخاطركم عيل مع السلامه
وبعد ماودع الوليــد و فيــصل وعبود مبارك جلسوا شوي يسولفون..
عبود: شقصتك إنت؟؟(ويناظر الوليــد) فيــصل طالع مثل الحصان يدورك ويقول مابرجع الا وأنا جايبه معي وآخرتها إنت تجيبه؟!!
الوليــد: وإنت ماتفوت شيء؟؟هذا ياطويل العمر القصة ومافيها إني وبعد ماطلعت من المطعم صرت أتمشى بالطريق الا وأشوف الأخو فيــصل مدد على الأرض و ولد الناس مبتلش فيه أقبلت عليهم وأنا مو مصدق عمري وأقول شصاير؟؟هالأخو كأنه فيــصل اللي قبل شوي بالشقه وقربت من عنده كان ألقاه فيــصل مسكت مبارك المسيكين من ظهره وقلت له: شفيه؟
قال لي: الولد دايخ بس منو إنت؟؟
قلت: دايخ ولا دوخته؟؟ صراحة الرجال تروع وقال شتقول إنت أعوذ بالله من الشيطان الرجيم..وتصدق والله الرجال عرفني أول ماالتفت علي وكأنه مكتوب بوجهي أنه أنا الوليــد الولد الأمور..
فيــصل: شهالحاله ولد أمور مرة وحده ماتقول بنوت بعد أحسن؟؟
الوليــد: بنوت ؟؟ كيف يعني بنوت؟؟
فيــصل: بنوت مذكر بنوته
الوليــد: أهاااا زين ولا يهمك يالولد البنوت
فيــصل: لا حبيبي الولد البنوت إنت أنا شكو منك؟؟
الوليــد: ههههههههههههههههههههههههههه
فيــصل وصار يغني: بتضحك طيب إضحك وابقه شوف من يوم يسامحك لما تندم على اللي قلته ندم كبير..
الوليــد: أقووول تكفى شهالنشااااز؟؟؟ إنت مع الأسف فاااااشل
فيــصل: قل قسم يارحباني زمانك و إنت تقيمني؟؟
الوليــد: مجرد نصيحه عشان ما تغني ثاني
عبود: الوليــد أنا قالوا لي إن صوتك حلو وش رايك تغني؟؟
الوليــد: والله لوياعبود الود ودي غنيت بس أخاف يطيح سوق هالفيصل وماعاد يطربنا بصوته الشجي..
فيــصل: لا تكفه طيح سوقي.. طلبتك طيحه..اللي يسمعك يقول سوقي واقف على حيله
الوليــد: أمممم شتطلبون يالساهرون؟؟
فيــصل: سااااااارعي
الوليــد: عشانك يا فيــصل بغني سارعي..
وصار الوليــد يضرب بيده على الطاوله بضربات منتضمه ويهز راسه ويغني..
ساااااارعي للمجد والعلياء مجدي لخالق السماء
وأرفع الخفاق الأخضـــــر يحمل النـور المسـطر
رددي الله أكبر ياموطني
موطني قد عشت فخر للمسلمين
عاش الملك للعلم والوطن
عبود + فيــصل: عااااااااااااااااااااااااااااااااااااااا اااااااااا اااااااااااااااش..عاش والله
الوليــد: الحين وبعد ماسمعت صوتي ياعبود وش رايك مو أحلى من فيــصل؟؟
عبود: ولا مجال للمقارنه
فيــصل: هذا وأنا مريض ومفروض تدارون خاطري كذا تضربون فيني عرض الحائط
الوليــد: عبود ولد صريح وماعنده مجاملات والحين أنت مصدق عمرك يعني عشاننا حطيناك بسرير ولقيناك وجه صرت مريض و لسانك شطوله؟وتقول لي مريض بعد؟؟
فيــصل: ياربييييه وش هالغيره اللي بتذبحه!!
الوليــد: ما أغار من أحد هذا إنت اللي غرت من حنجرتي الذهبيه..
فيــصل يصرف السالفه: أقول عبود شرايك تروح تجيب لنا عصير
عبود: قول لي إقلب بوجهي أحسن لي وأوجه لك
فيــصل: عفارم عليك ياولد العم.. اقلب بوجهك.
عبود: على هالخشم ياولد عمي بقلب بهالوجه
وبعد ماطلع عبود واتجه للبلكونه.. و فيــصل و الوليــد كانوا جالسين لحالهم بالغرفه..
الوليــد: شفيك عليه والله أحسه أخف دم من أخوه بكثييير ليش قومته من عندنا؟؟
فيــصل: صراحة الوليــد أنا بكلمك بموضوع ماجد
الوليــد: تكفى فيــصل لاتستفزني خلقه طاق من هالإنسان
فيــصل: بس هذا ولد عمك ومن لحمك ودمك..واذا انت سويت هاللي سويته شبقيت للأغراب إنت عارف وأنا عارف يالعريف شسبب اللي خلى ماجد فظ لدرجه كبيره قدر شعوره ياخي هو فقد أخوه سلطان إنت نفسك حزنت على سلطان والا الآن وأنت لاذكرته يتقطع قلبك عليه فمابالك بـماجد فقد أعز إخوانه وأقربهم لقلبه..وانت عارف ولا يحتاج أذكرك كيف ماجد حبس روحه شهور بغرفته بعد وفاة أخوه وتوقف عن الدراسه سنه عشان أخوه وبعدها صار انطوائي وبالسنوات الأخيره بس اللي صار شوي يحتك فينا..ياليتك تشوفه وهو يشكي حاله أنا سمعته يشكي بس تدري لمين كان يشكي حاله؟؟ كان يشكي حاله لخلق من خلقان أخوه..تدري شكان يقول؟؟كان يلوم اللي حوله لامك انت أولهم قال ليش ياسلطان هذا الوليــد أقرب ناسك الآن هو أبعد ناسي والله كان يقطع القلب ماجد بحاجه لنا وأنا ماحسيت بالشيء هذا الا لما سمعته يشكي أنا قلت يمكن يتحسن الحال بينكم لكن اللي

أشوفه إنه يزداد للأشين والله ياأخوي إن ماجد مو للدرجه هذي مغرور ولا شايف روحه بالعكس لكن هو مو عارف الطريقه اللي يتعامل فيها مع اللي حوله أنا متوسم فيك كل الخير وإنت ماراح تقصر ان شاءالله..
الوليــد: والمطلوب؟؟
فيــصل: أنا ماأطلب منك سابع المستحيلات ولا أبي أعجزك تدري شبطلب منك؟؟أنا اللي بطلبه طلب واحد بس بطلب منك إنك تحتك في ماجد أكثر إصبر عليه وأكيد حاله بيتغير..
الوليــد: والله صعب اللي تطلبه وإنت تعرف شكثر أكره هالإنسان..
فيــصل: لا مو إنت اللي تكره عيال عمك بس طريقة ماجد بالتعامل يمكن هي اللي خلقت هالفجوه بينك وبينه..أنا أحس إنك انت بتساعده ولا غيرك يقدر عليه تدري ليش؟؟
لأن لك مع سلطان ذكريات واللي هو كان أقرب لك من أي إنسان مثل مالـماجد ذكريات مع سلطان إنت وماجد تختلفون بأشياء كثيرة بس شيئين يجمعكم.. الدم و معزة شخص واحد..والله يا الوليــد لو بيدي حيله كنت سويتها وأنا عارف قد ايش هالمهمه صعبه عليك بس إنت قدها..
الوليــد: شلون؟؟ وأنت أعرف واحد بطبيعة العلاقه بيني وبينه..
فيــصل: بيدك بس إنت فكر شلون أنا أبيك تطلع ماجد من هاللي هو فيه ولا يرضيك رجال متخرج من جامعه يشكي لخلق؟؟ خلق يا الوليــد لا ينفع ولايضر تفهم شلون؟؟
الوليــد: والله مهمه صعبه بس بحاول صراحه كسر خاطري..
فيــصل: زين من الحين شف ماجد متكدر وقافل على روحه بالغرفه وأنت تعرف ماجد مايظهر ضعفه لأحد عشان كذه لاتظهر له أنه هو اللي محتاجك ويستحسن إنك تظهر إنت حاجتك له
الوليــد: فيييييييييييصل لاااا أنا مقدر أبين له إني أنا محتاجه أنا ماأحتاجه الله يغنيني عنه
فيــصل: لا يا الوليــد لو سلطان الله يرحمه حي ماأعجبه اللي يصير لأخوه بسبة الوليــد الأمر متعلق بيدك..وأنت وضميرك وأنا أعتقد إن الخير فيك..
الوليــد زين بفكر بالموضوع..وقام الوليــد من عند فيــصل وراح للبلكونه
عبود: هاااااااه خلصتوا؟؟؟
الوليــد: ايه خلاص
عبود: شفيك وجهك منعفس هات عيني في عينك..
الوليــد: لا اااا تكفى عبود ليتك تروح وتخليني بروحي شوي أنا محتاج أجلس مع روحي
عبود: لاحوووووول أنا إن رحت عند فيــصل طردتوني وإن قعدت هنا طردتني
الوليــد: تكفى عبود أحس إني متضايق ودي أجلس لحالي
عبود: زين خلاص بروح.. وبعد مالقى عبود ظهره لوليد وكان متجه طالع من البلكونه..
الوليــد: عبود ابراهيم وينه؟؟؟
عبود: رجع لغرفته
الوليــد: أممم طيب ماجد كان مبين عليه متضايق من اللي صار؟؟
عبود: أخوي طول عمره غامض ولا أقدر أفهمه بس أحس أنه مافرقت معه لأنه دايم كذه زعلان وحزين..
الوليــد: طيب رح لـفيــصل يمكن يبيك بشيء
عبود: طييييييب كل واجد يقطني على الثاني!!
وبعد ماطلع عبود من عند الوليــد صار الوليــد يفكر بجديه بكلام فيــصل..جلس على الكرسي وصار يتفرج على اللي تحته..يشوف الناس العالم يشوف الشارع طويل و سيارات ويفكرفي نفسه يفكر في كلام فيــصل يفكر بـماجد يفكر بـريم حس راسه بينفجر من كثر التفكير..
آآآآه يا فيــصل صدق توك صغير بس والله عقلك كبير وقلبك أكبر هو فكر في الموضوع من كل الجهات بس والله لو بيدي ساعدت ماجد لكن الطلب صعب ممكن ماجد مايتقبلني بعد اللي صار...ممكن ماأقدر أكون قدها ماأقدر أساعده انا مو قادر أساعد روحي عشان أساعده..
