يضيق الصدر.. لاشفتك.. حبيبي تمسح دموعـك

يضيق الصدر.. لاشفتك.. حبيبي تمسح دموعـك
ترى مااقوى على حزنـك.. لـك الله لاتبكينـي

حبيبي للفـرح دايـم.. ابيـك اتوقـد اشموعـك
وابا زورك.. وابفرح بك.. لـو انـك ماتدانينـي

وش اللي صار باحوالك.. طلبتك قول موضوعك
ألـى هالحـد تغلينـي.. ومــاودك تعنيـنـي

تعال وشوفها احزانك.. بنت في روحي افروعك
هدمت افراح من شانك.. وماتـن بـي بساتينـي

حرام ارتاح في نومي.. إذا ماارتحت بهجوعـك
قسـم بالله مااخونـك.. مدامـك حيـل تغلينـي

تراك النور لعيونـي ..طلبتـك جـود بطلوعـك
أنا المجنون والتايـه.. وليـل الهـم معمينـي

وليل من الفرح يبكي ..يبيك اتجـود برجوعـك
و هما ياتلف حالي.. كفـر بـي.. لاعبـا فينـي

حبيبي وش تبي قلي.. أنا كلـي رهـن طوعـك
علامـك يابعـد عمـري.. حزيـن وماتحاكينـي

تعال وخذ من اشعاري.. تسلا عطني اسموعـك
وإذا ماجاز لك شعري.. حرام اتخطـه ايدينـي

تبي قلبي ترى جالك.. رحل لك ..داخل اضلوعك
تبي روحي ..تبي فرحي.. تبي مالي.. تبي عيني

حبيبي جيتك ابدمعـي..
وودي تمسـح ادموعـك
أنـا غصتنـي العبـره..
دخيـلـك لا تبكيـنـي

شكرا

جد كتتتتتتتتير حلووو ويسلمو اخي يونس على الموضوع الحلو
تقبل مروري .......