حس روحه متعب مرة ومع كذه كان يفكر بالموضوع طالع ساعته وتأكد إن وقت صلاة الفجر دخل راح توضأ وفرش سجادته صلى لربه صلاة الفجر وصلى صلاة الإستخاره وبعد ماخلص من الإستخارة حس روحه ارتاح لرأي فيــصل..
وطلع للبلكونه مرة ثانيه...جاء فيــصل من وراه..
فيــصل: بوووووووووووووووووووه
الوليــد: حسبي الله عليك روعتني شتبي؟؟
فيــصل: ماتستحي رجال بطولك بعرضك وتقول روعتني بكره لا تزوجت ريــم كيف بتحميها لا أنا مااابي أزوج أختي لولد بنوت
الوليــد: أحد طلب رايك بالولد البنوت؟؟
فيــصل: طيب شـــتــفكر فيه؟؟
الوليــد: والله يا فيــصل تعبت من التفكير تعبت تجمعت علي من كل مكان من موضوع ريــم و موضوع ماجد ماأدري وش أسوي..
فيــصل: والله أنا ماكان ودي أفتح معك موضوع ماجد بالوقت هذا وعارف أنا إن هالوقت مو مناسب بس يوم شفت حالكم أمس عزمت أفتح الموضوع معك وأحسه مو قابل للتأجيل أبد..
سكت الوليــد وصار يطالع شروق الشمس.. كان شكل الشمس حلو نثرت أشعتها البرتقاليه على جزء من الأرض..
الوليــد: تعرف يا فيــصل أحس إني أول مرة آقف بالحيرة هذي حتى خوالي يوم غصبوا علي الزواج ماكنت أبد بالحيره هذي..أحس مطولها هالليله عيت تخلص يا فيــصل عيت ..
تنهد الوليــد وطالع الشمس وضيق فتحت عيونه عشان لاتأذي أشعتها عيونه..وقال: أول مرة أحس إني ضعيف أحس إني مو قادر آخذ قرار... فيــصل أنا الله ماكتب لي أعيش مع أهلي بس عشت معكم حسيتكم أهلي شفتكم معي بالشده والفرحه..لكن أنا الحين أحس روحي وحيد ولازم أتخذ القرار بنفسي أحس الموضوع مو بالصعوبه هذي بس أخاف أستعجل..مدري أخطب ريــم بكره مدري بيصير الوقت مناسب..مدري أبدأ مشوار الموضوع مع ماجد مدري بيتقبلني على سوء العلاقه السابقه معي فيــصل أحس إني حيران من جد حيران..
التفت الوليــد على فيــصل يوم مالقى رد منه..لقاه أسند راسه على الكرسي ونام..
قال الوليــد بعد إنت وجهك وجه أحد قاعد يتشكى لك قوم إنت ووجهك..قوم اذلف
بالصراحه فيــصل ماكان نايم كان مغمض عيونه كان يبي يسمع الوليــد للآخر ويبي يشوف كيف بياخذ قراره وهو بالحيره هذي..بقلبه كان يتقطع على الوليــد فتح عيونه فيــصل وقال مانمت أنا معك بس كنت بشوف وش بتسوي لا شكيت لي ولا رديت عليك كأني الخلق اللي بيد ماجد ودي أساعدك ياولد عمي ياأخوي بس إنت لازم تحس بالمسؤوليه لازم تأخذ قرارك بنفسك يا الوليــد أنا ماأضمن لك إني أعيش لك مكن أنا الله ياخذني مثل ماأخذ منك أمك وأبوك وأختك وسلطان ممكن الله ياخذني وأنا مابعد شفت عيالك ممكن الله ياخذني وأنا جالس جنبك..ممكن أروح مثل ماراحت الخاله أم ابراهيم..يومها ماينفعك تمسك خلقي وتشكي له شفت يا الوليــد بنفسك كيف انقهرت يوم شكيت ولا رديت عليك مع إني أسمعك فما بالك باللي يشكي على خلق وبيقينه عارف إن هالخلق لا بينفعه ولا يضره.. الحين أنا بتركك تختار..وبسمع إختيارك..
الوليــد بقلبه والله وكل ماقلت كلمه زياده تكبر بعيني يا فيــصل ياربيييه فكره كبير بالنسبه لعمره اللي ماتجاوز 17 سنه..الله يحرسك..
قام فيــصل وترك الوليــد بحيرته تعب الوليــد من التفكير..وبعد طول تفكيرتوصل
لقراره..وقال بحاول أساعد ماجدوبخطب ريــم آخ يا ريــم لوتدرين انك عيشتنيني كل هالحيرة
وقام واقف وحط ايده على سياج البلكونه شاف الساعه كانت الساعه 7 الصبح حس انه مافيه نوم وكان وده لو يروح يقوم عمه ويقول له عن الموضوع بس اتجه لـفيــصل..
الوليــد: فييييييييييييصل قم نروح نفطر
فيــصل: أحد يفطر الساعه 7؟؟
الوليــد: أجل متى يفطرون العالم؟؟
فيــصل: مادري يفطرون 2 الظهر بنام اذلف بس اذلف
الوليــد: فييصلوه بتقوم ولا بتقوم؟؟وغصب بتقوم لأن مالك خيار رابع
فيــصل: مابقوم ماراح أقوم واذلف قبل اذبحك
الوليــد مسك المخده ورماها في وجه فيــصل ويقول: قم يكفي نوم بس نوم ماعندك غيره

فيــصل: رووووووووووووح عني خلني أنام
الوليــد يسحب اللحاف من على وجه فيــصل ويقول: فيــصل يلا عاد قم
فيــصل وهو يرجع اللحاف على وجهه ويقول: ياإنك تروح ولا إنك تروح
الوليــد: أممممم ممكن استعانه بصديق؟؟قم تكفى بعلمك
عن آخر قراراتي يلا بسررررعه قبل أهون..
فيــصل قام من النوم وجلس متربع ويقول: عاااااااااجبك يالمصدر الإزعاجي؟؟
الوليــد أشر براسه وهو يقول: إيييييييييييه كله نوم لازم تتعود الكدح والعمل يلا
فيــصل: آخ ذكرتني بالنمله الؤوبه بس الحين آمرني شتبي؟؟
الوليــد: أمممممم تقوم نروح نفطر شرايك؟؟
فيــصل: ومقومني من النوم عشان فطور ياحبك لبطنك اذلف بس(ويرجع فيصل ينسدح)
الوليــد: لااااااااااااااااااا قم يلا نروح والله بنستانس
فيــصل: أوووووف والله طيرت النوم من عيني بس يلا بروح أتسبح وأبدل
الوليــد: أممممم طيب يلا على مابال أصحي ماجد وعبود يجون بعد معنا
فيــصل يضحك ويقول: ياسلااااااام على التطبيق أمداك توقعتك تأخذ وقت بالتفكير؟؟
الوليــد: لا ليش آخذ وقت لازم أساعد اللي حولي ممن يحتاجون العون معا لمستقبل واعد
فيـصل طايرة عيونه ويقول: اليوم انت منت صاحي شهالمستقبل الواعد على غفله؟؟؟
الوليــد: شيفهمك يالدلخه إنت؟؟؟قم بس يابعد دجاجتي
فيــصل: لا وبعد يابعد دجاجتي على بالك تعرف بالكلام الحلو تراك سعودي سعودي وش ماسويت يطغى عليك العرق أما بعد دجاجتي هذي رووووعه مو قادر تقول يابعدي مثل القصمان؟؟ ولا ياروح أقلبي مثل اللبانيين ولا حياتو مثل السولريل
الوليــد: أقول عطيتك وجه قم بس لابعد شوي تقول لي عادات الشعوب بالكلام الحلو بعد
فيــصل وهو يقوم من فراشه ويتجه لدورة المياه ويقول: بخاطرك ياحياة التيس إنت
الوليــد: خاطرك معك ياحبيب البقرة بروح أصحي العيال الله يعينني
وراح الوليــد وأقام حرب داحس والغبراء فوق راس عبود وحرب البسوس فوق راس ابراهيم وبعد ماوصل راس ماجد احتاس هل يقيم الحرب العالميه الثالثه ولا يكتفي بما سبق حقنا لدماء المسلمين؟؟
الوليــد: مااااااااااااااااااااااااااااااااااااااا اااااااااا ااااااااااااااااااااااااجد قم يلا
ماجد طايرة عيونه ويعركهن ومو مستوعب من اللي يصحيه
الوليــد: صحيت؟؟ يلا بسرررررررررعه
ماجد: شالقصة؟؟
الوليــد: القصة وما فيها إني عازمكم بالمطعم على فطور وإنت أول المعازيم..
ماجد ويتكلم بكل جديه: ليش تعزم على كيفك حنا؟؟؟
الوليــد بقلبه صدقت يا فيــصل والله ياهو فظ بالتعامل على كذه يبيلنا مشواااااار وتدارك الموضوع وقال: يلا بس إنت قم بدل ولا عليك أنا حبيت أعزمك وأعزم العيال بعد
ماجد وهو مو مستوعب اللي يصير: طييييييييب بتسبح وأبدل..
وبعد نصف ساعه كان الكل متجهز وبالصاله ينتظرون الوليــد..
ابراهيم: وليدوه الناس يعزمون وينتظرون المعازيم حنا ننعزم وننتظر اللي عازمنا
الوليــد: زيييييييين يلا لنطلقوا بس أقولكم خففوا الفطور مو زين الأكل الواجد على الصبح
فيــصل: لا ماعليك أنا زين لي الأكل الواجد على الصبح بس مو زين على جيبك بس غلطة الشاطر بألف مااحد ظربك على إيدك تعزمنا عزمتنا بإختيارك
وطلعوا الشباب من الشقه وراحوا لأقرب مطعم للفندق وطلبوا اللي يبونه وأفطروا وراحوا جلسوا بالحديقه القريبه من الفندق..جلسوا على شكل دائرة وهو يسولفون..كان الوليــد يسولف مع ماجد مغصوب ويحس روحه مو طايق الفكرة ويقول أنا شعلي منه بس يرجع ضميره يقول له الا عليك ولد عمك ويحاول يبتسم بوجهه ويسولف معه..ومشغل باله فكرة الخطبه وأحيانا يفلت ويسرح ويفكر بالموضوع بس ياسرع مايرجع لهم..
ماجد كان مبسووووووط الا متشقق حس ولأول مرة بأهميته بين العيال..
فيــصل كان فرحان بـالوليــد وفخور فيه بنفس الوقت بس النوم كان يغلبه ووده ينام
عبود ماكان يفوت شيء ويسجل كل حركه ومنها استنتج الكلام اللي دار بين فيــصل و الوليــد أمس بالغرفه..
ابراهيم لا تعليق كان مستغرب الوضع بين الوليــد و ماجد ومو عارف شاللي صلح حالهم
عبود: وليدوه بسألك سؤال ؟؟
الوليــد بقلبه الله يستر من أسئلتك والتفت على عبود وقال: اسأل بس لاتطول..
عبود: أمممممم أكتب لي مذكره تاريخيه عن شعورك وأنت بتخطب اليوم؟؟
ماجد تفاجأ بالموضوع وقال: من جد بتخطب؟؟ ومن سعيدة الحظ؟؟
الوليــد وكان الحيا مبين عليه ويقول بقلبه أوووه ياعبود ليش الإحراج؟؟ بس تدارك الموضوع وجاوب ماجد وقال: ايه بكلم أبوي اليوم يخطب لي ريــم
ماجد: ماشاءالله مبرووووووك مقدما
الوليــد: الله يبارك بعمرك والعقبال لك
ماجد: لا أنا لا من قال لك إني أبتزوج العقبال لابراهيم ان شاءالله
ابراهيم: والله مو شينه لا ضمنت مستقبل أختي أدور لي بنت الحلال
فيــصل: لا صعبان علي حالك ياابو الشباب أما تضمن مستقبل أختك مع الوليــد لا تراك غلطان أنا ماأضمن مستقبل البنيه
الوليــد وهو معصب: ليييش وش قصدك يعني
فيــصل: ماأقصد شيء بس إنت والله للحين ماكملت دراستك ولا حتى توظفت أصلا
الوليــد: أبوي مايقصر..
فيــصل: الى متى مايقصر لا بغت زوجتك فستان بتروح تطلب فلوس من أبوك؟؟
عبود: لاتضيعون السالفه وش شعورك يا الوليــد؟؟
الوليــد: أمممم شعوري شعور أي مواطن سعودي بيكفخك الحين اذلف بس تعرف الشعور لا بغيت تخطب إنت ووجهك وبتشوف كيف هالشعور..
عبود: أفااااا... بينما البقيه كانوا مو قادرين يعلقون من الضحك..
الوليــد: أقووول الساعه 9.0 تهقون أبوي قام أكيد قام وبروح أكلمه؟؟
ابراهيم: اهجد بس خله يقوم وياخذ له نفس قبل تطمر له
الوليــد: أقووووول مشينا يلا نروح بس القعده هنا مامنها فايدة وخمس دقايق ثانيه وبطق منكم ومن غبائكم؟؟
فيــصل: أبي أنااااام يلا بنا عالغرفه ماأقدر أصبر
الوليــد: ياحياة البقرة وين تنام أنا بخطب وإنت بتنام؟؟لازم تكون معي بالحظات العصيبة..
ماجد: الله يكون بعوني من بيكون جنبي باللحظات العصيبه؟؟
الوليــد: كلنا جنبك بس إنت آمر وحنا ننفذ..
ابراهيم وهو يرفع ايده للسماء ويقول: الله يجزاك خير يا ريم الولد عقل بعد ماقرر يخطبك
ماجد طااايرة عيونه ويقول بقلبه شالطاري عليه هذا...
فيــصل بصوت منخفض للوليد: عندي طرق للاقناع فضييييعه
عبود: شهالرومانصية؟؟
وبعد هالموقف قاموا العيال يتمشون ورجعوا للغرفة على الساعة 10.0 تقريبا..
الوليــد: شعوره كان لا يوصف مو مصدق عمره وطاير من الفرحه وينتظر اللحظه اللي يقابل فيها عمه على أحر من جمر وبقلبه كان يدعي لعبود اللي أوحى له بالفكرة..
ماجد كان مبسوط وفرحان وبنفس الوقت مستغرب من اللي يصير
فيــصل النوم مو تاركه لحاله
ابراهيم فرحان لأخوه وفرحان لأخته بنفس الوقت..
وبعد ماوصلوا العيال للفندق انطلقوا لغرفة العم ابو ابراهيم..
الوليــد: ياربيييييه أحس قلبي بيطلع من محله..
فيــصل: ياربييييه أحس عيوني بتطلع من مكانها أبناااام
ابراهيم: الولد بعالم آآخر
طقوا العيال باب الغرفة وفتحت لهم أم فيــصل..
أم فيــصل: خير ياعيال شاللي مقومكم بالوقت هذا
الوليــد: مانمت أصلا..
فيــصل: وأنا كنت نايم بس هم صحوني وأزعجوني
أم فيــصل: وش فيكم يالعيال طيحتوا قلبي؟؟
ابراهيم: مافينا الا كل خير ياخاله بس وليدوه قرر يدش القفص العصبي على هالصبح..
أم فيــصل مستغربة وتظنها لعبة من ألاعيب العيال: زين تفضلوا حياكم أبوكم وعمكم بالصالة
ابراهيم: كملت فيه عمي بعد وش جابه على هالصبح؟؟
أم فيــصل: كل يوم أصلا نفطرا سوا بس أنتم مو دارين عن شيء..
دخلوا العيال ولقوا أبو ابراهيم وابو سلطان في الصالة..
ابو ابراهيم: حياالله من لفانا شالطاري عليكم الصبح فيكم شيء؟؟
ابراهيم: لا يبه مافينا الا كل خير بس متولهين عليكم..
ابوسلطان: عيني بعينك أشوف.. ماظنيتكم كله وله علينا
الوليــد يهمس لـفيــصل: تصدق العيون بالوراثه حتى عبود كل شوي يقول عيني بعينك
فيــصل: أقووول خلص موضوعك وخلنا نروح ننام بس..
ابو ابراهيم: تفضلوا ياعيالي اجلسوا..ورفع صوته شوي وقال ياأم فيــصل هاتوا فطور للعيال
الوليــد: لا يبه أفطرنا قبلكم بس بغيت أكلمك بموضوع
ابو ابراهيم: قول ياولدي شعندك؟؟حلمان فيني؟؟
الوليــد يهمس لـ ابراهيم: ساااااعدني انت وهالوجه قل معي كلمتين..
ابراهيم: أستحي
الوليــد: أنا وش له جايبكم جيش عشان تستحون؟؟
ابو ابراهيم: قل ياوولدي شفيكم شفيه وجهك صار يتقلب؟؟
الوليــد: يبه أممممم أنـــــــــــا... أنــــــــــا
ابو ابراهيم: ايه إنت شفيك؟؟
فيــصل وهو يتريق ويقلد نبرة صوت الوليــد: يبه..أنـــا..أنــا يبه أنا أحبك..
الوليــد: بااااااااااااايخ
ابو ابراهيم: شفيك يا الوليــد قل شعندك..
الوليــد: يبه بدش بالموضوع على طول..
ابراهيم: كل ذا وتوك تدش بالموضوع؟؟
الوليــد: مردووووووده لك يا ابراهيم بخطبتك ان شاءالله
ابو ابراهيم: وشو ابراهيم بيخطب أبركها من ساعه بس الوليــد شاللي دخله؟؟؟
ابراهيم: لا لا لا لا لا لا لا لا هو اللي بيخطب
الوليــد: ايه أنا اللي بخطب
ابو ابراهيم: أبركها من ساعه ياولدي بس بالوقت هذا؟؟
الوليــد: ايه شفيه هالوقت
ابوسلطان: خلك من أبوك قل لي من هي سعيدة الحظ؟؟
الوليــد: أمممم هي ريــم بنت عمي عبدالله
ابو ابراهيم طايره عيونه ويقول: أبركهااا من ساعة والله مابلاقي أحسن من ولدي لبنتي بس رأي البنت قبل كل شيء..
الوليــد: لا هي موافقه..
ابو ابراهيم: نعم وش يدريك إنت

الوليــد: لاااااا قصدي يارب توافق..
ابو سلطان: أثاريك منت سهل..ياوليد
شوي الا دق باب الغرفة..
ابو ابراهيم: من جاء بالوقت هذا معقوله البنات..واحد منكم يالعيال يقوم يفتح
ابراهيم قام بيروح يفتح..
الوليــد: خلك أنا أروح.. واتجه الوليــد للباب بيفتحه..
فتح الباب وتفاجأ كانوا البنات..وديمه ونهلا بالمقدمه.. وعيون الوليــد كانت تدور بين البنات.
ديمـــه: لا تخاف ريــم ورانا بتجي بعد شوي بس إنت وش مسوي لها عجزت تنام الليل كله..
الوليــد: أمممم ولا شيء بس حتى أنا مانمت الليل كله والحين أنا مواصل..وكنت أغني يا مسهر عيني حبك على عيني يامحير قلبي روحي فداك جنبك خليني قربك يواسيني ياحياتي وروحي أنا بهواك..
ديمـــه: نععععععم وش حادك ماتنام وتقعد تغني؟؟هذا اللي يسمونه الانفصام الليلي..
الوليــد: خخخخخخ ادخلوا أهلي بالصاله معكم شهلا خلي فيــصل يصحصح شوي لأن عيونه تصافق فيه نوم..
شهلا مررررة مستحيه وهي تقول: ايه موجوده
الوليــد: زين انك موجوده الحقي على رفيقك قبل ينام..
دخلوا البنات على أبوهم وعمهم وسلموا عليهم.. فيــصل ومثل ماتوقع الوليــد صحصح من النوم وصار يسولف معهم ولا كأنه قبل شوي ينود..
أبو ابراهيم: أجل وين ريــم و لينـا
نهلا: الحين بيجون لينا كانت تسبح وخلينا ريــم تجلس معهاعشان يجون مع بعض
الوليــد: لييييش على كيفكم تهكون عليها وتخلونها المسيكينه مو على كيفكم بوريكم قريب
ابراهيم: أقووول يالحبيب ماتلاحظ إنك نسيت روحك..
الوليــد:هاااااااااااه لا بس أنا إنقهرت منهم ولا يرضيك يا برهوم..؟؟
ابراهيم: لا مايرضيني بس مايرضيني تدافع عن أختي وأنا وأبوي بطولنا عندك..
الوليــد: أووووه متى أتخلص من منتك فوت ياشيخ فوت
ماجد وحاب يحرج الوليــد: قوموا يالعيال يلا نروح ننام يلا الوليــد إنت فيك نوم
الوليــد: لا مالك شغل بقعد
العيال وحابين يحرجون الوليــد قاموا وقالوا لا يلا بنروح ننام..حس الوليــد موقفه بايخ وقام مجبر وسلم على عمه وهمس بإذنه اليوم كلمها تكفىىى
ابو ابراهيم: يصير خير..رح نام بس إنت وما يصير الا كل خير ان شاءالله
ومن طلع الوليــد من عندهم الا وهو يحظرم ويحرطم على العيال ويقول: ليش تطلعون وش هالنجاسه وأنت يا فيصل قريح ليش ماقعدت مع شهلتك؟؟
ماجد: نعععم شاللي يجلس مع شهلته وقالوا لك بخليهم أنا؟؟؟
وفتح الوليــد باب الغرفة بيطلع بعصبيه ويقول: ليييش كذه وش هالنحاسه..
ولقى بوجهه ريــم تلخبط وتلون وجهه بوجيه الطيف وقال: صباح الخير بنات..
لينا: وين صباح الخير وأنت تهوش في وجيهنا
الوليــد: عذرا خطأ مطبعي بس صباح الخير وحقكم على راسي
ابراهيم: أقووول امش بس ترااااااااااااااك طولتها..يلا بنات ادخلوا أبوي ينتظركم
ريــم: صباح الخير يا ابراهيم عاش من شافك يالقاطع..
ابراهيم: صباحك ورد تعيشين
الوليــد: أفااا يا ابراهيم أحد عنده هالأخت ويقطع فيها
فيــصل: أقووول عاد ترا ودي أذبحك يا الوليــد
الوليــد: شسويت أنا ليش كذه أنتم علي..شفيييكم؟؟
ريــم: بخاطركم بدخل جوا ماأنتم داخلينتقعدون معنا شوي؟؟
ابراهيم: لا مرة ثانيه..
الوليــد: أنا بروح معكم ماقعدت مع أهلي زين..وأقفا الوليــد بيروح..ومسكه عبود مع بلوزته وقال: تعااال يالحبيب بنروح ننام تعال
الوليــد: أففففف الله يكفينا شركم يالحساد بروح
ابراهيم: كل تبن بس بنروح
لينـا+ريــم دخلوا للغرفة ولينا تقول لريم: تصدقين أحس الوليــد وراه سالفة كبيرة حركاته اليوم مش ولا بد الولد متلخبط ومو قادر يشيل عيونه عنك وصاير قوي عين يتغزل عيني عينك.. لا يكون خطبك وحنا ماندري..
ريــم: لااا كان عادي ومالاحظت شيء غريب عليه..
سلموا البنات على عمهم وأبوهم..وشوي الا صوت مسج وصل لريم بس هي مافتحته على طول..وكملت سواليفها مع عمها وأبوها وبنات عمها وخواتها..
ابو ابراهيم قام من الصاله وقال: ريــم بغيتك تعالي للغرفة بكلمك..
ريــم: آمرني يبه شتبي..
ديمـــه+نهلا يتناظرون ويتضاحكون وكأنهم حسوا بالسالفة..
قامت ريــم وأبوها للغرفة الوحيده بالشقه..جلس أبوها على السرير وجلست هي جنبه..
ابو ابراهيم: والله وكبرتي يا ريــم..
ريــم والقلق واضح في عيونها: تسلم يالغالي..
ابو ابراهيم: اليوم جاء لك خطيب..
ريــم: ..........؟؟؟؟؟؟؟؟؟؟؟؟؟؟؟؟ وبقلبها تقول ماآخذ غير الوليــد طال عمري ولا قصر..
ابو ابراهيم: ماسألتي مين سعيد الحظ؟؟
ريــم: مييين؟؟
ابو ابراهيم: الوليــد...
ريــم استحت وطمست راسها..
ابو ابراهيم: وصراحةيا ريــم أنا قلت له مابلقى لبنتي أحسن من ولدي لكن الرأي رأي البنت وبأخذ رايك الأول..
ريــم: أخوي ابراهيم وش رأيه
ابو ابراهيم: أنتي مالك بأخوك ابراهيم أنتي لك برأيك وبس فكري وخوذي وقتك يابنيتي ابو ابراهيم: وردي لي بس لا تطولين بالرد..
ريــم وخدودها مثل الكرز من الخجل: ان شاءالله.. يبه
طلعت ريــم من عند أبوها وشالت شنطتها وهي مازالت بنوبة الحياء الأولى..
ديمـــه: تعاااالي وين رايحه؟؟
ريــم: برد للغرفه بتجون معي ولا أروح لحالي؟؟
ديمـــه+نهلا: لاااا بنجي وحنا نقدر نفوت؟؟
وقاموا بسرعه ولحقوا ريــم وهي عند الباب..ومن طلعوا من الغرفة وهم بإستجواب مع ريــم
ديمـــه: عااااااد ريــم لا تصيرين بخيله بالدرجه هذي..
ريــم: بخليكم شوي تحترقون ووقتها يكون خير..
وصلت ريــم وربعها الغرفه فتحت الباب على طول رمت روحها على الكنبه وتنهدت بصوت عالي وهي تبتسم..
ديمـــه: ايش ياعم لا السالفه فيها إن.. تكلمي قولي قبل أسويها وأدق على الوليــد
ريــم: أخ منك هذاك داريه ليش تسألين
ديمـــه: لااا بسمعها منك..
نهلا: ريامي عاد تخبين عني..
ريم عدلت جلستها طيب بقولكم وأنا أقدر أسكت عن خبر مثله؟؟
ديمـــه: تعالي لينا وشهلا اسمعوا الإعتراف الخطير
لينـا: مع إني ماأحب التطفل مثلكم لكن كلي آذان صاغيه..
نهلا: أممم أنا أعتقد الخبر واصل عند شهلا من قبل صح؟؟
ريــم: بتسكتون أقول لكم ولا لأ ؟؟؟
نهلا: الااا قولي بسرررعه..
ريــم وعادت لها نوبة الخجل وعضت على شفايفها: أمممم الوليــد خطبني..
ديمـــه: دارين بس نبي التفاصيل هاتيهااا بسرررعه
ريــم: أوووه عليك يالملقوفه ماكو تفاصيل الوليــد خطبني وبس!!
ديمـــه: طيب شهلا تعالي ياعمري
شهلا: شعندك؟؟؟
ديمـــه: قومي دقي على فيصلوه هاتي التفاصيل..
شهلا: لا مابدق والتفاصيل عندي ومابقول..
ديمـــه: آآآآخ من هالمذله بس أراويكم يوم خطبتي ماأعلمكم بالتفاصيل أبد
نهلا: إيه وقتها أكون مع عريسي ولا أبغى تفاصيلك..
ريــم مسكت شنطتها وطلعت جوالها بتشوف الساعه وهي تقول: حبيبتي ديمـــه يوم خطبتك مابكون فاضيه لك تدرين ليه؟؟
ديمـــه: لا يابعد أمك ماادري ليه؟؟
ريــم: لأنـــه... وقطعت كلامها وشهقت..
ديمـــه: شفييييييك؟؟
نهلا: اسم الله عليك وش القصه؟؟
ريــم: فيـه مسج مسـ.. ج وانقلب لون وجهها للأحمر
ديمـــه: طيب والا صار... مسج افرحي فيه من يراسلك مو مثلي خلف الله علي..ماكو أحد
نهلا: هااااتي أشوووووف من شاف هالخدود مارجاء خييير منك..وبعد ماأخذت من ريم الجوال ضحكت بقوة وقال: الله الخبر واصل لها طازة أنتي خاطبك Cnn على غفلة؟؟
ديمـــه: شفيكم؟؟؟ هاتي الجوال بعرف شالقصة( وسحبت الجوال من نهلا) وقرأت المسج
لينـا: أنتي وياها ماودكم تعلمونا شالمسج؟؟
ديمـــه: الاااااا ماأقدر أصبر أحس بحكة يقولك المسج ياطويلة العمر((هاااه شرايك بالمفاجأة إن شاءالله أعجبتك؟؟))باين إن الوليــد قاطها ميانه يا ريــم
ريــم: مااااااااالك شغل مو خطيبي؟؟( وسحبت الجوال من ديمـــه))
ديمـــه: الله بالسرعه هذي صار خطيبك؟؟؟ تو الناس؟؟
ريــم: بقووم أنام بخاطركن بدكن شيء؟؟
نهلا: يحق لك تنامين نومه هنيه مو ظامنه مستقبلك.. ياعيني يا إحنا اللي ماذقنا لذيذ المنامي
ريــم: أوووه شمعجلكم ياعوانس صبر يجيكم رزقكم..وتبلون رجالكم بشيباتكم!!
نهلا: الا هالبزر شهلا من بكره فيــصل بيخطب أكييد مو لقى اللي يشجعه؟؟
ريــم: والله بقووم أنام الحكي معكم خااالص..
أبو ابراهيم: تدرين يا أم فيــصل شكان يبي المفعوص وليــد؟؟؟
أم فيــصل: لا والله شكان يبي؟؟
ابو ابراهيم: قرر يخطب!!
أم فيــصل: طيب أبركها من ساعة بس بالوقت هذا غرييب طلبه..
ابو ابراهيم: اسألي مين العروس؟؟
أم فيــصل: أممم ريــم..
ابو ابراهيم: هو قايل لك؟؟
أم فيــصل: لا بس توقعت!!صح توقعي؟؟
ابو ابراهيم: ياساتر منك ايه صح!!!
أم سلطان: ماشاءالله والله والعيال كبرت؟؟
ابو ابراهيم: إيييه والله يا أم سلطان بس المهم الحين موافقة العروس..
*************************************

نهلا: ريمووووووووووه قووووومي يكفي نوووم دخل وقت صلاة العصر الحين؟؟
ريــم: زين خلاص صحيت لا تزعجيني..
وقامت ريــم قامت من فراشها ودخلت دورة المياه..
ديمـــه: أموووت وأعرف شمسوي هالمقرود الوليــد الحين
نهلا: شمسوي يعني تلاقي الأرض مو شايلته من الفرحة ذكري ربك بس
ديمـــه: بدق عليه بشوووف شمسوي فارس أحلام ريــم
نهلا: إيييه فديتك دقي شوفي نفسي أضحك شويه
ديمـــه مسكت جوالها ودقت على أخوها فيــصل..وحركت حواجبها بإستغراب!!!
نهلا: شبلاك شفيه جوال أخوك؟؟
ديمـــه: جواله مقفل!! غريييييييبه
نهلا: زين دقي على فارس أحلام ريــم بعينه نشوف شأخباره..
ريــم: إحم إحم مو كأني سمعت طاري إسمي؟؟شتآمرون عليه؟؟
نهلا: جينا في سيرة القط جانا ينط.. بندق على فارس أحلامك نشوف شأخباره؟؟
ريــم: نععععععععم وأنتي شدخلك فيه؟؟
ديمـــه: أمممم تراكم للحين ماملكتوا عشان كل هالغيرة
نهلا: قصدك للحين ماعطته الموافقه أصلا..
لينـا وهي جايه للبنات: الله يهداكم بس وهذي يبيلها موافقة ماالموضوع باين من عنوانه!!
ريــم: أووووه ياشييين تغشمركم!! بايخيييييييييين بقوة بعد
شهلا: الله يكون بعونك..
ديمـــه: بدق على الوليــد بس بلا صجتكم"" ومسكت جوالها ودقت على الوليــد"" وبعد ماطول يدق رد الوليــد وكان واضح على صوته الثقل..
ديمـــه: هلا الوليــد مابغيت ترد؟؟
الوليــد: إيه كنت نايم والحين شتبين؟؟
ديمـــه: بشوف شأخبارك وأبارك لك بالأخبار الحلوة اللي سمعناها..
الوليــد: الله يبارك بعمرك بس مو بالأول ناخذ موافقة العروس؟؟
ديمـــه: أفاااا عليك ياوليد مايبيلها أنا من الحين أقدر أقول لك مبروك العروس مواقفة
ريــم كانت تأشر لـديمـــه من بعيد وتقول بذبحك أنتي مسحوبه من لسانك؟؟
الوليــد: صدق والله ؟؟
ديمـــه: بتقنعني أنك ماتدري قل غيرها مو علينا هاللعب الماصخ
الوليــد: طيب خلاص سلمي لي على ريامي..
ديمـــه: ريــم ترى الوليــد يسلم عليك كثير السلام ويقول ولهاااان عليك ياحياتي
ريــم تحول وجهها للأحمر وكان ماقدامها غير نهلا تقبصهاوتقول: الله يسلمه
ديمـــه: تقول لك ريم الله يسلمك حتى أنا ولهااانة عليك وتقول بعد.. أميري وينها أرضك..بوصل قصرك المسحورأبي موتي على صدرك أموت برجفته ودفاه..
ريــم تضرب ريم بالفوطة وتقول: يابكاشة أنا أقول كذا ولا بنات أفكارك هي اللي تقول كذه؟؟
الوليــد: بل كل هذا من ريم حشا أنا ماخذ شهرزاد؟؟هذي قصة مو كلمة حلوة؟؟ قولي لها أنا أقول مثل ماقلتي.. الصراحة ماعندي شيء حلو..
ديمـــه: خليجي ماعليك شرهه..
الوليــد: أممم طيب الحين أنتي شتبين داقه؟؟
ديمـــه: ماكنت أبيك كنت أبي فيــصل بس قلت أحول عليك منها أعرف ليه جوال فيصل مقفل ومنها أحرجك شويه مع ريــم وأحرج ريــم بعد
الوليــد: أهاااا زين فارقي الحين بس كم الساعة راحت علي نومه من الصبح
ديمـــه: الله الحين الساعة 4 والله يا ريــم تسوي شيء مايتسوى اللي خلتك كل هذا نايم!!
الوليــد: زييييييين بروح أقوم العيال ونصلي وخلونا نشوفكم عند الوالد لكن أنتي مو ضروري تجين تقعدين لنا بالحلق بس ريم وشهلا الحين حسيت بمعناة فيصلوه..

ديمـــه: أهاا أوكيك أنا أول الحاضرين
الوليــد: بااااااي
ديمـــه: بايات... وقفلت الخط من الوليــد وهي تضحك عليه وعلى المقلب اللي سوته في ريــم
ريــم: إيييه أضحكي أضحكي شعليه يالعمه مبسوووطه ولا في بالك قولتين شيء ماقلته
ديمـــه: أبي مصلحتك صراحة خطيبك ما عنده غير الدجه ومو عارف كلمتين حلوتين على بعضها فخليني أعطيه كورسات عشان لا أخذتيه ولا هو بالقليل يعرف يعبر عن الحب!!
ريــم: حب بعييييييينك لا عاد تسوينها...
نهلا: زين خلونا من كل هذا ريم متى بتردين على أبوي بالموافقة؟؟
ريــم: أممم أتوقع بكره
ديمـــه: آه على فكرة ترى الوليــد يقول بيجي بعد شوي لشقة أبوي ويقول خلونا نشوفكم..
لينـا: أكيييييييد مو لنا كل هالوله أكيد لريم
ديمـــه: أكيد ولا بعد يالحبيبه؟؟

...............بالوقت هذا وفي شقة العيال..........
الوليــد صحى العيال من النوم وبحيلة قال لهم أن أبو ابراهيم وعمه دقوا عليه يقولون له يبون يشوفون العيال اليوم..وبيتعشون سوا..ومجبرين العيال قاموا من النوم وصلوا..
والتقوا البنات والعيال في شقة ابو ابراهيم..
وضع ريــم كانت لا تحسد عليه كانت حتى مو قادرة ترفع عيونها عن الأرض..
فيــصل وهو حاب يحرجها شويه: ريامي أممم شكلك أحصيتي عدد بلاط الشقه ولاأناغلطان
ريم: ابتسمت لـفيــصل وهي مو عارفة شترد عليه..
نهلا: الله يهداك يا فيــصل لا غلطان أكيد.. ريم تناظر الأرض صح بس مو تعد البلاطات هي تفكر بشيء ثاني أكيد ولا ياريم؟؟(( وتغمز نهلا بعينها))
ريــم: بكيفك أنتي وياه سووا اللي تبونه أنا بروح البلكونة.. ويوم تخلصون من تريقتكم الماصخة.. بروح السوق..((وقامت ريم للبلكونة وكان الضيق من مزحهم واضح عليها))
الوليــد: زين كذا ضيقتوا صدر البنت؟؟
فيـصل: وأنت شكو هي اللي ضاق صدرها ولا أنت يازينك ساكت بس..
ديمه: زين شرايكم تودونا السوق عشان ريـم يستاسع صدرها؟؟
الوليــد: آآآآخ منك أنتي تستغلين عطفنا عليها..
ديمه: بكييييييفك الخسارة لك يالحبيب
الوليــد: زين شرايكم عيال نوديهم للسوق؟؟
فيـصل: أمممم يالله وش عليه نودي للسوق..
ابراهيم: فكرة مو شينة منها نوسع صدورنا ومنها نشوف لنا بدل,,,,, تخاوينا مـاجد؟؟
ماجد: اييييييه أكييييييد
فيـصل يهمس لوليد: شجابه هذا لاحول ولا قوة إلا بالله مكتوب علي ماآخذ راحتي أبد بالسفرة
الوليــد: عندي لك فكرة بدل الروحه لبكره يوم يكون هالرجال فك عنك!!
فيـصل: أقووول عيال شرايكم نأجل الروحة لبكرة
ابراهيم+ماجد: لا ليش بكره اليوم..بكره يمكن ننشغل
نهلا: يحيا العدل هيييييييييه
ابراهيم: زين يالخبلا نهلا دام انك مبسوطه كذه قومي نادي أختي وقولي لهاأننابنروح السوق
نهلا: خبلا بعينك بقوم أناديها بس مو عشانك لأ عشاني أبي لها الخير
الوليــد: لاااااااا خلك هنا بروح أنا أناديها... تسمح لي يا ابراهيم؟؟
ابراهيم: خذ راااحتك بس مومرة
عبود: أحم أحم ماكأن ماكو أحد عزمني؟؟
فيــصل: أفااا أنت مايبيلك عزيمة بتعزم روحك خلقة؟؟
عبود: الله يسلمك
الوليــد: بالأذن بروح أشوف ريــم..
واتجه الوليــد لريم في البلكونة..وأول ماأقبل عليها سمع ضحكتها استغرب من سبب هالضحكة القوية لكنه بعد مافتح الباب لقاها تكلم في الجوال..وقف وراها شوي يتسمع..كانت تقول..
_ والله من جد..حتى أنت لك وحشة..هنا الوضع يطفش حيل بالله عليك أحد يخطب بسويسرا؟
_ تصدقين أنا ولد عمي واللي وجهه بوجهي 24 ساعة توه يفطن يخطبني يوم جينا هنا؟؟
_ لا لسه ماأعطيت الموافقة أنا خايفة صراحة من هالكلمة..
_ لا والله ياأروى خايفة أعطيه الموافقة يكون حبه لي فقط طيش شباب وفترة وتزول..لا تنسين يا أروى أنه ماكد شاف بنيه من قبل وأنا طلعت له في حياته فجأة وأكيد وحدة وجهها بوجه وغريبه عنه أكيد بيميل لها.. وأخاف ماأوافق أخسر حب عمري!!
ابتعد الوليــد شويه للخلف ومسح دمعة حارقة من عيونه وسوى حاله كأنه توه جاي تنحنح وقال: ريــم يالله بنروح للسوق لعيونك بس بنروح..
ريــم كأنها تلخبطت شويه وقالت لصديقاتها: أكلمك بعدين باي باي..والتفتت للوليد
الوليــد: هاه شقلتي تروحين ولا لأ..ترى الروحه لك لو ماودك نأجلها..
ريــم: الوليــد أنت من متى وأنت هنا؟؟
الوليــد: ليييه ريــم أنتي خايفة من شيء؟؟((وعقد حواجبه وضيق فتحت عيونه))
ريــم بصوت متردد: لا مو خايفة من شيء بس أنت من متى هنا لأني كنت أكلم صديقتي بموضوع يخصها هي ماتبي أحد يدري فيه..
الوليــد: أهااا صديقتك اللي ماتريد أحد يدري فيه؟؟ لا أنبسطي أنا توني جاي ماسمعت شيء
ريــم: زين ليه عيونك حمراء؟؟
الوليــد: هاااه عيوني حمراء أنا..يمكن لأني قبل شويه طخيتها بأصبعي..
ريــم: أشوى بس أنت طخيتها..تعيش وتاكل غيرها يالله نروح؟؟
الوليــد: نروح يالله تفضلي..
ريــم: لا بعدك تفضل أنت
الوليــد: لا بعدك حلفت
ابراهيم: أهووووه عليكم يالله واحد منكم يمشي
كلهم رفعوا روسهم لفوق هاااااااااه أنت من متى هنا...
ابراهيم: من يجي 10 دقايق يوم شفت الوليــد تأخر لحقته..
ريــم: وليد من متى كنت هنا؟؟
الوليــد: ماادري يالله بس خلينا نمشي..لا تروح الروحه عليك.. وتارطين
مشت ريــم أمام ابراهيم و الوليــد..
همس الوليــد بإذن ابراهيم: فضحتني أنت ووجهك..
ابراهيم: ماأحد قال لك تكذب!!!الكذب حبله قصير..
رمت في روحها على الكنبه وهي تقول: أوه طلعت اليوم للسوق كانت خيال تجنن
لينـا: صدقتي يا نهلا بس ريــم اليوم مأعجبتيني في السوق؟؟
ريــم: ليييه ماأعجبتك؟؟
ديمـــه: بما أنني ملقوفة بقول لك ليه.. ياأختي أنتي أول كنت في السوق تفنين بالذوق الجميل أما الحين شوفي مشترياتك أتحداك تلقين بلوزة تركب على تنورة ولا على بنطلون؟؟
ريــم: آه لأني كنت أشتري بلايز للكليه..
نهلا: بلايز للكليه بكم قصير وبدون أكمام؟؟اللي ماخذ عقلك يتهنى فيه
فيــصل: الوليــد أنت اليوم في السوق مو وعجبني شفيك؟؟
الوليــد تنهد بقووووة وقال: اقعد يا فيــصل محتاج لك..
فيــصل: شفيك يا الوليــد تكلم؟؟
الوليــد: ريــم
فيــصل: شفيها ريــم بعد؟؟؟
الوليــد: تصدق شاكه في حبي لها
فيــصل: وأنت كيف عرفت؟؟؟
الوليــد: سمعهتها اليوم تكلم صديقتها وتقول لها((أحس حب وليد طيش شباب أنا أول بنيه يشوفها وأكيد بيحس بأنه يميل لها))
فيــصل: طيب أكيد هي ماكانت تقول الكلام من قلبها..
الوليــد: لا يا فيــصل هي تظن هالشيء هذا..هي قالت لصديقاتها أخاف أوافق يكون حبه فترة وتزول وأخاف ماأوافق أخسر حب عمري....
فيــصل: زين أثبت لها هالشيء تقدر تثبته لها بتصرفاتك معها بعدين هي تحبك صدقني ماتقدر تستغني عنك..وأنا واثق أنها بتوافق وأنكم إن شاءالله بتزوجون وترى أول ولد فيصل
الوليــد: لا أول ولد عبدالله على عمي
فيــصل: ولا صارت بنت؟؟
الوليــد: سارة على أمك
فيــصل: أوهووووه طيب ثاني ولد
الوليــد: هذاك الحين يكون أسمي اللي أبي ممكن أسمي سلطان مثلا وممكن ابراهيم وممكن فيــصل وممكن ماجد..
فيــصل ضحك وقال: تعجبني يالله خلنا نروح للعيال...
الوليــد: الا على فكرة فيــصل ماتدري متى بنرجع للسعودية؟؟
فيــصل: والله أنا أسمع أبوي يقول بعد اسبوعين احتمال كبير نرجع للوطن تصدق حنيت له
الوليــد: وأنا بعد حنيت له
فيــصل: أوهوووووه بدينا بالتقليد....
الوليــد: زين البخ بس البخ..
ابراهيم: زييين اللي شرفتوا أنت وياه بدررررري
فيــصل: من عمرك بس كنا ندردش أنا ويا هالحبيب شويه
عبود: أقول الوليــد شصار على موضوعك أنت والعروس للحين ماأعطت موافقتها الكريمة؟؟
الوليــد: للحين والله بس أنت شدخلك مو كأنك جاي بالعرض؟؟
عبود: لا مشكلتي جاي بالطول أنا الكل يقول عني نحيف طويل الا أنت تقول عني عرض
فيــصل: غلطان الوليــد وين عرض لا يكون هالضعيف هذا نحيف وممشوق القوام أجعد الشعر عسلي العينين
ابراهيم: أسهمت بوصفه حييييييييييل يا فيــصل
ماجد: أنا أقترح تسكت أنت وياه ونجي بالجد سمعتوا آخر خبر؟؟
الوليــد+فيــصل+عبود+ابراهيم: وشو آخر خبر
ماجد: أبوي وعمي جاء لهم تلفون اليوم وقالوا ضروري نرد البلاد بسرعه وحجزوا رحلة على لبنان ومن لبنان للوطن..
عبود: واااااااي كشخة بنروح للبنان شقصتهم أبوي وعمي هالسنة كثير مشونا
ماجد: ياربي ثبت علينا نعمة العقل أقول يالخبل مستعجل وهم مالقوا غير هذي الرحلة واضطروا ياخذونها لأنه ماكو رحلة للسعودية على طول..فهمت علي يعني كل اللي بتقعده بلبنان كله ساعات..فهمت والا اسهم لك بالتفهيم..
عبود: لا فهمت خلاص مشكوووووور..
ابراهيم: زين ماعرفت شالمكالمة هذي؟؟
ماجد:الافهمته أنها من الشركة وأبوي وعمي بان عليهم الضيق بعدها شكل الموضوع كايد..
ابراهيم: الله يستر والله غريبة..
الوليــد يهمس لفيصل: ياحظي التعيس..
فيــصل: هذا أكبر همك المشكلة شكلها كايده وأنت كل تفكيرك بمشاعرك؟؟
ابراهيم: زين بالإذن بقوم أنام
ماجد: وأنا بعد بروح أنام تصبحون على خير
الوليــد+فيــصل+عبود: وأنتم من أهله الله معكم..
عبود: وقفت علينا أنا بإذنكم بروح اطقطق عالنت شويه
الوليــد: اذنك قصدي خشمك معك..
فيــصل: وقفت علي أنا وياك أنا بروح أشري أغراض من السوبر ماركت تجي معي؟؟؟
الوليــد: يالله شورانا خلنا نروح.. بس ببدل أول..
فيــصل: وأنا بعد ببدل 10 دقايق ونكون جاهزين
وبعد ما تجهزوا..نزلوا للسوبر ماركت واللي كان قريب منهم وعلى رجولهم راحوا له..
وفي السوبر ماركت....
فيــصل: تصدق سوبر ماركت حقهم يذكرني بلندن
الوليــد: أقوووول شرايك ناخذ لنا شكولاتات وحلويات ناكلها بالطريق؟؟وبالغرفة وبكل وقت
فيــصل: بل دعاية هذي مسوي لي فيها كأنك تشور أنا أحافظ على رشاقتي روح أنت خذلك
الوليــد: ياسلاااام توها تجي المحافظة على الرشاقة أقول بس تعال وياي نختار..
فيــصل: أمري لله يالله أختار مجبر ولست مخير!!
الوليــد: تصدق حلوياتهم تحير ماأدري شآخذ..
فيــصل: أنا أقولك شتاخذ خذ شيء تكون عارف أنه مافيه منتجات الخنزير
الوليــد: تصدق هالنقطة ناسيها تعال بآخذ هذا وهذا وهذا ريامي تحبه
فيــصل: وأنا شأخذت لي؟؟
الوليــد: أمممممم بآخذ هذا وهذا لك..يعجبك ولا لأ؟؟
فيــصل: يعجبني الا مشكوووووور..
وبعد ماحاسبوا.. طلعوا من السوبر ماركت....
الوليــد: تصدق ماأحلاه الشارع بالهدوء..
فيــصل: صدقت والله بس أصلا هذا الطريق ماتجيه سيارات كثيره اللي يمشون فيه أكثر..
الوليــد كان ماسك الأكياس بين يدينه وظامهن لصدره ويمشي متقدم على فيصل وهو سرحان
فيــصل كان يمشي ورى الوليــد وكان بينهم مسافه وكان يطالع الطريق وهو يقطعه..
انتبه فيــصل فجأة لسيارة جايه ومسرعه صوّت لوليد بينبهه لها بس وليد مارد كان سرحان
تقدم فيــصل بسرعة لوليد وكان يبي ينبه الوليــد للسيارة الجاية وهو مسرع بخطواته..
وماحس الوليــد الا بصوت ارتطام شيء..التفت خلفه وماشاف غير دم ورفع راسه لقى فيــصل مرتفع بالهواء تقريبا على بعد متر من السيارة..
شهق الوليــد وصرخ: فيــصل
ورمى الأكياس من يده وركض لـفيــصل وكان وقتها فيــصل طاح بالأرض صرخ الوليــد صرخة قوية..ورفع راس فيــصل من الأرض واسندها على يده.. وصار يكلمه..لكن فيــصل كان غايب عن الوعي ومو حاس بشيء تم يكلمه ويصوت له لكن فيــصل مارد عليه..
نزل سائق السيارة وطالع فيــصل لكن كان منظر فيــصل جدا سيء فما قدر لف ظهره وكلم على الإسعاف.. تجمهروا الناس حول الحادث..كان الوليــد يطالع اللي حوله ومو قادر يميز الوجيه كان مايشوف غير ضباب أمام عينه وينزل راسه على صدر فيــصل ويبكي بقوه..
سمع الوليــد صوت حشرجه من صدر فيــصل طق خد فيصل وكلمه لكن فيــصل كان يقول كلام ماقدر الوليــد يميزه كان رهبة الموقف أكبر من أنه يفكر شكان فيــصل يتمتم..
الوليــد مو عارف شيسوي كان حتى مو قادر يفكر ماكان يسوي غير أنه يصيح على صدر فيــصل..تلطخ راس الوليــد بالدم لكن مع كذه كان حاط راسه على صدر فيــصل...
وجاء الإسعاف ينقل فيــصل..كان الوليــد حالته النفسية متدهورة ومو عارف شيسوي.. ولاهو عارف من يكلم ولا عارف وين يروح...وبما أن الحادث كبيركان الكادر الطبي كبير فماكفت سيارة الإسعاف الوليد فأضطر الوليــد أنه ياقف ينتظر لموزين يمر من المكان..التفت على المكان اللي صار فيه الحادث وحس برغبة بالبكاء لكن رجولته منعته من أنه ينزف دموع أكثر مما نزف..كان الدم منتشر بالأرض ومختلط الدم مع الأكياس مسك الوليــد راسه وكرر: إنا لله وإنا اليه راجعون..
.....: السلام عليكم..
الوليــد طالع الرجال وهو مو قادر يرد عليه ومو قادر حتى يميز وجه الرجال..
مسك الرجال يد الوليــد وقال له تعال أخوي خلني أوديك بسيارتي..
الوليــد أشر براسه بالموافقة..وكأنه للحين مابعد صحى من الصدمة..
وركب مع الرجال بالسيارة كان الصمت يخيم على السيارة ومافيه أي صوت غير صوت المحركات.. الشوارع كانت خالية وأضوائها خافته حس الوليــد بوحشه مو عارف شسببها ودموعه كانت على خده لكن من غير صوت..طالع الوليــد يدينه شاف دم يلطخ يدينه وقال بأسى وبصوت كله حزن : ليتها فيني ولا فيك يا فيــصل..
.......: استغفر ربك هذا قدر ومكتوب ومالك فيه يد..
طالع الوليــد الرجال وهو مو عارف شيرد غير برده: إنا لله وإنا إليه راجعون..
وصلوا المستشفى ونزل الوليــد بسرعة ولحقه الرجال..وصلوا لريسبشن كان الوليــد وده يتكلم ويسأل عن الحادث لكن حس كأن لسانه انلجم حس فيه الرجال اللي وياه فتكلم عنه وسأل الممرضه عن الحادث أجابته الممرضة بأنه وصل قبل شويه ودخلوه غرفة العناية
من سمع الوليــد هالكلام الا وطار لغرف العنايه..أخذ الرجال رقم الغرفة ولحقه كانت الغرفة بآخر الممر..راح الوليــد للغرفة لكن الممرضات رفضوا أنه يدخل وقالوا له أن الدكتور عنده..
أصر الوليــد أنه يدخل لأنه حس أنه لازم يكون جنب فيــصل..
وبعد إصرار الوليــد على الممرضات وبعد موافقة الطبيب وافقوا أنه يدخل للغرفة ويقفل جواله..طلع من جيبه الجوال ورماه بالأرض وقال بس دخلوني..تكفووون
الرجال مازال واقف عند الغرفة وساعة يحاول يهدي الوليــد وساعة كان يقنع الممرضة بأن الوليــد يدخل على فيــصل فلما رمى الوليــد جواله طمس الرجال وأخذه من الأرض..
دخل الوليــد على فيــصل كان فيــصل وكأنه جثة هامده مغطيه باللون الأحمر كان شكله يصعب على العدو..والأجهزة مو تاركة مكان واحد فجسمه.. طمس وليد راسه وتقدم لسرير فيــصل وحط يده على جبهة فيــصل وقال: لا باس ان شاءالله..وأجهش في بكاء عميق..
دخل الدكتور على الغرفة فمسح الوليــد دموعه بسرعة ورفع راسه
المترجم: السلام عليكم أنا محمد المترجم حبيت أكون موجود أكون لك بالعون اذا واجهت مشاكل بالتفاهم مع الدكاترة..
الوليــد وهو مو حاس شقاعد يقول: طيب وش جابك؟؟
المترجم طايرة عيونه: أهاا قصدك من قال لي؟؟ الدكتور خبر السفارة وأنا من عند الملحق الطبي للسفارة..
الوليــد: لغة نعرف لغة أنت شعندك بالضبط
المترجم: أكون عارف بالخطوات في مثل هالحلات
الوليــد: تشرفنا وأنا الوليــد
المترجم: هلا بك أخ الوليــد فيه أي أسئلة بتسألها الدكتور لتطمئن على حالة أخوك
الوليــد ضحك ضحكة سخرية وطمس راسه وقال: الموضوع باين من عنوانه شتبيني أسأله؟
المترجم: لا ياأخ الوليــد قو إيمانك بالله مافي شيء بعيد على ربك..
الوليــد: مافي بعيد عليه سبحانه.. زين أسأله عن الحالة بشكل عام
وترجم محمد السؤال للدكتور وبعد ماعرف الجواب التفت على وليد وقال له: الدكتور يقول وضع أخوك في حالة سيئة جدا واحنا بإنتظار الـ24 ساعة الجاية اذا استقر الوضع نقدر نقول ان شاءالله زال الخطر..

محمد: الدكتور يطلب منا الخروج من الغرفة يقول أن هذا يقلق راحة المريض ويطمئنك أنه هنا تحت المراقبة المشددة وان شاءالله بيكون بخير..
الوليــد: كم الساعة الحين؟؟
محمد: الساعة .0 يالله نكمل كلامنا برى الغرفة..
قام الوليــد والتفت خلفه شاف الرجال اللي قبل لحظات كان يشوفه مثل الحصان الآن هو جثة لا تشعر.. مسك يده وحبها وقال: ماقدامك الا العافية ان شاءالله يالغالي..
وخرج من الغرفة مع المترجم لقى الرجال اللي وصله للمستشفى يستفسر عن حالة فيــصل ناظره الوليــد وقال: وقال أنت مين؟؟
الرجال: أنا اللي نقلتك بسيارتي لهنا
الوليــد: أهاا مشكور ماقصرت
الرجال: أفا عليك بس الناس للناس والكل بالله ....((وأعطى الوليــد جواله))
الوليــد: ألف شكر..
الرجال: دق كذا مرة وأنت داخل
الوليــد: زين طيب..
جلس الوليــد على الكرسي المقابل لغرفة فيــصل وأسند راسه للجدار..
محمد: زين أخ محمد أنا بروح أكمل إجرائات دخول المستشفى ممكن جواز الأخ المريض والفيزا؟؟
الوليــد: الجواز وينه؟؟؟؟ دقيقة من فضلك على ماأعتقد أن الجواز والفيزا بالشقة..
ومسك الجوال وهو كاره يدق على أحد مو قادر يقول له مثل هالخبر لأي كائن..
..........: نعم شتبي
الوليــد: هلا ابراهيم
ابراهيم: يالله صباح خير شتبي داق على الفجور؟؟
الوليــد: ابراهيم مو وقته اسمعني.. فيــصل صار له حادث والحين أنا معه بالمستشفى ومحتاجين للجواز والفيزا عشان اكمال الإجرائات تعال بسرررعة
ابراهيم: متى صارله الحادث؟؟ وكيف حالته الحين؟؟
الوليــد: مو وقته الحين بسرعه تعال أنا محتاج لأحد معي يا ابراهيم بسرعه تكفىىىى
ابراهيم: مسافة الطريق بس وأكون عندك..
وسكر الجوال من ابراهيم ورجع لحالته السابقة مسند راسه على الجدار كان كل مايقفل عيونه يتذكر منظر فيــصل وهو في الهواء وفي وسط دمه.. كان يتمنى لو أن الوقت يرجع كان يفتدي فيــصل بروحه.. وأخذه تفكيره لبعيييد..ومارجعه للواقع الا صوت ابراهيم
ابراهيم: ويييييييينك حفيت وأنا أدورك وليه ماترد على الجوال روعتني عليك يا شيخ..
الوليــد: ماسمعته جبت الجواز والفيزا؟؟
ابراهيم: ايه وطلعهن من جيبه
الوليــد: عطهم هذاك الشخص اللي واقف هناك
ابراهيم: وهالشخص من يكون؟؟؟
الوليــد: مترجم جاء من السفارة بسرعة عطه الأوراق اللي معك خله يكمل شغله
ابراهيم: زين طيب خلاص..
وتقدم ابراهيم لمحمد وسلم عليه وبعد ماتعرفوا على بعض..أعطاه الأوراق وسأله عن حالة فيــصل وقال له محمد نفس الكلام اللي قاله له الدكتور..
ابراهيم: يعني الحالة سيئة للدرجه هذي؟؟
محمد: الصراحة ياأخ ابراهيم كله بيد الله..
ابراهيم: كيف يعني؟؟ كلم الدكتور أبي أدخل أشوفه
محمد: ربك كريم فيــصل محتاج لدعواتكم أكثر من أنه محتاج أنكم تاقفون جنب سريره..
ابراهيم: الله يجزاك خير بس أبي أشوفه
محمد: صدقني يا ابراهيم مو من مصلحة الكل هالطلب
ابراهيم: طيب الله معك.. ورجع عند الوليــد وهو يردد: لاحول ولا قوة الا بالله
ابراهيم: الوليــد كيف صار الحادث؟؟
كان الوليد مازال مسند راسه على الجدار غمض عيونه وكأنه يحاول يتذكر اللي صار وقال:
ماادري ماادري يا ابراهيم أنا اللي أذكره فيــصل وهو طاير بالهواء والدم منتشر على الأرض... ابراهيم تهقى فيــصل يرجع مثل ماكان؟؟
ابراهيم: ربك كريم كله بيد الله قم نصلي دخل وقت الفجر
الوليــد: طيب.. أهلي من يخبرهم باللي صار؟؟
ابراهيم: قم نصلي والصبح الساعة 7 يكونون أهلي قاموا نروح نخبرهم...
الوليــد: يالله شهلا المسيكنة شبتسوي
ابراهيم: شهلا؟؟شجابها الحين احنا وين وأنت وين؟؟
الوليــد: لا يا ابراهيم من صار اللي صار وأنا مو قادر أمنع تفكيري عن شهلا شبتسوي لا درت لا تنسى أنها مازال سنها صغير وأكيد ماراح تستحمل الصدمة..
ابراهيم: الله يتكفل فيها وفي فيــصل خلنا نصلي بس وندعي لـفيــصل..
قاموا العيال والتقوا مع المترجم عند البوابة وصلوا جماعة ورجعوا لمكانهم..
محمد: أنا من رأيي يا أخوان تروحون للشقة وترجعون الظهر وان شاءالله كل خير
الوليــد: وين تبينا نروح ونخلي فيــصل بالحالة هذي أنا ماراح أتحرك من هنا
محمد: صدقني وجودك هنا مثل عدمه روحوا للشقة ارتاحوا وبدلوا وطمنوا الأهل وأنا أول مايجد جديد بخبركم..
ابراهيم: مشكووور وماقصرت
محمد: ماسويت أكثر من واجبي ممكن بس أرقام أقدر أكلمكم عليها اذا جد أي جديد؟؟؟
الوليــد: شعندكم أنتم ليه تدقون أنا بتم هنا ولا راح أتحرك من هنا الا لما أتطمن على فيصل
ابراهيم: آآخ منك يا الوليــد معجبك شكلك ملطخ بالدم الحين؟؟
الوليــد: ايه ملطخ بدم لكن بدم الحبيب دم فيــصل دم الغالي..
ابراهيم: زين شوف نجلس هنا لحد الساعة 7 وبعدها نرد نخبر الأهل ونبدل ونرد هنا
الوليــد ضحك ضحكة استهزاء وقال: يصير خير لحد الساعة 7
وبينما هم واقفين الا ويقبل عليهم فوج هائل من الممرضات والأطباء واتجهوا لغرفة فيــصل
الوليــد: فيـ ــ ــ ــصل شفيه؟؟؟
المترجم تقدم بسرعة ومسك احد الممرضات على جنب وسألها ردت رد مختصر وسريع..
ابراهيم: شتقووول الممرضة؟؟
محمد: الصراحة تقول أن الحالة ازدادت خطورة والأطباء الحين بيشفونها..
الوليــد قام على حيله وقال: وتبوني أترك فيــصل بعد..يااارب رحمتك
وقفوا العيال عند غرفة فيــصل وكان الخوف والقلق مبين في عيونهم..والعبرة تطقطق في حلق كل واحد منهم خاصة وأن رهبة الموقف مو مخليتهم يفكرون في شيء غير حال فيصل
................................
رمى نفسه على الكرسي ووضع راسه بين يدينه وبكى لكن أي بكاء بكاء من قلب وراح فيــصل من بين يديني.. فيــصل تركني تركني للأبد.. مكتوب علي أعيش وحيد.. آه يا فيــصل ليتها فيني ليتها فيني ... ليتها فيني يارب خذني الى حيث أخذت فيــصل..
ابراهيم: إنا لله وإنا اليه راجعون اذكر رربك يا الوليــد مكتوب ومالنا فيه يد ادع له بالرحمه
الوليــد: تدري كيف فقدت أعز ناسك بين يديك وأنت مو قادر تسوي شيء؟؟ تدري كيف تفقد أخوك بالدنيا... تدري كيف؟؟؟ ابراهيم أحس أني بختنق...
محمد: اذكر ربك يا وليد مايجوز لك ترحم عليه ادعي له بالرحمة مايجوز اللي تسويه
الوليــد: الله يرحمك يا فيــصل الله يرحمك..
مسك ابراهيم يد الوليــد وطلعوا من المستشفى...كان الوليــد في حالة يرثى لها...
وبعد ماوصلوا الفندق اتجهوا على طول الى شقة ابو ابراهيم..لكن من له نفس يخبر أحد بالخبر السيء على الصبح..
وصلوا باب الشقة طقوا الباب وفتح لهم ابو ابراهيم..
ابو ابراهيم: بسم الله عليك يا وليد شفيك شالدم هذا؟؟
الوليــد: ياليته فيني بس مو فيني
ابو ابراهيم: في مين أجل..
ابراهيم: يبه ندخل قبل لا نتكلم..
ابو ابراهيم: اييه أكيد
دخلوا وقابلتهم أم فيــصل بسؤال شفيك يا وليد؟؟ بسم الله عليك عسى ماشر أنت عريسنا عاد
الوليــد: أي عريس أي عريس؟؟
ابو ابراهيم: الحين ممكن تفهموني السالفة؟؟
ابراهيم: خاله أم فيــصل مشتهين من ايدك قهوة على الصبح..
حست أم فيــصل أن ابراهيم يبغى يكلم أبوه بس.. قامت وهي تقول الله يستر..الله يستر
ابو ابراهيم: شفيكم قلقتوني عليكم؟؟
ابراهيم: يبه ماادري من فين أبدأ ولا من فين أنتهي
ابو ابراهيم: من النهاية يا ولدي هاتها
ابراهيم تنهد بقوة ورفع راسه فوق وقال: يبه من حيث أنتهى بـفيــصل فيصل يطلبك الحل..
ابو ابراهيم يطالع وليد وكأنه يبي وليد يكذب الخبر..لكن عيون وليد أكدت له الخبر..
ابو ابراهيم: مسح دمعته ومافي أقوى من أنه يفقد ولده يفقد ولده بين عشية وضحاها..يفقد سنده بالحياة.. حس كأن اللي صار سكين طعنه في صدره وسكت فترة يفكر بالصدمة اللي صارت له.. حس أن الدنيا أظلمت بعينه .. وبعد لحظة صمت.. كيف ووين؟؟ وليش توكم تقولون لي؟؟
تكلم الوليــد: مابغينا نزعجك ياعمي صار لـفيصل حادث الفجر وتوفى قبل ساعة تقريبا
ابو ابراهيم: تزعجوني كيف تزعجوني حرمتوني من السلام على ولدي بلحظاته الأخيرة ياليتكم أزعجتوني ولكني شفت ولدي ياليتكم...
الوليــد: بس ياعمي بس تكفى لا تقطع قلبي أنا خلقة متقطع قلبي عليه..
ابو ابراهيم: اليوم طيارتنا للبلاد على الساعة الفجر وماأبي الحريم يدرون بأي شيء والخبر بيني وبينكم وبين عمكم مفهووم والجثمان ينقل ان شاءالله...
الوليــد: زين شنقول لهم لا سألونا عن فيــصل
ابو ابراهيم: قولوا لهم فيــصل صار له حادث وبينقلونه بطيارة المستشفى الخاصة للوطن..
ابراهيم+الوليــد: ان شاءالله
ابو ابراهيم: الحين روحوا بدلوا وتجهزوا للسفر وبشوف لنا واسطة يكملون فيها الإجراءات بسرعة والله يرحمك يا فيــصل
الوليــد: لا يبه أنا ماراح أتحرك من هنا الا وجثمان فيــصل معنا..
ابراهيم: وأنا بعد..
ابو ابراهيم: اذا طولنا الجلسة بتصر أمه وخواته يشوفونه وحنا ماودنا نضيق صدرهم هنا
مافيه غير عمكم يروح مع الأهل للوطن وإحنا نتم هنا لحد مانكمل الإجراءات...
ابراهيم: لكن مصيرأهلي يدرون الحين ولا بعدين..
ابو ابراهيم: بتفق مع عمكم يخبرهم بعد مايصلون للوطن ويرتاحون لكن عمكم مايقدر يواجههم في الخبر لحاله بحاجه لك يا ابراهيم تكون معه وانا ووليد نكفي هنا
ابراهيم: ان شاءالله..
الوليــد: طيب ياعمي كم يبغى له نقل الجثمـــ((وهنا دخلت أم فيــصل))لفق الموضوع الوليــد وقال كم يبيله النقل بالطيارة الخاصة..
ابو ابراهيم: الصراحة أنا جاهل بالأمور هذي
أم فيــصل: شفيييييييييكم؟؟
ابو ابراهيم: زين أنك سألتي طيحتي عني نصف المشوار..
أم فيــصل: زين شفيه طيحتوا قلبي
ابو ابراهيم: أنتي حرمة عاقلة وفاهمة وتؤمنين قضاء ربك وقدره فيــصل صار له حادث والحين هو بالمستشفى..
أم فيــصل وقفت على حيلها: شتقووول أنت؟؟
الوليــد: ياخاله كل أمر ربك والله أراد له هالشيء...
حست أم فيــصل كأن الدنيا تلف فيها..وماعادت تحس باللي يصير حولها..
ابراهيم: خاله خاله وصار يطق خدها ويناديها خاله..
الوليــد: مسكينة هذا وهي مادرت باللي صار صدق داخت أجل لو تدري شيصير فيها
ابراهيم: وليد مو وقته الحقنا بسرعة بعطر
تلفت حوله ومالقى غير منديل معطر فكه من القرطاسه..ومده بسرعه لابراهيم
ابو ابراهيم: كان مابين يدافع عبراته على ولده ومابين تفكيره السارح ولكنه جمد شوي وقال: بسم الله عليك ومسك يدها وهو يحاول يصحيها
ابراهيم أخذ المنديل وحطه عند أنفها لحد ماصحت من الدوخة..
أم فيــصل: فيــصل شفيه؟؟ياويلي على ولدي
ابو ابراهيم: ولدك مافيه الا العافيه
أم فيــصل: أبي أشوفه الحين الحين
ابو ابراهيم: فيــصل مافيه الا كل خير بس حادث وممنوعه الزيارة عنه..واليوم ان شاءالله بتردون للسعودية وكلها كم اسبوع ونلحقكم أنا ووليد و...و... فيــصل
أم فيــصل: لا ماأرد الا مع ولدي
ابو ابراهيم: أنتي ياأم فيــصل وراك مسئوليات ومايصير تتركينها ولازم تردين واحنا بنلحقكم
أم فيــصل: مدري ليه بس أحس أني مو مطمئنة لكلامكم.. ابراهيم ولدي قل لي الصدق
ابراهيم: هذا الصدق ياخالة
أم فيــصل نقلت عيونها بين الوليــد و ابراهيم وابو ابراهيم وهي تقول: أحس أنكم تكذبون بس بجاريكم وأمري لله..
الوليــد: تنهد بقوة وقال: عن أذنكم بروح أتسبح وأبدل..
ماكان عارف شاللي يخيليه بالوقت هذا يقوم يتسبح لكن كان كل ظنه هو الهروب من الواقع اللي انحط فيه الوليــد وهو أنه يفقد صاحبه وأخوه وصديق عمره ويفقده للأبد..
مشى الوليــد بخطى ثقيله لغرفته مثل ماكان الوقت يمر عليه ثقيل.. كان يفكر بحياته وكيف راح يلقى للفرح طعم من بعد فيــصل كيف بيعيش حياته.. و فيــصل اللي كان يرافقه بحله وترحاله الحين مو قادر يسمع حتى صوته.. راح فيــصل لكن بقت له السيرة الحسنة اللي تركت انطباعها على الجميع..وأثناء ما الوليــد يمشي مر من غرفة البنات.. التفت للغرفة بأسى ماكان عارف شسببه لكنه أدرك فيما بعد أن الأسى هو أسى على حال شهلا لادرت أو يمكن أسى لحاله قبل كل شيء.. مشى بطريقه وكأنه يمشي بطريق طويل مو عارف له نهاية والوجيه كأنها أول مرة يشوفها.. وقف عند باب غرفة العيال..سمع صوت منادي..
…….: M.S can I take garbage
طالعه الوليــد بنظرة متفحصه.. أدرك أنه عامل النظافة.. لكنه اكتفى بالصمت ودخل الغرفة
........................................ .......... ..
فتحت عيونها مفزوعة وصرخت صرخة دوى صداها بالغرفة..

سنكمل بقيت الجزء فيم بعد

بالاول الردود
وبعدها تكملة القصه

اوك
باي

وااااااااااااااااااااااااااااااااااااااااااو قصة طويييييييييييييييييييييييييييييييييييييييلة جدا بس كتتتتتتتتتيييييييييييييير حلوة

وااااااااااااااااااااااااااااااااااااااااااااااااااو على القصه